නික්මයාම

28 “ඔබේ සහෝදරයා වන ආරොන්ටත්+ ඔහුගේ පුතුන්+ වන නාදාබ්ට, අබිහුට,+ එලියාසර්ට සහ ඉතමාර්ට+ ඔබ ළඟට එන්න කියන්න. පූජකයන් විදිහට මට සේවය කරන්න මම ඔවුන්ව තෝරගෙන තියෙනවා.+ 2 ඔබේ සහෝදරයා වන ආරොන්ට ශුද්ධ ඇඳුම් හදලා දෙන්න. ඒවා ඔහුට ගෞරවය ගෙන දෙන, අලංකාරවත් ඒවා විය යුතුයි.+ 3 පූජකයෙක් විදිහට මට සේවය කරන්න ඔහුව වෙන් කරලා තියෙනවා කියලා පෙන්නන්න ආරොන් ඒ ඇඳුම් ඇඳිය යුතුයි. වැඩවලට දක්ෂ හැම කෙනෙක්ටම ඔබ ළඟට එන්න කියලා ඒ ඇඳුම් හදන්න ඔවුන්ට භාර දෙන්න. ඒ වැඩේ කරන්න ඕනෙ කරන ප්‍රඥාව මං ඔවුන්ට දීලයි තියෙන්නේ.+

4 “ඔවුන් ළයවැස්මක්,+ ඒෆොද් ඇඳුමක්,+ අත් නැති ඇඳුමක්,+ කොටු මෝස්තර තියෙන ඇඳුමක්, විශේෂ හිස්වැස්මක්+ සහ ඉණපටියක්+ සෑදිය යුතුයි. පූජකයෙක් විදිහට සේවය කරද්දී ඔබේ සහෝදරයා වන ආරොනුත් ඔහුගෙන් පස්සේ ඔහුගේ පුතුනුත් ඒ ශුද්ධ ඇඳුම් ඇඳිය යුතුයි. 5 වැඩවලට දක්ෂ අය රත්තරන් නූල්, නිල් පාට නූල්, දම් පාට ලොම්, තද රතු පාට රෙදි සහ හොඳම වර්ගයේ ලිනන් රෙදි වැඩවලට පාවිච්චි කළ යුතුයි.

6 “නිල් පාට නූල්, දම් පාට ලොම්, රත්තරන් නූල්, තද රතු පාට නූල් සහ සිහින්ව අඹරපු ලිනන් නූල්වලින් වැඩ දාලා ඒෆොද් ඇඳුම සෑදිය යුතුයි.+ 7 ඒෆොද් ඇඳුමට උරහිස්පටි දෙකක් හදන්න. ඇඳුමේ ඉදිරිපසත් පිටුපසත් සම්බන්ධ විය යුත්තේ ඒ පටිවලිනුයි. 8 ඒෆොද් ඇඳුම තද කරලා බඳින්න ඒකට ඉණපටියක් තිබිය යුතුයි.+ ඒෆොද් ඇඳුම වගේ ඒ ඉණපටියත් රත්තරන් නූල්වලින්, නිල් පාට නූල්වලින්, දම් පාට ලොම්වලින්, තද රතු පාට නූල්වලින් සහ සිහින්ව අඹරපු ලිනන් නූල්වලින් වැඩ දාලා හදන්න.

9 “ඔනික්ස් ගල් දෙකක්+ අරගෙන ඊශ්‍රායෙල් ගෝත්‍රවල නම් ඒවාවල කොටන්න.+ 10 එක ගලක නම් හයකුත් අනිත් ගලේ ඉතුරු නම් හයත් කොටන්න. ඊශ්‍රායෙල්ගේ පුතුන් ඉපදුණු අනුපිළිවෙළට ඒ නම් කොටන්න. 11 මුද්‍රා තියන අච්චුවක අකුරු කොටනවා වගේ කැටයම් කපන කෙනෙක් ඒ ගල් දෙකේ ඊශ්‍රායෙල් ගෝත්‍රවල නම් කෙටිය යුතුයි.+ ඊටපස්සේ ඒ ගල් දෙක රන් තහඩු දෙකක ඔබ්බවලා 12 ඒෆොද් ඇඳුමේ උරහිස්පටි දෙකේ රඳවන්න. ඒ ගල් සවි කළ යුත්තේ ඊශ්‍රායෙල්ගේ පුතුන්ව මතක් වෙන්න සිහිවටනයක් විදිහටයි.+ ආරොන් ඒ අයගේ නම් සිහිවටනයක් විදිහට යෙහෝවා වන මං ඉස්සරහට ගෙනා යුතුයි. 13 ඔබ ඒ ගල් දෙක රඳවන්න රන් තහඩු දෙකක් හදන්න. 14 පිරිසිදු රත්තරන් කෙඳි අඹරලා ලණු දෙකක් හදාගෙන+ ඒවා ඒ රන් තහඩු දෙකට සම්බන්ධ කරන්න.+

