හෙබ්‍රෙව්වරුන්ට
3 ඉතින් ස්වර්ගයට යන්න කැඳවීමක්* ලබලා තියෙන ශුද්ධ සහෝදරයෙනි,+ නියෝජිතයා* සහ උත්තම පූජකයා විදිහට අපි පිළිගන්න කෙනා වන යේසුස්ගේ ආදර්ශය ගැන හිතලා බලන්න.+ 2 ඔහු තමාව පත් කරපු තැනැත්තාට විශ්වාසවන්තව හිටියා.+ හරියට දෙවියන්ට අයිති නිවසේ හැම දෙයක්ම විශ්වාසවන්තව ඉටු කරපු මෝසෙස් වගේ.+ 3 කොහොමවුණත් මෝසෙස්ට වඩා ගෞරවයක් ලබන්න ඔහු* වටිනවා.+ මොකද සාමාන්‍යයෙන් නිවසට ලැබෙනවාට වඩා වැඩි ගෞරවයක් ලැබෙන්නේ ඒක හදපු කෙනාටයි. 4 ඇත්තටම හැම නිවසක්ම හදන්න කෙනෙක් ඉන්න ඕනේ. ඒත් හැම දෙයක්ම හදපු තැනැත්තා දෙවියන්. 5 මෝසෙස් සේවකයෙක් විදිහට දෙවියන්ට අයිති නිවසේ හැම දෙයක්ම විශ්වාසවන්තව ඉටු කළා. ඔහු කරපු සේවය ඉදිරියේදී කියන්න නියමිත දේවල්වලට සාක්ෂියක් වුණා. 6 ඒත් ක්‍රිස්තුස් පුතෙක් විදිහටයි දෙවියන්ගේ නිවස විශ්වාසවන්තව බලාගත්තේ.+ අපි තමයි දෙවියන්ට අයිති නිවස.+ එහෙම වෙන්නේ බය නැතුව කතා කරන්න අපිට තියෙන නිදහස අපි රැකගත්තොත් විතරයි. අන්තිමය වෙන කල්ම අපි ආඩම්බරයෙන් කතා කරන බලාපොරොත්තුව තදින් අල්ලගෙන හිටියොත් විතරයි.
7 ඒ නිසයි දෙවියන්ගේ බලය මාර්ගයෙන් මෙහෙම කියලා තියෙන්නේ.+ “අනේ, ඔහු කිව්ව දේට ඔබ අද සවන් දෙනවා නම්! 8 මාව කේන්ති ගස්සපු දවසේ කළා වගේ, පාළුකරයේ මාව පරීක්ෂා කරපු දවසේ කළා වගේ ඔබේ හිත් දැඩි කරගන්න එපා.+ 9 එහෙදී ඔබේ මුතුන්මිත්තන් මාව පරීක්ෂා කළා. අවුරුදු 40ක් පුරා මං කරපු දේවල් දැකලා තිබුණත් එයාලා මාව සැක කළා.+ 10 ඒ නිසයි මේ පරම්පරාව ගැන මට ලොකු කේන්තියක් දැනිලා මෙහෙම කිව්වේ. ‘ඔවුන් හැම තිස්සේම මුරණ්ඩු විදිහට තමන්ට හිතෙන හිතෙන දේ කරනවා. ඔවුන් මං කියන දේවල්වල වටිනාකම තේරුම් අරන් නැහැ.’* 11 ඒ නිසා මං කේන්තියෙන් දිවුරලා මෙහෙම කිව්වා. ‘මං වගේ විවේක ගන්න ඔවුන්ට අවස්ථාව ලැබෙන්නේ නැහැ.’”+
12 සහෝදරයෙනි, කවුරු හරි කෙනෙක් ජීවමාන දෙවියන්ගෙන් ඈත් වුණොත් එයාගේ හදවත විශ්වාසයක් නැති, දුෂ්ට එකක් වෙන්න පුළුවන්. ඔයාලාගෙන් ඕනෙම කෙනෙක්ට ඒක වෙන්න පුළුවන්. ඒ නිසා පරෙස්සම් වෙන්න.+ 13 “අද”+ කියලා හඳුන්වන දවසේ අපි ඉන්න තාක් කල් දිගටම එකිනෙකාව දිරිගන්වන්න. හැම දවසකම එහෙම කරන්න. එතකොට නොමඟ යවන්න පාපයට තියෙන බලයට ඔයාලාගෙන් කවුරුත් අහු වෙන එකක් නැහැ. ඒකට අහු වුණොත් ඔයාලාගේ හිත් දැඩි වෙයි. 14 මොකද ක්‍රිස්තුස් හවුල් වෙලා ඉන්න දේට අපිට හවුල් වෙන්න පුළුවන් වෙන්නේ මුලදී ඇති වුණ විශ්වාසය* අන්තිමේ වෙන කල්ම අපි රැකගත්තොත් විතරයි.+ 15 මෙහෙම කියලා තියෙනවා. “අනේ, ඔහු කිව්ව දේට ඔබ අද සවන් දෙනවා නම්! මාව කේන්ති ගස්සපු දවසේ කළා වගේ ඔබේ හිත් දැඩි කරගන්න එපා.”+
16 දෙවියන්ගේ හඬ ඇහුණත් ඔහුව කේන්ති ගස්සන විදිහට වැඩ කළේ කවුද? මෝසෙස්ගේ නායකත්වය යටතේ ඊජිප්තුවෙන් පිටත් වෙලා ආපු අය නෙමෙයිද?+ 17 අවුරුදු 40ක් පුරා දෙවියන් ලොකු කේන්තියකින් හිටියේ කාත් එක්කද?+ වැරදි කරලා පාළුකරයේ මැරිලා ගිය අය එක්ක නෙමෙයිද?+ 18 ඔහු වගේ විවේක ගන්න අවස්ථාවක් ලැබෙන්නේ නැහැ කියලා ඔහු දිවුරලා කිව්වේ කවුරු ගැනද? අකීකරු විදිහට වැඩ කරපු අය ගැන නෙමෙයිද? 19 ඔහු වගේ විවේක ගන්න එයාලට අවස්ථාවක් හම්බ වුණේ නැත්තේ එයාලට විශ්වාසයක් තිබුණේ නැති නිසයි කියලා අපිට පැහැදිලියි.+