Mahugûlo g'Idako

a Lwa Kabirhi, nsiku 4/4/2023, emiliyoni y’abantu omw’igulu lyoshi yakengera olufû lwa Kristu. Obo bo bwaba burhanzi kuli banji mulibo okuja oku ntimanano y’Okukengera olufû lwa Yezu. Abandi bantu balesire omukolo gw’amahubiri banajijire myaka minji barhaja oku ntimanano y’Okukengera olufû lwa Yezu bacilunga haguma na nirhu. Hali abali omu kanga kakarhuma kwaba kuzibu bwenene kulibo akuja oku ntimanano y’Okukengera olufû lwa Yezu. Cikone bacihangana lyo baja kw’eyo ntimanano. Ciru wakaba oli omu kanga kahi, oyemere n’obwalagale oku Yehova ayish’ishagalukira obushiru wajira ly’oja oku ntimanano y’Okukengera olufû lwa Yezu.