15 “ළයවැස්මත් ඒෆොද් ඇඳුම වගේ දම් පාට ලොම්, රත්තරන් නූල්, නිල් පාට නූල්, තද රතු පාට නූල් සහ සිහින්ව අඹරපු ලිනන් නූල්වලින් වැඩ දාලා හදන්න.+ ඒක දෙවියන්ගේ තීරණ දැනුම් දෙන ළයවැස්මයි.+ 16 ළයවැස්ම දෙකට නමද්දී ඒක හරි හතරැස්ව තිබිය යුතුයි. ඒකේ දිග වියතක්* සහ පළල වියතක් විය යුතුයි. 17 ඒකට මැණික් ගල් පේළි හතරක් අල්ලන්න. පළවෙනි පේළියේ රතු කැට, පඩියන් සහ මරකත ගල් එක ගාණේ තිබිය යුතුයි. 18 දෙවෙනි පේළියේ පච්ච ගලක්, නිල් මැණිකක් සහ ජැස්පර් ගලක් තිබිය යුතුයි. 19 තුන්වෙනි පේළියේ ලෙෂම්,* අගස්ති සහ අමතේස්ත ගල් එක ගාණේ තිබිය යුතුයි. 20 හතරවෙනි පේළියේ ක්‍රිසොලයිට් ගලක්, ඔනික්ස් ගලක් සහ ජේඩ් ගලක් තිබිය යුතුයි. ඒ ගල් රන් තහඩුවල ඔබ්බවලා ඒවා ළයවැස්මට අල්ලන්න. 21 එක ගලක එක නම ගාණේ ඊශ්‍රායෙල්ගේ පුතුන්ගේ නම් 12 කොටන්න. මුද්‍රා තියන අච්චුවක කොටපු අකුරු වගේ ඊශ්‍රායෙල් ගෝත්‍ර 12 නියෝජනය කරන නම් ඒ ගල්වල කෙටිය යුතුයි.

22 “ළයවැස්මේ සවි කරන්න පිරිසිදු රත්තරන් කෙඳි අඹරලා ලණු හදාගන්න.+ 23 රත්තරන් මුදු දෙකක් හදලා ඒවා ළයවැස්මේ ඉහළ කොන් දෙකේ අල්ලන්න. 24 මුලින් හදපු රත්තරන් ලණු දෙකේ එක පැත්තක් ළයවැස්මේ තියෙන මුදු දෙකට සම්බන්ධ කරන්න. 25 ලණු දෙකේ අනිත් පැත්ත උරහිස්වල තියෙන රන් තහඩු දෙකට සම්බන්ධ කරන්න. ඒෆොද් ඇඳුමේ ඉස්සරහා පැත්තේ ළයවැස්ම එල්ලෙන විදිහට ඒ ලණු සම්බන්ධ කළ යුතුයි. 26 රත්තරන්වලින් තවත් මුදු දෙකක් හදලා ළයවැස්මේ පහළ කොන් දෙකේ අල්ලන්න. ඒවා ඇල්ලිය යුත්තේ ළයවැස්මේ ඇතුල් පැත්තෙනුයි.+ 27 තවත් රත්තරන් මුදු දෙකක් හදන්න. ඒක ඒෆොද් ඇඳුමේ ඉස්සරහා පැත්තේ, උරහිස්පටි දෙකට පහළින් සහ ඉණපටියට ටිකක් උඩින් ඒ කියන්නේ ඒෆොද් ඇඳුම සහ ඉණපටිය සම්බන්ධ වෙන තැන ඇල්ලිය යුතුයි.+ 28 ඒ මුදු දෙක ඇතුළෙන් නිල් පාට ලණුවක් යවලා ඒක ළයවැස්මේ පහළ කෙළවරේ තියෙන මුදු දෙකට සම්බන්ධ කරලා තදින් ගැටගහන්න. එතකොට ළයවැස්ම ඒෆොද් ඇඳුමේ ඉණපටියට ඉහළින් හෙල්ලෙන්නේ නැතුව තියාගන්න පුළුවන් වෙයි.

29 “ආරොන් ශුද්ධස්ථානයට* යන හැම අවස්ථාවකදීම ඊශ්‍රායෙල්ගේ පුතුන්ගේ නම් සඳහන් ළයවැස්ම ඔහුගේ පපු ප්‍රදේශයේ* පැලඳගෙන සිටිය යුතුයි. ඒක දෙවියන්ගේ තීරණ දැනුම් දෙන ළයවැස්මයි. ආරොන් ඒක පැලඳගෙන සිටිය යුත්තේ යෙහෝවා වන මට ඔවුන්ව නිතරම මතක් වෙන්නයි. 30 දෙවියන්ගේ තීරණ දැනුම් දෙන ළයවැස්ම ඇතුළට* ඌරීම් සහ තුම්මීම්*+ දාන්න. යෙහෝවා වන මං ඉස්සරහට එන හැම අවස්ථාවකදීම ආරොන් ඒවා ඔහුගේ පපු ප්‍රදේශය* ළඟින්ම තබාගත යුතුයි. ඊශ්‍රායෙල්වරුන්ට දෙවියන්ගේ තීරණ දැනුම් දෙන්න පාවිච්චි කරන ඌරීම් සහ තුම්මීම් ඔහු නිතරම යෙහෝවා වන මං ඉස්සරහට ගෙනා යුතුයි.

