එසකියෙල්
33 යෙහෝවා දෙවියන් මට මෙහෙම කිව්වා. 2 “මනුෂ්‍ය පුත්‍රය, ඔයාගේ සෙනඟට කතා කරලා+ එයාලට මෙහෙම කියන්න.
“‘හිතන්න, මම දේශයකට විරුද්ධව කඩුවක් එවනවා කියලා.+ ඒ දේශයේ ඉන්න සෙනඟ කෙනෙක්ව තෝරගෙන ඔහුව ඔවුන්ගේ මුරකරු විදිහට පත් කරගන්නවා. 3 දේශයට විරුද්ධව එන ඒ කඩුව දැකලා ඔහු හොරණෑව පිඹලා සෙනඟට අනතුරු අඟවනවා.+ 4 හැබැයි හොරණෑවේ හඬ ඇහුණාට කෙනෙක් ඒ අනතුරු ඇඟවීම ගණන් ගන්නේ නැතුව ඉඳලා+ කඩුවෙන් මැරුම් කෑවා කියලා හිතන්න. ඔහුගේ ලේවලට වග කියන්න ඕනෙ ඔහුමයි.+ 5 ඔහුට හොරණෑවේ හඬ ඇහුණත් ඔහු අනතුරු ඇඟවීම ගණන් ගත්තේ නැහැ. ඔහු තමයි ඔහුගේ ලේවලට වග කියන්න ඕනේ. ඔහු අනතුරු ඇඟවීම හිතට ගත්තා නම් ඔහුගේ ජීවිතේ බේරෙනවා.
6 “‘කඩුව එනවා දැකදැකත් මුරකරු හොරණෑව පිම්බේ නැහැ කියලා හිතන්න.+ ඔහු සෙනඟට අනතුරු ඇඟෙව්වේ නැති නිසා කෙනෙක් කඩුවෙන් මැරුම් කනවා. ඒ කෙනා මැරෙන්නේ තමන් කරපු වැරදි නිසයි. ඒත් ඔහුගේ ලේවලට මුරකරු මට වග කියන්න ඕනේ.’*+
7 “මනුෂ්‍ය පුත්‍රය, මම ඔයාව ඊශ්‍රායෙල් සෙනඟ වෙනුවෙන් මුරකරුවෙක් විදිහට පත් කළා. ඔයාට මගෙන් පණිවිඩයක් ලැබුණාම ඔයා මගේ අනතුරු ඇඟවීම එයාලට දැනුම් දෙන්න ඕනේ.+ 8 ‘ඔබ අනිවාර්යයෙන්ම මැරෙනවා’ කියලා මම දුෂ්ට කෙනෙක්ට කිව්වා කියලා හිතන්න.+ ඒත් දුෂ්ට වැඩ අතහරින්න කියලා ඔයා එයාට අනතුරු ඇඟෙව්වේ නැත්නම් තමන් කරපු වැරදි නිසා එයා මැරෙයි. එයා මැරෙන්නේ දුෂ්ටයෙක් විදිහටයි.+ ඒත් ඔයා එයාගේ ලේවලට මට වග කියන්න ඕනේ. 9 හිතන්න, ඔයා දුෂ්ට කෙනෙක්ට එයා කරන වැරදි වැඩ අතහරින්න කියලා අනතුරු ඇඟෙව්වා කියලා. ඒත් එයා වෙනස් වෙන්න කැමති නැහැ. එහෙම වුණොත් එයාගේ වැරදි නිසා එයා මැරෙයි.+ ඒත් ඔයාගේ ජීවිතේ බේරෙයි.+
