නික්මයාම
15 ඒ අවස්ථාවේදී මෝසෙස් සහ ඊශ්‍රායෙල් සෙනඟ යෙහෝවා දෙවියන්ට මේ ප්‍රශංසා ගීය ගායනා කළා.+
“මම යෙහෝවාට ගී ගයනවා.
ඔහු අසරුවන්ව මුහුදට හෙළා විශිෂ්ට ජයක් අත් කරගත්තා.+
2 යාහ්* මගේ ශක්තියයි. මගේ බලයත් ඔහුයි. මොකද මට ගැලවීම ලබා දුන්නේ ඔහුයි.+
මගේ පියාගෙත් මගෙත් දෙවියන් ඔහුයි.+ මම ඔහුට ප්‍රශංසා කරනවා.+ ඔහුගේ නාමය ගෞරවයට පත් කරනවා.+
3 ඔහුගේ නම යෙහෝවායි.+ යෙහෝවා යුධ දක්ෂයෙක්.+
5 මහා ජල කඳ ඒ හැමෝවම වෙළාගත්තා. ගලක් වගේ ඔවුන් මුහුදු පතුලටම කිඳා බැස්සා.+
7 ඔබේ තේජස මොන තරම්ද කියනවා නම් ඔබට විරුද්ධව නැඟී සිටින අයව ඔබ පහතට ඇද දානවා.+
ගින්නට දැවී යන පිදුරු වගේ ඔබේ උදහස නිසා ඔවුන් දැවී යනවා.
8 ඔබේ එක හුස්මකින් ජලය දෙපැත්තට තල්ලු වෙලා ගියා.
වේල්ලකින් හිර කරලා තියෙනවා වගේ මුහුදු ජලය නොසෙල්වී තිබුණා.
මහ මුහුදේ කැලඹුණු ජල කඳ මිදී ගියා.
9 සතුරා මෙහෙම කිව්වා. ‘මම එයාලාගේ පස්සෙන් ගිහින් එයාලව අල්ලගන්නවා.
මට ඕනෙ හැම දේම මං පැහැරගන්නවා. කැමති කැමති අය එක්ක මං ඒවා බෙදාගන්නවා.
මගේ කඩුවෙන් සතුරන්ව විනාශ කරනවා.’+
10 ඔබ මුහුදට පිම්බාම ඒකෙන් නැඟුණ ජල කඳට ඔවුන් යට වෙලා ගියා.+
මහ මුහුදට වැටුණ ඊයම් වගේ ඔවුන් මුහුදු පතුලටම කිඳා බැස්සා.
11 යෙහෝවා, ඔබට සමාන තවත් දෙවි කෙනෙක් ඉන්නවාද?+
ඔබ තරම් ශුද්ධ කෙනෙක් තවත් නැහැ.+
පුදුමාකාර දේවල් කරන තැනැත්තා ඔබයි.+ ප්‍රශංසාවත් හැම ගෞරවයක්මත් ලබන්න වටින තැනැත්තා ඔබයි.
12 ඔබේ දකුණත දිගු කළාම පොළොව ඇරී සතුරන්ව ගිලගත්තා.+
13 ඔබ මුදාගත් ඔබේ සෙනඟට නොසැලෙන ආදරය* පෙන්වලා ඔවුන්ට මඟ පෙන්වනවා.+
ඔබේ මහත් බලය පෙන්වලා ඔබේ ශුද්ධ වාසස්ථානයට ඔවුන්ව ගෙන යනවා.
කානාන්වල සියලු වැසියන්ගේ ශක්තිය හීන වෙයි.+
යෙහෝවා, ඔබ බිහි කළ සෙනඟ+ දේශය මැදින් යන කල්+
ඔවුන් කිසිවක් කරකියාගන්න බැරුව බලා සිටියි.
ඔබේ මහත් බලය නිසා ඔවුන් ගල්ගැසී බලා සිටියි.
17 යෙහෝවා දෙවියනි, ඔබට වාසය කරන්න ස්ථිරව පිහිටවපු ස්ථානයට ඔවුන්ව ගෙන යයි.
