Oku Wakayigamwo

Ocishoge Ebintu by’Obulagirire Bwenene by’Okuyiga

Rhweshi rhurhaba rhugwerhe kasanzi kanji k’okujira ifunzo lirhu rhwene. Gurhi rhwakakolesamwo ako kasanzi kasungunu rhugwerhe? Burhangiriza, orhakag’isoma duba-duba. Wanayunguka bwenene omu kuyiga myanzi misungunu bwinja-bwinja ahali h’okuyiga myanzi minji duba-duba.

Buzinda, ocishoge bintu biguma na biguma by’obulagirire bwenene by’okuyiga. (Ef. 5:15, 16) Amahano gakulikire ganakurhabala:

• Okasoma Ebibliya ngasi lusiku. (Enna. 1:2) Enjira nyinja yakakurhabala orhondere kuli kukulikira eprograme y’obusomi bw’Ebibliya bupanzirwe oku ntimanano y’omu karhi k’omugobe.

• Okarheganya Ifunzo ly’Ilabiro ly’Akalalizi n’entimanano y’omu karhi k’omugobe. Okacirheganya ly’ohâna amashuzo.​—Enna. 22:22.

• Amango ogwerhe akasanzi, okacilisa ebindi biryo by’ekiroho, nk’amagazeti g’abantu boshi, evideo, n’emyanzi eba oku jw.org.

• Oyige mwanzi mulebe gukusimisize. Wanajira obusagasi lugenda mazibu malebe oli walwisa, idoso lilebe oli wacidosa, erhi mwanzi mulebe gw’Ebibliya wakasimire ohugûkwe bwinja. Ly’obona entanya lugenda oko, oyigule ecigabi cidesire “Omukolo gw’Okuyiga Ebibliya” ciri oku jw.org.