Okakolesa Eciyo Bwinja

Entumwa Yakobo yashushanyize Ebibliya n’eciyo cirhurhabala okubona oku rhuyosire kobinali ekandalala. (Yk. 1:22-25) Gurhi rhwakakolesamwo bwinja Ebibliya nka ciyo?

Okayisoma bwinja-bwinja. Erhi rhwakacilolera duba-duba omu ciyo, nkaba rhwanayabirwa okubona izabyo lilebe rhwal’ishinganine okukûla. Ko n’oko, erhi rhwakasoma Ebibliya duba-duba rhurhakabona ebi rhushinganine rhukubûle. Lyo rhubibona, rhushinganine rhusome Ebibliya bwinja-bwinja.

Okacibona wene bwenene ahali h’okubona abandi. Erhi rhwakahengula eciyo, canarhuyeresa izabyo ly’owundi muntu. Ko n’oko, nkaba rhwanakolesa Ebibliya lyo rhubona obuzamba bw’owundi muntu. Cikone oko kurhakarhurhabala kobinali okukubûla obuzamba bwirhu rhwenene.

Okaba wa lugero. Erhi rhwakalolereza bwenene izabyo lirhu rhwenene eciyo ciyerekine, nkaba oko kwanarhuma rhwavunika omurhima. Rhushinganine rhube ba lugero amango rhuli rhwasoma Akanwa ka Mungu omu kurhacilongezako binji bwenene kulusha ebi Mungu arhuhûnyire.​—Yk. 3:17.