ගීතාවලිය

125 යෙහෝවා ගැන විශ්වාසය තියන අය+

කවදාවත් සොලවන්න බැරි,

හැමදාටම පවතින සියොන් කන්ද වගේ.+

 2 යෙරුසලම කඳුවලින් වට වෙලා තියෙනවා වගේ+

යෙහෝවා තමන්ගේ සෙනඟව වට කරගෙන ඉන්නවා.+

දැනුත් සදහටමත් ඔහු ඔවුන්ව ආරක්ෂා කරනවා.

 3 දුෂ්ටයන්ගේ රාජ යෂ්ටියට,

ධර්මිෂ්ඨයන්ට උරුම වුණ දේශය හැමදාටම යටත් කරගන්න ලැබෙන්නේ නැහැ.+

මොකද එහෙම වුණොත් ධර්මිෂ්ඨයන් වැරදි දේ කරන්න පෙලඹෙයි.+

 4 අනේ යෙහෝවා, අවංක හදවත් තියෙන,+ යහපත් අයට

යහපතක් වෙන්න සලස්වන්න.+

 5 හරි මඟෙන් අයින් වෙලා වංක මඟක යන අයව නම්,

යෙහෝවා දුෂ්ටයන් එක්කම විනාශ කරනවා.+