Enshokolezi y‘Ecigabi ca 7

Eci cigabi ciganirire ebyajirikanaga omu kalamo ka Mwami Sauli na Mwami Daudi, omu kasanzi ka hofi myaka 80. Oku murhondero, Sauli ali mwirhohye anakag’irhumikira Mungu, cikone enyuma za kasanzi kalebe ashanja analahira okukakulikira obulongozi bwa Yehova. Yehova amulahira, n’enyuma za kasanzi kalebe, arhuma Samweli aj’ishîga Daudi amavurha ly’aba mwami muhyahya w’e Israheli. Enyanya z’obwagalwa Sauli akalonza kanji-kanji okuyirha Daudi, cikone Daudi arhagalulaga obubi oku bundi. Yonatani mugala wa Sauli al’imanyire oku Daudi ye Yehova acishozire, na muli oko aba mwishwekerezi kuli Daudi. Daudi ajijire byaha biguma na biguma bizibu, cikone arhalahiraga obuhane bwa Yehova ciru n’ehitya. Akaba oli mubusi, orhabale omwana wawe abone bulya gurhi kuli kwa bulagirire okubêra mwishwekerezi kuli Yehova, n’okukarhumikira abantu acishozire lyo barhulongoza.