Abahamirizi ba Yehova n’Okunigwa kwa Bayahudi Banji​—Bici Ebibliya Edesire Lugenda Oko?

Omu nsiku 27/1/2023, bantu banji omw’igulu lyoshi bakengera olusiku lw’Okunigwa kwa Bayahudi Banji. Obo bunizi bwajirikanaga hakola hali myaka erhalusire 75 bwanarhuma wacidosa bulya gurhi Mungu alekaga Bayahudi banji ntyo banigwe.

• Ly’omanya ebi Ebibliya edesire lugenda oko, osome omwanzi gudesire “Bulya Gurhi Bayahudi Banji Banigagwa? Bulya Gurhi Nnâmahanga Arhahanzagya oko Kurhahikiraga?”

Abayahudi bo balibuzibwe bwenene n’okunigwa. Emipango yarhôlwa y’okuniga emiliyoni y’Abahudi. Abandi bantu barhali Bayahudi balibuzibwe bananigwa amango Bayahudi banji banigagwa. Egarhi k’abo bantu, mwali Abahamirizi ba Yehova balibuzibagwa enyanya z’obwemere bwabo buyimangire oku Bibliya.

• Ly’oyiga binji, osome omwanzi gudesire “Ni Nini Kilichowapata Mashahidi wa Yehova Wakati wa Yale Maangamizi Makubwa ya Wanazi?”

“Obulangalire bw’ensiku zayish’iyisha”

Bantu banji banakayoboha oku obunizi buli nk’obo bwahikiraga Abayahudi bwanacib’iba. Akantu k’okushagalusa, Ebibliya elaganyize oku amango gayisha garhakacibamwo ebintu bya ntyo.

• “Bulya manyire niene omuhigo ngererezize kuli mwe. Guli muhigo gwa murhûla cikone gurhali gwa buhanya, nti lyo mmuha obulangalire bw’ensiku zayish’iyisha.”​—Yeremiya 29:11a, Mashi Bible.

Obo bulangalire bwayish’ihikirira hano Mungu ayusa obubi boshi n’amazibu goshi bwalesire. Hano hofi-hofi:

• Arhenza loshi abantu balibuza abandi omukubajirira amabi.​—Emigani 2:22.

• Afumya abantu boshi balibuzibwe.​—Amafulûlo 21:4.

• Agalulira abafîre obuzine.​—Yowane 5:28, 29.

Wanayemera obulangalire bw’okurhuliriza Ebibliya ehânyire. Ly’omanya bulya gurhi, rhukulalisire oyige Ebibliya haguma na nirhu buzira kuhâna kantu.