යෙහෝවා, ඔබේම අතින් ඔබ සෑදූ ශුද්ධස්ථානය වන ඔබට අයිති කන්දේ ඔබ ඔවුන්ව පිහිටුවයි.*+
18 යෙහෝවා සදාකාලයෙන් සදාකාලයටම රජකම් කරයි.+
19 මුහුද මැදට ගිය පාරාවෝගේ අසරුවන් සහ යුධ රථ+ පිටට යෙහෝවා මහා ජල කඳ හෙළුවා.+
ඒත් ඊශ්‍රායෙල් සෙනඟ මුහුද මැදින් වැටී තිබූ වියළි මඟේ ඇවිදන් ගියා.”+
20 අනාගතවක්තෘවරියක් වුණ ආරොන්ගේ අක්කා වන මිරියම් රබානක් අතට ගත්තා. අනිත් ස්ත්‍රීනුත් රබන් ගගහා නටනට එයාගේ පස්සෙන් ගියා. 21 ඊශ්‍රායෙල් පුරුෂයන් ගායනා කරද්දී මිරියම් මෙහෙම ගායනා කළා.
“යෙහෝවාට ප්‍රශංසා ගී ගයමු.
ඔහු අසරුවන්ව මුහුදට හෙළා විශිෂ්ට ජයක් අත් කරගත්තා.”+
22 ඊටපස්සේ මෝසෙස් ඊශ්‍රායෙල් සෙනඟව රතු මුහුදේ ඉඳන් ෂුර් පාළුකරයට අරන් ගියා. එයාලා දවස් තුනක් පාළුකරයේ ඇවිද්දත් එයාලට බොන්න වතුර හම්බ වුණේ නැහැ. 23 අන්තිමට එයාලා මාරාහ්+ කියන තැනට ආවා. ඒත් එතන තිබුණ වතුර තිත්ත නිසා එයාලට ඒ වතුර බොන්න බැරි වුණා. ඒ තැනට මාරාහ්* කියන නම තිබ්බේ ඒ නිසයි. 24 ඒ වෙලාවේ සෙනඟ මෝසෙස්ට විරුද්ධව කන්කෙඳිරි ගගා+ “අපිට බොන්න වතුර කෝ” කියලා ඇහුවා. 25 මෝසෙස් ලොකු දුකකින් ඒ ගැන යෙහෝවාට කිව්වා.+ එතකොට යෙහෝවා දෙවියන් එයාට පැළයක් පෙන්නුවා. මෝසෙස් ඒ පැළේ වතුරට වීසි කළාම වතුර මිහිරි වුණා.
ඊටපස්සේ දෙවියන් එයාලට ආඥාවක් දීලා ඔහු එයාලාගෙන් බලාපොරොත්තු වෙන දේ කියලා දුන්නා. ඔහු එහෙම කළේ එයාලා ඔහුට කීකරු වෙනවාද නැද්ද කියලා දැනගන්නයි.+ 26 දෙවියන් එයාලට මෙහෙම කිව්වා. “මම ඔයාලාගේ දෙවියන් වන යෙහෝවා. මං කියන දේට ඔයාලා හොඳින් ඇහුම්කන් දීලා මං හරියි කියලා කියන දේ කරන්න. මගේ ආඥාවලට සවන් දීලා මගේ පනත්වලට කීකරු වෙන්න.+ ඔයාලා එහෙම කළොත් ඊජිප්තුවරුන්ට පහර දුන්න වසංගත එකකින්වත් මම ඔයාලට පහර දෙන්නේ නැහැ.+ ඔයාලව සුව කරන්නේ යෙහෝවා වන මමයි.”+
27 පස්සේ එයාලා ඒලිම්වලට ආවා. එහේ දිය උල්පත් 12කුත් තාල වර්ගයට අයිති ගස් 70කුත් තිබුණා. ඒ නිසා එයාලා එතන කඳවුරු බැඳගත්තා.