ගීතාවලිය

ක්ලාන්ත වෙන තරමටම තිබහෙන් ඉන්න කෙනෙක් වතුර පොදක් හොයාගෙන යනවා වගේ

මමත් ඔබව හොයාගෙන යනවා.+

 2 ශුද්ධස්ථානයේදී මම ඔබව දැක්කා.

එහෙදී ඔබේ ශක්තියත් තේජසත් මට දකින්න ලැබුණා.+

 3 ඔබේ නොසැලෙන ආදරය මට මගේ ජීවිතයටත් වඩා වටිනවා.+

මම මගේ තොල්වලින් ඔබට ප්‍රශංසා කරන්නේ ඒ නිසයි.+

 4 දිවි ඇති තුරා මම ඔබට ප්‍රශංසා කරනවා.

මගේ දෑත් ඔසවලා ඔබේ නම කියලා යාච්ඤා කරනවා.

 5 හොඳම, ඉස්තරම්ම දේවලින්* ඔබ මාව තෘප්තිමත් කරනවා.

ඒ නිසා ප්‍රීති ඝෝෂා නඟමින් මම ඔබට ප්‍රශංසා කරනවා.+

 6 ඇඳේ ඉද්දී මට ඔබව මතක් වෙනවා.

රෑ පුරාම* මම ඔබ ගැන ගැඹුරින් කල්පනා කරනවා.+

 7 ඔබ ඕනෙම වෙලාවක මගේ උදව්වට එනවා.+

ඔබේ පියාපත් සෙවණේ ඉඳන් මම සතුටින් ගී ගයනවා.+

 8 මම ඔබව තදින් අල්ලගෙන ඉන්නවා.

ඔබත් ඔබේ දකුණතින් මාව අල්ලගෙන ඉන්නවා.+

 9 ඒත් මගේ ජීවිතය විනාශ කරන්න හදන අයට

සිද්ධ වෙන්නේ මිනී වළට යන්නයි.

10 ඔවුන් කඩුවෙන් මැරුම් කනවා.

හිවලුන්ගේ* ගොදුරක් වෙනවා.

දෙවියන්ගේ නමින් දිවුරන හැම කෙනෙක්ම ප්‍රීතියෙන් ඉපිල යයි.

මොකද දෙවියන් බොරු කියන අයව නිහඬ කරනවා.