2 කොරින්ති
1 මෙම ලිපිය ඔබට ලියන්නේ දෙවිගේ කැමැත්තට අනුව ක්‍රිස්තුස් යේසුස්ගේ නියෝජිතයෙකුව*+ සිටින පාවුල් වන මමය. මා සමඟ අපගේ සහෝදර තිමෝතිද+ සිටියි. මෙය ලියන්නේ කොරින්තියේ පිහිටි දෙවිගේ සභාවට සහ මුළු ඇකේයා පළාතේ සිටින+ ශුද්ධ තැනැත්තන්+ වෙතටය.
2 අපගේ පියාණන් වන දෙවිගෙන් සහ ස්වාමීන් වන යේසුස් ක්‍රිස්තුස්ගෙන් ඔබ සැමට මහත් කරුණාවත් සමාදානයත් ලැබේවා!+
3 අපගේ ස්වාමීන් වන යේසුස් ක්‍රිස්තුස්ගේ දෙවි සහ පියාණන්+ වන තැනැත්තාණන්ට ප්‍රශංසා වේවා! මහත් දයාවක් පෙන්වන පියාණන් ඔහුය.+ සියලු සැනසිල්ලේ දෙවි ඔහුය.+ 4 අපගේ සියලු පීඩාවලදී අපව සනසන්නේ ඔහුය.+ දෙවිගෙන් අප ලබන එම සැනසීම තුළින්+ ඕනෑම ආකාරයක පීඩාවක් විඳින අයව සැනසීමට අපටත් හැකි වේ.+ 5 ක්‍රිස්තුස් උදෙසා අපට බොහෝ දුක් වේදනා විඳින්න සිදු වුවත්+ ක්‍රිස්තුස් තුළින් අප ලබන සැනසිල්ල කියා නිම කළ නොහැකිය.+ 6 එහෙයින් පීඩා විඳින්න අපට සිදු වුණත් එමගින් ඔබට සැනසිල්ලක් ලැබෙයි. එලෙසම ඔබේ ගැලවීමටද එය මඟ පාදයි.+ අපට සැනසීම ලැබෙන විට එමගින් ඔබටත් සැනසීමක් ලැබෙන අතර අප විඳින දුක්ම ඔබට විඳින්න සිදු වන විට ඒ සැනසීම තුළින් ඒවා විඳදරාගැනීමට ශක්තියද ඔබට ලැබේ.+ 7 එහෙයින් ඔබ ස්ථිරව සිටියි කියා අපට විශ්වාසයි. අප එසේ කියන්නේ අපට මෙන් දුක් විඳින්න ඔබට සිදු වුණත් අප සැනසිල්ල ලැබුවා සේම ඔබටත් එය ලබාගැනීමට හැකි වන බව අප දන්නා නිසාය.+
8 සහෝදරයෙනි, අප ආසියා ප්‍රදේශයේ සිටි කාලයේදී අපට මුහුණ දෙන්න සිදු වූ පීඩා ගැන ඔබව දැනුවත් කිරීමට කැමැත්තෙමු.+ අපට දැනුණු පීඩනය කොතරම්ද කිවහොත් එය අපගේම ශක්තියෙන් දරාගත නොහැකි විය. ඇත්තටම අපගේ ජීවිත පවා තිබුණේ ඉතා අවදානම් තත්වයකය.+ 9 අපට හැඟුණේ අප මරණ දණ්ඩනයට නියම වී ඇති බවය. කෙසේවෙතත් එහි ප්‍රතිඵලයක් ලෙස අප ගැනම විශ්වාසයක් තබනවා වෙනුවට මිය ගිය අයට ජීවනය ලබා දෙන දෙවි+ කෙරෙහි විශ්වාසය තැබීමට අපට හැකි විය.+ 10 ඇත්තෙන්ම දෙවි මරණය තරම් දරුණු විපතකින් පවා අපව බේරාගත්තේය.+ ඉදිරියේදීත් ඔහු අප වෙනුවෙන් ඒ දේ නැවතත් කරයි කියා අපට විශ්වාසයි.+ 11 අප වෙනුවෙන් දෙවිට කන්නලව් කිරීමෙන් අපට උපකාර කරන්න ඔබටත් හැකිය.+ බොහෝදෙනෙකු දෙවිට මහත් ඕනෑකමින් එසේ යාච්ඤා කරන නිසා අපට දෙවිගේ කරුණාව ලැබී ඇත.+ එමනිසා අප වෙනුවෙන් කළ දේ ගැන දෙවිට ස්තුති කරන්න සියලුදෙනාටම හැකි වේ.+
12 ඉතා සතුටින් යමක් පැවසීමට කැමැත්තෙමු. එනම් ලෝකයේ සිටින මිනිසුන් අතරත් විශේෂයෙන් ඔබ අතරත් අප ශුද්ධකමින් සහ දෙවිගේ ප්‍රමිතියට අනුව අවංකකමින් කටයුතු කළ බවය. එලෙසම අප රඳා සිටියේ මිනිසුන්ගේ ප්‍රඥාව මත නොව+ දෙවිගේ මහත් කරුණාව මතය. අප දෙවි ඉදිරියේ ඒ දේ පවසන්නේ නිදොස් හෘදය සාක්ෂියකිනි.+ 13 ඇත්තෙන්ම අප ඔබට මෙසේ ලියන්නේ ඔබ හොඳින් දන්නා සහ පිළිගන්නා දේවල් ගැන මිස වෙනත් දේවල් ගැන නොවේ. මගේ ආශාව වන්නේ ඔබ මේ දේවල් අවසානය දක්වාම පිළිගන්නවා දැකීමයි.+ 14 අපගේ ස්වාමීන් වන යේසුස්ගේ දවසේදී අපට ඔබ ගැන සතුටු වීමට හැකි වන්නා සේම+ ඔබටත් අප ගැන සතුටු විය හැකියි.+ ඔබ අතරින් යම් පිරිසක් එයට එකඟ වෙයි කියා මට විශ්වාසයි.
