Oku Wakalemberamwo Obubule bw’Obushinganyanya

Osome Omurhondêro 37:​23-28; 39:​17-23 ly’ociyigiriza kugerera olwiganyo lwa Yozefu lugenda okulembera obubule bw’obushinganyanya.

Oyige binji kugerera akanga ogo mwanzi gwayandikagwamwo. Bici byarhumaga Yozefu ajirirwa omu njira erhali ya bushinganyanya? (Murh. 37:​3-11; 39:​1, 6-10) Kasanzi kanganaci Yozefu alembire obubule bw’obushinganyanya? (Murh. 37:2; 41:46) Mw’ako kasanzi, bici Yehova ajirire Yozefu, cikone bici arhamujiriraga?—Murh. 39:2, 21; w23.01 buk. 17 cif. 13.

Ohumbirire kwa buliri. Ebibliya erhadesiri oku Yozefu acihalire lugenda ebi muka Potifari amushobekaga. Gurhi amandiko gakulikire garhurhabiremwo okurhanya lugenda bulya gurhi nkaba Yozefu arhaderhaga akantu koshi-koshi erhi lugenda bulya gurhi rhurhalagiriri oku kufululirwa amahugûlo masungunu-ngunu goshi? (Mig. 20:2; Yn. 21:25; Ebj. 21:37) Nkaba morhere gahi garhabire Yozefu ly’alembera obubule bw’obushinganyanya?—Mik. 7:7; Lk. 14:11; Yk. 1:​2, 3.

Obone amasomo wakaciyigiriza. Ocidose ntya:

• ‘Bubule buhi bw’obushinganyanya nakajirirwa bulya ndi mwanafunzi wa Yezu?’ (Lk. 21:​12, 16, 17; Hb. 10:​33, 34)

• ‘Bici nakajira ene byakantabala lyo mpasha okulembera obubule bw’obushinganyanya?’ (Enna. 62:​7, 8; 105:​17-19; w19.07-ZS buk. 2-7)