Obe wa Burhwali

Ebi Yezu Ajijire

EVIDEO: Yezu Ahubiri Zakayo

1. Olole EVIDEO, erhi osome Luka 19:1-7. Enyuma z’aho, orhanye kw’aga madoso gakulikire:

1. Bici byakag’irhuma nkaba bantu baguma na baguma bayaka Zakayo?

2. Ciru akaba ntyo, bici byashumyagya Yezu okumuganirira omwanzi mwinja?

Bici Olwiganyo lwa Yezu Lurhuyigirizize?

2. Rhulagirire oku kuba n’oburhwali lyo rhuhubiri omwanzi mwinja gw’Obwami buzira kubolola abantu.

Oyige Olwiganyo lwa Yezu

3. Olangalire Yehova. Iroho lya Nnâmahanga lyahîre Yezu obuhashe al’ilagirireko ly’ahubiri. Na nawe, lyanakuha obo buhashe. (Mt. 10:19, 20; Lk. 4:18) Ohûne Yehova oburhwali ly’ohubiri abantu ociyumva oyobohire.—Ebj. 4:29.

4. Orhakag’irhanyiza abantu kubi. Nkaba rhwanarhindira okuganira na bantu baguma na baguma enyanya z’oku babonekine, enyanya z’eceyo bajira, erhi enyanya z’ebintu by’omubiri bagwerhe, enyanya z’oku baba balamire, erhi enyanya z’ebi baba bayemire omu idîni lyabo. Cikone okengere ntya:

1. Yehova na Yezu bajira obuhashe bw’okusoma emirhima y’abantu; rhwehe rhurhakahash’ijira ntyo.

2. Nta muntu orhakayunguka n’olukogo lwa Yehova.

5. Obe wa burhwali cikone kandi obe wa bukenge onabe masu. (Mt. 10:16) Oyake okuja kadali. Oyuse enganîro omu njira y’obukenge erhi akaba omuntu arhalonzizi okuyumvirhiza omwanzi mwinja, na kandi erhi wakaciyumva orhaciri omu bulanzi.—Mig. 17:14.