සෙකරියා

4 මාත් එක්ක කතා කරකර හිටපු දේවදූතයා ආයෙත් ඇවිත් මගේ අවධානය එයා වෙතට ගත්තා. එයා එහෙම කළේ නිදාගෙන ඉන්න කෙනෙක්ව ඇහැරවනවා වගේ. 2 ඊටපස්සේ එයා මගෙන් ඇහුවා “ඔයාට පේන්නේ මොකක්ද” කියලා.

මම මෙහෙම කිව්වා. “තනිකරම රත්තරන්වලින් හදපු පහන් රුකක්+ මට පේනවා. ඒකට ඉහළින් භාජනයක් තියෙනවා. ඒ පහන් රුක උඩ පහන් හතක්+ තියෙනවා. ඒ පහන් හතට නළ හතක්* සම්බන්ධ කරලයි තියෙන්නේ. 3 පහන් රුක දෙපැත්තේ ඔලීව ගස් දෙකක්+ තියෙනවා. ඒ කියන්නේ පහන් රුකට ඉහළින් තියෙන භාජනයට දකුණු පැත්තෙන් එක ගහකුත් වම් පැත්තෙන් තව ගහකුත් තියෙනවා.”

4 එතකොට මාත් එක්ක කතා කරකර හිටපු දේවදූතයාගෙන් මම මෙහෙම ඇහුවා. “මගේ ස්වාමීනි, මේ පේන දේවල්වල තේරුම මොකක්ද?” 5 ඒ වෙලාවේ දේවදූතයා මගෙන් ඇහුවා “ඔයා මේ දේවල්වල තේරුම දන්නේ නැද්ද” කියලා.

“නැහැ මගේ ස්වාමීනි” කියලා මම කිව්වා.

6 එතකොට දේවදූතයා මට මෙහෙම කිව්වා. “යෙහෝවා දෙවියන් සෙරුබාබෙල්ට දෙන පණිවිඩය මේකයි. ‘“මේ හැම දේම ඉටු වෙන්නේ මගේ බලයෙන්+ මිසක් මිනිසුන්ගේ ශක්තියෙන්වත් යුද බලයෙන්වත් නෙවෙයි.”+ එහෙම කියන්නේ ස්වර්ගයේ සේනාවල අධිපති වන යෙහෝවායි. 7 සෙරුබාබෙල්+ ඉස්සරහා විශාල කන්දක් තියලා තිබුණත් ඒක සමතලා කරලා දානවා.*+ එයා මගේ ගෘහයේ ඉහළින්ම තියන ප්‍රධාන ගල අරන් එයි. එයා ගල අරන් එද්දී සෙනඟ කෑගගහා මෙහෙම කියයි. “මේක මොන තරම් පුදුම දෙයක්ද! ඒක හිතාගන්නවත් බැහැ!”’”

8 යෙහෝවා මට මෙහෙමත් කිව්වා. 9 “මේ ගෘහයේ අත්තිවාරම දැම්මේ සෙරුබාබෙල්.+ ඒකේ වැඩ ඉවර කරන්නෙත් එයාමයි.+ (එතකොට මාව එව්වේ ස්වර්ගයේ සේනාවල අධිපති වන යෙහෝවා කියලා ඔයාලා දැනගනියි.) 10 සුළුවෙන් පටන්ගත්ත වැඩක් කවදාවත් පහත් කරන්න එපා.+ මොකද ඉස්සරහට සෙරුබාබෙල්ගේ අතේ තියෙන ලඹය* දැකලා සෙනඟ සතුටු වෙයි. ‘ඔයාලා මේ* දකින්නේ මුළු පොළොවම සෝදිසි කරලා බලන+ යෙහෝවා දෙවියන්ගේ ඇස් හතයි.’”

11 ඊටපස්සේ මම දේවදූතයාගෙන් ඇහුවා “පහන් රුකට දකුණු පැත්තෙන් සහ වම් පැත්තෙන් තියෙන ඔලීව ගස් දෙකෙන්+ අදහස් වෙන්නේ මොකක්ද” කියලා. 12 මම එයාගෙන් මෙහෙමත් ඇහුවා. “රත්තරන්වලින් හදපු නළ දෙකකින් රත්තරන් පාට දියරයක් ගලාගෙන එනවා මට පේනවා. ඒ නළ දෙක ඔලීව ගස් දෙකේ අතු දෙකකට සම්බන්ධ වෙලා තියෙනවා. ඒ ඔලීව අතු දෙකෙන් අදහස් කරන්නේ මොකක්ද?”

13 එතකොට එයා මගෙන් මෙහෙම ඇහුවා. “ඔයා මේ දේවල්වල තේරුම දන්නේ නැද්ද?”

“නැහැ මගේ ස්වාමීනි” කියලා මම කිව්වා.

14 එයා මෙහෙම කිව්වා. “ඒවාවලින් නියෝජනය වෙන්නේ අභිෂේක කරලා තියෙන දෙන්නාවයි. එයාලා මුළු පොළොවටම අධිපති දෙවියන් ළඟ හිටගෙන ඉන්නවා.”+