Okusoma Buzira Magosa

1 Timoteyo 4:13

OBOFOFI: Osome bwinja n’izu enderho nk’oku zinayandisirwe omu cicapo.

OKU WAKAJIRAMWO NTYO:

• Ocirheganye bwinja. Orhanye ebyarhumaga ogo mwanzi gwayandikwa. Ocikomereze okusoma nderho nyinji oku liguma ahali h’okuja soma luderho luguma-luguma. Oyake okuhamira enderho, okuziyushûla, erhi okuderha ezindi nderho ahali h’eziyandisirwe. Okenge ehalama z’okurhamuka.

• Oderhe ngasi luderho bwinja. Erhi akaba orhamanyiri gurhi waderha luderho lulebe, olulonze omu diksiyonere, oyumvirhize obusomi buli arejistré bw’ecicapo, erhi obwire omuntu oyish’isoma bwinja akurhabale.

• Oderhe enderho ziyumvikine. Oderhe enderho bwinja, oyinamule irhwe onaje wabumbûla bwinja akanwa. Ocihangane okuderha bwinja ngasi silabe.