31 “ඒෆොද් ඇඳුමට යටින් අඳින්න අත් නැති ඇඳුමක් නිල් පාට නූල්වලින් වියන්න.+ 32 ඇඳුමේ කර කපලා වියපු පටියක් ඒක වටේට අල්ලන්න. ඇඳුම දාද්දී ඉරෙන්නේ නැති වෙන්න ඒකේ කර යුද ඇඳුමක කර වගේ මහන්න. 33 ඇඳුමේ වාටිය දිගේ අල්ලන්න නිල් පාට නූල්වලින්, දම් පාට ලොම්වලින් සහ තද රතු පාට නූල්වලින් දෙළුම් ගෙඩි හදන්න. ඒකේ වාටිය දිගේ රත්තරන් සීනු අල්ලන්න. දෙළුම් ගෙඩි දෙකක් අතරේ සීනුවක් තියෙන විදිහට ඒවා අල්ලන්න. 34 අත් නැති ඇඳුමේ වාටිය දිගේ රත්තරන් සීනුවක් සහ දෙළුම් ගෙඩියක් මාරුවෙන් මාරුවට අල්ලන්න. 35 දෙවියන්ට සේවය කරන්න ශුද්ධස්ථානයට ඇතුල් වෙද්දී ආරොන් අත් නැති ඇඳුම ඇඳගෙන සිටිය යුතුයි. ඔහු යෙහෝවා වන මං ඉස්සරහට එනකොටත් ශුද්ධස්ථානයෙන් එළියට යනකොටත් ඇඳුමේ තියෙන සීනුවල හඬ ඇසිය යුතුයි. එහෙම වුණේ නැත්නම් ඔහුගේ ජීවිතය ඔහුට අහිමි වෙයි.+

36 “පවිත්‍ර රන්වලින් දිලිසෙන තහඩුවක් හදලා ‘ශුද්ධකමේ උල්පත යෙහෝවායි’+ කියන වචන පෙළ ඒකේ කොටන්න. ඒ වචන පෙළ මුද්‍රා තියන අච්චුවක කොටපු අකුරු වගේ විය යුතුයි. 37 ඒ තහඩුව නිල් පාට ලණුවකින් විශේෂ හිස්වැස්මේ ඉස්සරහා පැත්තේ බඳින්න.+ 38 ඒ කියන්නේ, ඒ තහඩුව තිබිය යුත්තේ ආරොන්ගේ නළල මතයි. ඊශ්‍රායෙල් සෙනඟ තෑගි විදිහට දෙවියන්ට කැප කරන ශුද්ධ දේවල්වලට කවුරු හරි කෙනෙක් අගෞරව කළොත් ආරොන් ඒ කෙනාගේ වරදට වගකිව යුතුයි.+ සෙනඟ යෙහෝවාගෙන් සමාව ලබාගෙන ඔහුගේ අනුමැතිය දිනාගන්න නම් ආරොන් නිතරම ඒ තහඩුව පැලඳගෙන සිටිය යුතුයි.

39 “සිහින් ලිනන් නූල්වලින් කොටු මෝස්තර තියෙන ඇඳුමක් වියන්න. හොඳම වර්ගයේ ලිනන් රෙදිවලින් ඉණපටියකුත් විශේෂ හිස්වැස්මකුත් හදන්න.+

40 “ආරොන්ගේ පුතුන්ටත් ඇඳුම්, ඉණපටි සහ හිස්වැසුම් හදන්න.+ ඒවා ඔවුන්ට ගෞරවය ගෙන දෙන, අලංකාරවත් ඒවා විය යුතුයි.+ 41 ඒ ඇඳුම් ඔබේ සහෝදරයා වන ආරොන්ටත් ඔහුගේ පුතුන්ටත් අන්දවන්න. ඊටපස්සේ ඔවුන්ගේ හිස් මත තෙල් වක් කරලා* පූජකයන් විදිහට මට සේවය කරන්න ඔවුන්ව කැප කරන්න.+ 42 ඔවුන්ගේ නිරුවත වහන්න ලිනන් රෙදිවලින් යට කලිසම් මහන්න.+ ඒ යට කලිසම් උකුළේ ඉඳන් කළවය දක්වා දික් විය යුතුයි. 43 ආරොන් සහ ඔහුගේ පුතුන් හමු වීමේ කූඩාරමට ඇතුල් වෙද්දීත් ශුද්ධස්ථානයේ තියෙන පූජාසනය ළඟට යද්දීත් ඒ යට කලිසම් ඇඳ සිටිය යුතුයි. එහෙම කළේ නැත්නම් ඒක ලොකු වරදක්. ඔවුන්ගේ ජීවිත ඔවුන්ට අහිමි වෙයි. ඒක ආරොනුත් ඔහුගේ පුතුනුත් දිගටම පැවැත්විය යුතු නියෝගයක්.