Obe wa Bushiru

Ebi Yezu Ajijire

EVIDEO: Yezu Ahânula Omusole Wali Murhambo Mugale

1. Olole EVIDEO, erhi osome Marko 10:17-22. Enyuma z’aho, orhanye kw’aga madoso gakulikire:

1. Morhere gahi minja Yezu akaba abwine mw’oyo murhambo wali musole?

2. Bulya gurhi Yezu al’ilagirire oku buzigire n’obushiru ly’ahanûla oyo mulume?

Bici Olwiganyo lwa Yezu Lurhuyigirizize?

2. Rhushinganine rhukabwira abanafunzi birhu ebintu omu njira y’obuzigire, cikone kandi, omu njira y’obwalagale lyo rhubarhabala bajire amajambere g’ekiroho.

Oyige Olwiganyo lwa Yezu

3. Orhabale abanafunzi bawe bacihirireho emihigo n’okuyihikiriza.

1. Okolese ehigabi “Omuhigo Gwani” hy’omu ngasi isomo ly’omu citabu Oshagalukire Akalamo Ensiku n’Amango!

2. Orhabale omwanafunzi wawe ahugûkwe ebi ashinganine ajire ly’ahikiriza emihigo y’okuhikiriza enyuma za kasanzi kasungunu n’ey’okuhikiriza enyuma za kasanzi kanji.

3. Okavuga omwanafunzi wawe omunkwa oku majambere ali ajira.

4. Ocihangane okumanya ebiri byarhuma omwanafunzi wawe arhajira amajambere, onamurhabale okubihima.

1. Ocidose ntya:

   • ‘Erhi akaba omwanafunzi wani arhali ajira amajambere ly’abatizibwa, bici bimuhanzize?’

   • ‘Bici nakajira ly’omurhabala?’

2. Oshenge ly’oba n’oburhwali bw’okuganira n’obwalagale n’omu njira y’obuzigire haguma n’omwanafunzi wawe lugenda ebi ashinganine ajire.

5. Oyimanze ifunzo erhi akaba omwanafunzi wawe arhali ajira amajambere.

1. Olonze okumanya bwinja erhi ifunzo linyu ly’Ebibliya ligendekire bwinja omu kucidosa ntya:

   • ‘K’omwanafunzi wani ali akolesa ebi ali ayiga?’

   • ‘K’anaje oku ntimanano z’ecigamba n’okuganirira abandi ebi ali ayiga?’

   • ‘Erhi akaba hamagera kasanzi kanji ali ayiga Ebibliya, ka kobinali alonzize okuba Muhamirizi wa Yehova?’

2. Erhi akaba arhalonzizi okujira amajambere:

   • Omubwire arhanye oku bintu byakaba biri byamuhanza okujira amajambere.

   • Omu njira nyinja na ya bukenge, omuhugûlire bulya gurhi murhacigendekeze ifunzo.

   • Omubwire ebi ashinganine ajire, erhi akaba alonzize mucib’irhondera mwayiga Ebibliya.