හොෂෙයා

13 “එෆ්‍රායිම් ඊශ්‍රායෙල් සෙනඟ අතරේ බලවත්ව හිටියා.+

ඔහු කතා කරද්දී හැමෝම බයෙන් වෙවුලුවා.

 2 එෆ්‍රායිම් වැසියෝ රිදීවලින්

වෙනත් දෙවිවරුන්ගේ රූප* හදාගෙන තව තවත් පව් කරනවා.+

දක්ෂ රන්කරුවන් ලවා හදාගත්ත ඒ රූප ගැන ඔවුන් මෙහෙම කියනවා.

 3 ඒ නිසා මොහොතකින් නොපෙනී යන අලුයම මීදුම වගෙත්

සැණෙකින් නැති වෙලා යන පිනි වගෙත් ඔවුන් නැති වෙලා යනවා.

කමතෙන් ගහගෙන යන දහයියා වගෙත්

පෝරණුවේ සිදුරෙන් නඟින දුම වගෙත් ඔවුන් පහ වෙනවා.

 4 ඔබ ඊජිප්තු දේශයේ හිටපු කාලයේ ඉඳන් මේ වෙන කල්ම මං ඔබේ දෙවි වන යෙහෝවායි.+

මම හැර වෙන කිසි දෙවි කෙනෙක් නැහැ කියලා ඔබ හොඳින්ම දැනන් හිටියා.

මම හැර වෙන ගැලවුම්කරුවෙක් නැහැ.+

 7 තරුණ සිංහයෙක් වගෙත්+

මඟ රැකගෙන ඉන්න දිවියෙක් වගෙත්

මම ඔබ එන කල් බලන් ඉන්නවා.

 8 පැටවුන් නැති වුණ වැලහින්නක් වගේ

මම ඔබේ ඇඟට කඩා පැනලා ඔබේ පපුව ඉරලා දානවා.

සිංහයෙක් වගේ ඔබව කාලා දානවා.

වනසතෙක් ඇවිත් ඔබව කෑලි කෑලිවලට ඉරලා දානවා.

 9 ඊශ්‍රායෙල් සෙනඟෙනි, ඔබ පව් කළේ ඔබේ උදව්වට ආපු මට විරුද්ධවයි.

ඒ නිසා මම ඔබව විනාශ කරනවා.

10 ‘අපිට රජෙක් දෙන්න. අපිට පාලකයන් දෙන්න’ කියලා ඔබ මගෙන් ඉල්ලුවා.+

ඒත් දැන් කෝ ඔබේ රජ්ජුරුවන්? කෝ ඔබේ පාලකයන්?*

ඔවුන්ට කියන්න නුවරවල්වල ඉන්න ඔබව ඇවිත් බේරගන්න කියලා.+

11 මට කේන්ති ගිහින් ඔබට රජෙක් දුන්නා.+

ඒත් ඊට වඩා ලොකු කේන්තියකින් මං ඔහුව රජකමින් අයින් කරනවා.+

12 එෆ්‍රායිම් කරපු වැරදි මම අමතක කරන්නේ නැහැ.

ඔහු කරපු හැම පාපයක්ම ගණන් කරලා ඒවා වාර්තා කරලා තියෙනවා.*

ඒත් ඔහු මෝඩ බිලිඳෙක්.

බිහි වෙන කාලය ආවත් ඔහු මව්කුසෙන් පිටතට එන්නේ නැහැ.

15 ඔහු බට ගස් අතරේ සරුවට වැඩුණත්

යෙහෝවා නැඟෙනහිරෙන් ඔහුට විරුද්ධව සුළඟක් එවයි.

කාන්තාරයෙන් එන ඒ සුළඟ නිසා ඔහුගේ ළිං සහ දිය උල්පත් හිඳිලා යයි.

ඔවුන්ට ඒ වරදට ගණන් දෙන්න වෙනවා.+

ඔවුන් කඩුවෙන් මැරුම් කනවා.+

ඔවුන්ගේ දරුවන්ව පොළොවේ ගහලා මරලා දානවා.

ගැබිනි මව්වරුන්ව කඩුවෙන් කපලා දානවා.”