සෙකරියා
10 “වැහි වලාකුළු හදන්නේ යෙහෝවා දෙවියන්.
ඔහු වැසි වස්සලා+ හැමෝටම අවශ්‍ය පලදාව ලබා දෙනවා.
ඒ නිසා වසන්ත කාලයේදී අවශ්‍ය වැසි ලබා දෙන්න කියලා යෙහෝවාගෙන් ඉල්ලන්න.
2 පවුලේ අයගේ දෙවිවරුන්* ඔවුන්ගෙන් පිහිට පතන අයව නොමඟ යවලා.*
පේන කියන අය දර්ශන දැක්කත් ඒවා කවදාවත් ඉටු වෙන්නේ නැහැ.
ඔවුන් කිසි තේරුමක් නැති හීන ගැන කතා කරයි.
අනිත් අයව සනසන්න හැදුවත් ඒකෙන් කිසිම වැඩක් නැහැ.
ඒ නිසා අතරමං වුණ බැටළුවන් වගේ ඔවුන්ට ඒ මේ අත ඇවිදින්න වෙයි.
එඬේරෙක් නැති නිසා ඔවුන්ට හිරිහැර විඳින්න වෙයි.
3 ‘එඬේරුන්ට විරුද්ධව මගේ කේන්තිය ඇවිළෙනවා.
කුරිරු පාලකයන්ට* තමන් කරන දේවල් ගැන වග කියන්න සිද්ධ වෙනවා.’
මොකද ස්වර්ගයේ සේනාවල අධිපති වන යෙහෝවා තමන්ගේ බැටළු රැළට වෙන දේ දිහා බලාගෙන ඉන්නවා.+
යූදා සෙනඟ වන ඔවුන්ව ඔහුගේ තේජවත් යුධ අශ්වයා වගේ වෙන්න සලස්වනවා.
4 ප්‍රධාන තැනැත්තා* එන්නේ යූදා සෙනඟ අතරින්.
පාලකයා* එන්නෙත් යුද්ධයට පාවිච්චි කරන දුන්න එන්නෙත් ඔවුන් අතරින්.
ඔවුන් අතරේ ඉන්න වැඩ අධීක්ෂණය කරන* හැමෝම එකා වගේ
පිටත් වෙලා යනවා.
5 යූදා සෙනඟ දක්ෂ සටන්කරුවන් වගේ යුද බිමේ තියෙන මඩ පාගමින් ඉදිරියට යයි.
යෙහෝවා ඔවුන්ගේ උදව්වට ඉන්න නිසා ඔවුන් සටනට යයි.+
අශ්වයන් පිට එන සතුරෝ ඔවුන් ඉස්සරහා ලැජ්ජාවට පත් වෙයි.+
මම ඔවුන්ට දයාව පෙන්වලා ආයෙත් ඔවුන්ගේ දේශයට ඔවුන්ව අරන් යනවා.+
එතකොට මගේ ආශීර්වාදය අහිමි වෙලා තිබුණ කාලය ඔවුන්ගේ මතකයටවත් එන්නේ නැහැ.+
මොකද යෙහෝවා වන මම ඔවුන්ගේ දෙවියන්.
ඔවුන් මට අඬගහද්දී මම ඔවුන්ට උත්තර දෙනවා.’
ඔවුන්ගේ දරුවොත් ඒක දැකලා සතුටු වෙයි.
යෙහෝවා නිසා ඔවුන්ගේ හිත් සතුටින් පිරිලා යයි.+
ඔවුන්ට අඬගහලා ඔවුන්ව මං ළඟට එකතු කරගන්නවා.
ඔවුන් ගණනින් වැඩි වෙලා හැමදාටම විශාල සෙනඟක් විදිහට ඉඳියි.
9 කෙතක බීජ වපුරනවා වගේ මම ඔවුන්ව ජාතීන් අතරට විසුරුවාහරිනවා.
ඒත් දුර ඈත තියෙන ඒ දේශවල ඉද්දී ඔවුන්ට මාව සිහි වෙයි.
ඔවුනුත් ඔවුන්ගේ දරුවනුත් ආයෙත් ශක්තිමත් වෙලා මං ළඟට එයි.
10 මම ඔවුන්ව ඊජිප්තු දේශයෙන් ආයෙත් ගෙන්නගන්නවා.
ඇසිරියාවෙන් ආයෙත් එක් රැස් කරගන්නවා.+
මම ඔවුන්ව ගිලියද්+ දේශයටත් ලෙබනොන් දේශයටත් අරන් එනවා.
ඒ දේශවලත් ඔවුන්ට ඉන්න ඉඩ මදි වෙයි.+
11 මුහුද ඔවුන්ගේ ගමනට බාධා කරද්දී මම ඒ මැදින් ගිහින්
මුහුදු රළට පහර දීලා ඒක නිහඬ කරනවා.+
නයිල් ගඟ ඔවුන්ට බාධා කරද්දී මම ඒකේ වතුර පතුලටම හින්දවනවා.
උඩඟු විදිහට හැසිරෙන ඇසිරියාව ලැජ්ජාවට පත් කරලා
ඊජිප්තුවේ රාජ යෂ්ටිය බිඳලා දානවා.+