Oku Wakayigamwo

K’osima okusoma enganîro z’akalamo ka bene wirhu na bali birhu?

Mulume muguma na mukage bakag’isoma enganîro z’akalamo ka muntu muguma muguma ngasi sezi badesire ntya: “Eyo myanzi yarhudwirhire omwishingo yanarhuha omurhima bwenene! Erhukengezize oku nirhu rhwanabêra bishwekerezi omu ngasi kanga.” Mwali wirhu muguma naye waciyumvirhe ntyo ayandika ntya: “Ezo nganîro z’akalamo ziba za kurhuliriza, za kushumya, na za kuhâna omurhima. Akalamo ka bene wirhu na bali birhu kajira omuhigo. Emyanzi eganirire akalamo kabo enanshumye njire binji omu mukolo gw’amahubiri enanantabale lyo mpa abana bani omurhima baje omu mukolo gwa Yehova gw’akasanzi koshi.”

Enganîro z’akalamo k’abantu zanakushumya ocihangane okujira binji omu mukolo gwa Yehova, ohime obuzamba bwawe, n’okulembera amazibu madarhi n’omwishingo erhi onarhulirire. Gurhi wakabonamwo eyo myanzi?

• Olonze emyanzi eri omu cigabi cidesire “Masimulizi ya Maisha ya Mashahidi wa Yehova” oku jw.org erhi oku JW Library®.

• Olonze “Masimulizi ya Maisha ya Mashahidi wa Yehova” omu Watchtower MAKTABA KWENYE MTANDAO erhi omu Watchtower Library.