Ebi Wakayiga omu Nterekêro Yawe Wene n’omu Nterekêro y’Omulala

Rhunaharamye Yehova arhali omu bigusho binene byone oku ntimanano zirhu z’ecigamba n’oku ntimanano zirhu nkulu, cikone kandi ngasi muguma anamuharamye yene n’omu milala. Alaga bintu biguma na biguma wakayiga omu nterekêro yawe wene n’omu nterekêro y’omulala:

• Orheganye entimanano z’ecigamba. Kandi mwanacikomereza okuyiga enyimbo n’okurhabala boshi omu mulala barheganye ishuzo.

• Osome mwanzi mulebe gw’Ebibliya. Enyuma z’aho, ocape enfoto ya kantu kalebe kajirikine kaganirirwe mw’ogo mwanzi erhi oyandike ntanya ndebe wayizire.

• Osome isala lilebe liri omu Bibliya, onarhanye gurhi lyakakurhabalamwo ly’ojira amasala gawe gabe minja kulusha.

• Olole video ndebe oku jw.org na buzinda oyiganirire haguma n’abandi erhi oyandike cifungo ciguma lugenda ebirimwo.

• Ocirheganye oku mukolo gw’amahubiri, nkaba omu kujira ebigabi by’okucikomereza.

• Olabirize obulemi n’okuburhanyako bwenene erhi oganirire ebi bukuyigirizize lugenda Yehova.a