15 එහෙයින් ඒ විශ්වාසය ඇතුව මා අදහස් කරමින් සිටියේ+ දෙවෙනි වරටත් ඔබව හමු වීමට පැමිණ ඔබට ප්‍රීති වීමට තවත් අවස්ථාවක් ලබා දීමටය.+ 16 ඒ අනුව ඔබ සමඟ කාලයක් ගත කර ඉන්පසු මැසිඩෝනියාව බලා යෑමටත්+ මැසිඩෝනියාවේ සිට නැවත පැමිණ ඔබව හමු වීමටත්+ මම අදහස් කරගෙන සිටියෙමි. ඉන්පසු මා යුදය බලා පිටත් වන විට මාව ඇරලවීමට+ ඔබ යම් දුරක් මා සමඟ පැමිණෙයි කියා බලාපොරොත්තුවෙන් සිටියෙමි. 17 මගේ අදහස වුණේ එයයි. එමනිසා මා නොසැලකිලිමත් ලෙස ක්‍රියා කරන කෙනෙක් කියා නොසිතන්න.+ මා දේවල් කරන්නේ මගේම සතුට වෙනුවෙන්ද?+ මා එසේ කටයුතු කරනවා නම් මා ඇත්තෙන්ම “එසේය” කියා පවසා, එය “නැත” කියා වහාම වෙනස් කරන බොරුකාරයෙකි.+ 18 නමුත් දෙවි විශ්වාසවන්ත කෙනෙක් වන්නා සේම අප එසේය කියා පවසන දේ නැත කියා වෙනස් නොකරන බව ඔබට විශ්වාස කළ හැක. 19 මන්ද සිල්වානස්, තිමෝති+ සහ මා, දෙවිගේ පුත්‍රයා+ වන ක්‍රිස්තුස් යේසුස් ගැන දේශනා කළ විට අප එසේය කියා පැවසූ දේවල්, නැත බවට වෙනස් කළේ නැත. ඇත්තෙන්ම එසේය කියා පැවසූ දේවල් එසේය කියා තව තවත් තහවුරු වී තිබේ.+ 20 මන්ද දෙවි දී ඇති සෑම පොරොන්දුවක්ම+ යේසුස් මාර්ගයෙන් එසේය* වී තිබේ.+ එහෙයින් අප යේසුස් තුළින් දෙවිට “ආමෙන්”*+ කියා පවසන්නේ දෙවිට ගෞරවය ගෙන දීම සඳහාය. 21 නමුත් ඔබ සහ අප ක්‍රිස්තුස්ට අයිති බව සහතික කරන්නෙත් අපව අභිෂේක කර තිබෙන්නෙත්+ දෙවිය. 22 අපට ඉදිරියේ ලැබෙන්න තිබෙන දෙයට සාක්ෂියක් ලෙස+ දෙවි ඔහුගේ බලය අපට ලබා දී තිබේ. අපගේ සිත් තුළ ක්‍රියාත්මක වන දෙවිගේ බලය+ සහතිකයක් සපයන ‘මුද්‍රාවක්’ හා සමානය.+
23 මා කොරින්තියට පැමිණීම ප්‍රමාද කරන්නේ ඔබට තවත් දුකක් ඇති කරන්න මා අකමැති නිසාය.+ මා ඔබට කියන මේ දේ සැබෑවක් නොවේ නම් මට විරුද්ධව සාක්ෂි දරන්න කියා දෙවිගෙන් ඉල්ලා සිටිමි.+ 24 අප ඔබේ විශ්වාසයට බලපෑම් කරන පාලකයන්+ නොවන බව මතක තබාගන්න. ඒ වෙනුවට අපි ඔබේ ප්‍රීතියට දායක වන+ ඔබ සමඟ හවුලේ සේවය කරන අය වන්නෙමු.+ මන්ද ඔබ ස්ථිරව සිටින්නේ+ ඔබ තුළ තිබෙන විශ්වාසය නිසා මිස අප නිසා නොවේ.