IBÎKIRO LY'OKU ENTERNETE Watchtower
Watchtower
IBÎKIRO LY'OKU ENTERNETI
Mashi
  • BIBLIYA
  • BICAPO
  • NTIMANANO
  • ijwbq mwanzi 141
  • K’Igulu Lyanasherezibwe?

Nta video eri mw’ehi higabi.

Habire ehya mazibu ene oba oli walonza.

  • K’Igulu Lyanasherezibwe?
  • Amashuzo oku Madoso g‘Ebibliya
  • Birhwe bisungunu
  • Ishuzo ly’Ebibliya
  • K’Abantu banashereze igulu?
  • K’Ebibliya erhaba eyigirizize oku igulu lyanayocibwe omu muliro?
Amashuzo oku Madoso g‘Ebibliya
ijwbq mwanzi 141
Igulu lisharhusire rhuhande-rhuhande

K’Igulu Lyanasherezibwe?

Ishuzo ly’Ebibliya

Nanga. Igulu lirhu lirhakasherera, lirhakakwebwa omu muliro erhi kurhenzibwaho. Ebibliya eyigirizize oku Nnâmahanga alemire igulu ly’abantu balilamako ensiku n’amango.

  • “Abashinganyanya bo balya igulu, bo banalibêrakwo ensiku n’amango.”​—Ennanga 37:29.

  • “[Nnâmahanga] We wadêkerezagya igulu omu ciriba calyo, lirhahuligana ciru n’ehitya.”​—Ennanga 104:5. Mashi Bible

  • “Igulu ho linayosire liri.”​—Omuhanûzi 1:4.

  • “Nyamuzinda wabumbaga anajira igulu, ye wanaliyimanzagya. Arhalilemaga mpu liyorhe bwerûle, ci alibumba mpu baliyubakemo.”​—Izaya 45:18.

K’Abantu banashereze igulu?

Nnâmahanga arhakaleka abantu bashereze igulu n’izinga, amavita, erhi kandi kantu koshi-koshi. Lubero n’oko, ‘ayish’iherêrekeza balya bashereza igulu.’ (Amafulûlo 11:18) Gurhi ayish’ijiramwo ntyo?

Kugerera Obwami bwage bwimana bw’empingu, Nnâmahanga ayish’irhenza amarhegesi ga bene bantu bulya gayabirwe okulanga igulu. Obo Bwami bo bwayish’irhambula igulu lyoshi. (Daniyeli 2:44; Mateyo 6:9, 10) Obo Bwami bwayish’irhambulwa na Yezu Kristu mugala wa Nnâmahanga. (Izaya 9:6, 7) Erhi Yezu ali hanw’igulu, ayerekine obuhashe agwerhe oku misi y’igulu. (Marko 4:35-41) Ye nka Mwami w’Obwami bwa Nnâmahanga, Yezu ayish’iyerekana obuhashe bwage omu kurhambula igulu n’okuba n’obuhashe oku misi yalyo. Acibiyish’ilema buhyahya erhi kukubûla ehali z’igulu, lyo licibiba nk’oku byali omu ishwa ly’Edeni.​—Mateyo 19:28; Luka 23:43.

K’Ebibliya erhaba eyigirizize oku igulu lyanayocibwe omu muliro?

Nanga, Ebibliya erhayigirizizi ntyo. Ezo ntanya z’obunywesi ziba zirhengine n’okurhahugûkwa bwinja olwandiko lwa 2 Petro 3:7, ludesire ntya: ‘Amalunga n’igulu biriho buno . . . bibikirwe omuliro.’ Rhuganirirage bintu bibirhi by’obulagirire byakarhurhabala okuhugûkwa bwinja ebi ezo ndero zihugwîre:

  1. Ebibliya enakolese enderho “malunga,” “igulu,” n’“omuliro” omu kuganirira bintu binji. Kwa lwiganyo, olwandiko lw’Omurhondêro 11:1 ludesire ntya: “Igulu lyoshi lyagwerhe iderha liguma na binwa biguma.” Mw’olu lwandiko, “igulu” liganirirwe bali bene bantu.

  2. Emyanzi eganirirwe omu lwandiko lwa 2 Petro cigabi ca 3 ehânyire amahugûlo g’amalunga, igulu, n’omuliro biganirirwe omu mulongo gwa 7. Omulongo gwa 5 n’ogwa 6 eganirire enkuba y’ecihonzi y’omu mango ga Nuhu. Mwago mango igulu lya mîra lyasherezibwe, ciru akaba ntyo igulu lirhu (planète) rhulamireko lirhaheraga. Lubero n’oko enkuba y’ecihonzi yashereza abantu baminya,erhi “igulu.” (Omurhondêro 6:11) Na kandi omu yindi njira yashereza “amalunga”, k’okuderha abantu bakag’irhambula olubaga lwali okw’igulu ago mango. Abantu babî bo basherezibwe ci arhali igulu rhulamireko erhi planète yirhu. Nuhu n’omulala gwage bayokosire amango ery’igulu lyasherezibagwa banagendekera balama okw’igulu enyuma z’enkuba y’Ecihonzi.​—Omurhondêro 8:15-​18.

Nk’oku eyo nkuba y’Ecihonzi yanajiraga, obushereze, erhi “muliro,” guganirirwe omu 2 Petro 3:7 kwayish’iba kuyusa abantu babî boshi omw’igulu, ci arhali igulu rhulamireko (planète yirhu) lyo lyayish’isherezibwa. Nnâmahanga alaganyize “amalunga mahyahya n’igulu lihyahaya” mo “mwayish’iba obushinganyanya.” (2 Petro 3:13) “Igulu lihyahya,” erhi cigusho cihyahya ca bene bantu, cayish’irhegekwa n’“amalunga mahyahaya,” erhi burhegesi buhyahya k’okuderha Obwami bwa Nnâmahanga. Hano obo bwami burhondera okurhambula igulu, igulu lyoshi lyash’iba paradizo ya murhûla.​—Amafulûlo 21:1-4.

    Ebicapo by’Amashi (2000-2025)
    Orhenge
    Ocimanyise
    • Mashi
    • Rhumira abandi
    • Ebisimirwe
    • Copyright © 2025 Watch Tower Bible and Tract Society of Pennsylvania
    • Amarhegeko gw’okukolesa eyi site
    • Amarhegeko gw’okubîka ihwê
    • Paramètres de confidentialité
    • JW.ORG
    • Ocimanyise
    Rhumira abandi