23 ඒත් සීහොන් රජ එයාගේ දේශය හරහා ගමන් කරන්න ඊශ්‍රායෙල්වරුන්ට ඉඩ දුන්නේ නැහැ. එයා එයාගේ මුළු හමුදාවම රැස් කරගෙන පාළුකරයට ගිහින් යහෂ් කියන තැනදී ඊශ්‍රායෙල්වරු එක්ක සටන් කළා.+ 24 ඒත් ඊශ්‍රායෙල්වරු සීහොන්ට කඩුවෙන් පහර දීලා+ එයාගේ දේශය යටත් කරගත්තා.+ එයාලා ආනොන්+ නිම්නය සහ යබ්බොක්+ නිම්නය අතරේ තිබුණ මුළු ප්‍රදේශයම යටත් කරගත්තා. ඒත් එයාලා යාසෙර්+ පහු කරගෙන ගියේ නැහැ. මොකද ඒක අම්මොන්වරුන්ගේ දේශ සීමාව.+

12 ඊශ්‍රායෙල්වරු යොර්දාන් ගඟට නැඟෙනහිර පැත්තෙන් තියෙන ප්‍රදේශ පාලනය කරපු රජවරුන්ව පරාජය කරලා එයාලට අයිති ප්‍රදේශ යටත් කරගත්තා. ආනොන් නිම්නයේ+ ඉඳන් හෙර්මොන්+ කන්ද දක්වා විහිදිලා යන ප්‍රදේශයත් මහ අරබා නිම්නයේ නැඟෙනහිර පැත්තට+ අයිති මුළු ප්‍රදේශයත් එයාලා අයිති කරගත්තා. ඊශ්‍රායෙල්වරු පරාජය කරපු රජවරුන්ගේ විස්තර මේවායි. 2 අමෝරිවරුන්ගේ රජ වුණ සීහොන්+ එයාලාගෙන් කෙනෙක්. එයා ජීවත් වුණේ හෙෂ්බොන් නගරයේ. ආනොන් නිම්නයේ+ එක පැත්තක තිබුණ අරෝයේර්+ නගරයේ පාලකයා වුණේ එයායි. ආනොන් නිම්නයේ මැද ඉඳන් යබ්බොක් නිම්නය වෙන කල් තියෙන මුළු ප්‍රදේශයම තිබුණේ එයාගේ යටතේ. ගිලියද් දේශයෙන් භාගයක් අයිති වුණේ එයාටයි. අම්මොන්වරුන්ගේ දේශ සීමාව වුණෙත් යබ්බොක් නිම්නය.