23 ඒත් මම ඔවුන්ට මේ ආඥාව නම් දුන්නා. “මගේ හඬට කීකරු වෙන්න. ඔබ එහෙම කළොත් මම ඔබේ දෙවියන් වෙනවා. ඔබ මගේ සෙනඟ වෙනවා.+ මම ඔබට දෙන හැම ආඥාවක්ම පිළිපදින්න. එහෙම කළොත් ඔබේ ජීවිතේ සාර්ථක වෙයි.”’+ 24 ඒත් ඔවුන් සවන් දුන්නේ නැහැ. කියපු දේවල් කනකටවත් ගත්තේ නැහැ.+ ඔවුන් වැඩ කළේ තමන් කැමති කැමති විදිහටයි. ඔවුන් හිතුවක්කාර විදිහට ඔවුන්ගේ නපුරු හිතට සවන් දුන්නා.+ ඔවුන් ඉදිරියට යනවා වෙනුවට තව තවත් පස්සට ගියා.

7 ඔබේ මුතුන්මිත්තන්ව ඊජිප්තු දේශයෙන් පිටතට ගෙනාපු දවසේ ඉඳන් අද වෙන කල් “මගේ හඬට කීකරු වෙන්න” කියලා මම අවවාද කළා. මම ආයේ ආයේ* ඔවුන්ට ඒ අවවාදය දුන්නා.+ 8 ඒත් ඔවුන් සවන් දුන්නේ නැහැ. කියපු දේවල් කනකටවත් ගත්තේ නැහැ. ඔවුන් හිතුවක්කාර විදිහට ඔවුන්ගේ නපුරු හිතට සවන් දුන්නා.+ මං ඔවුන්ට අණ කරපු දේවල් ඔවුන් පිළිපැද්දේ නැහැ. ඉතින් මං මේ ගිවිසුමේ සඳහන් වෙලා තියෙන හැම විපතක්ම ඔවුන් පිටට ගෙනාවා.’”