10 “මනුෂ්‍ය පුත්‍රය, ඊශ්‍රායෙල් සෙනඟට මේ දේ කියන්න. ‘ඔබ මෙහෙම කිව්වා. “අපේ වැරදි නිසයි, අපේ කැරලිකාර වැඩ නිසයි අපිට දැනෙන බර උහුලන්න බැහැ. අපි හොඳටම හෙම්බත් වෙලයි ඉන්නේ.+ අපි කොහොමද මෙහෙම ජීවත් වෙන්නේ?”’+ 11 එයාලට මෙහෙම කියන්න. ‘ශ්‍රේෂ්ඨතම පාලකයාණන් වන යෙහෝවා කියන්නේ මෙහෙමයි. “ජීවමාන දෙවි වන මම මං ගැනම දිවුරලා මේ දේ කියනවා. දුෂ්ටයෙක් මැරෙනවා දකින එකෙන් මං සතුටු වෙන්නේ නැහැ.+ ඒත් දුෂ්ටයෙක් වැරදි හදාගෙන ජීවත් වෙනවා දකිද්දී+ මට ලොකු සතුටක් දැනෙනවා.+ ඊශ්‍රායෙල් සෙනඟෙනි, වැරදි පාරෙන් හැරිලා එන්න. ඔබ කරන වැරදි වැඩ අතහරින්න.+ ඇයි ඔබ නිකම්ම මැරිලා යන්න හදන්නේ?”’+
12 “මනුෂ්‍ය පුත්‍රය, ඔයාගේ සෙනඟට මෙහෙම කියන්න. ‘ධර්මිෂ්ඨ කෙනෙක් කැරලිගහන්න පටන්ගත්තොත් ඔහු කලින් හරි දේවල් කළා කියලා ඔහුගේ ජීවිතේ බේරගන්න ලැබෙන්නේ නැහැ.+ දුෂ්ට කෙනෙක් ඔහු කරපු වැරදි දේවල් අතහැරියොත් ඔහු කලින් කරපු වැරදි නිසා ඔහු විනාශ වෙන්නේ නැහැ.+ ධර්මිෂ්ඨ කෙනෙක් වැරදි දේවල් කරනවා නම් ඔහු කලින් ධර්මිෂ්ඨ ජීවිතයක් ගත කරපු නිසාම ඔහුට දිගටම ජීවත් වෙන්න ලැබෙන්නේ නැහැ.+ 13 “ඔබට ජීවිතේ රැකගන්න පුළුවන්” කියලා මම ධර්මිෂ්ඨ කෙනෙක්ට කිව්වා කියලා හිතන්න. ඒත් තමන් කලින් හොඳ දේවල් කළානේ කියලා හිතලා ඔහු වැරදි දේවල්* කරනවා.+ එහෙම කළොත් ඔහු කරපු එක හොඳ දෙයක්වත් මං මතක් කරන්නේ නැහැ. ඔහු කරන වැරදි නිසා අනිවාර්යයෙන්ම ඔහු මැරෙනවා.+
14 “‘මං දුෂ්ටයෙක්ට “ඔබ අනිවාර්යයෙන්ම මැරෙනවා” කියලා කිව්වා කියලා හිතන්න. ඒත් ඔහු තමන් කරන වැරදි අතහැරලා යුක්තිය, සාධාරණය ඉටු කරන්න පටන්ගන්නවා.+ 15 ඔහු ණයකට ඇපයක් විදිහට තියාගත්ත දේ ආපහු දෙනවා.+ හොරකම් කරපු දේවල්වල වටිනාකම ගෙවනවා.+ ඔහු වැරදි දේවල් කරන්නේ නැතුව ජීවිතේ රැකගන්න උදව් වෙන අණපනත් පිළිපදිනවා. එහෙම කළොත් ඔහුට අනිවාර්යයෙන්ම ජීවිතේ රැකගන්න පුළුවන්.+ ඔහු මැරෙන්නේ නැහැ. 16 ඔහු කලින් කරපු එක වරදකටවත් මම ඔහුට දඬුවම් කරන්නේ නැහැ.+ ඔහු යුක්තිය, සාධාරණය ඉටු කරන නිසා ඔහුට අනිවාර්යයෙන්ම ජීවිතේ රැකගන්න පුළුවන්.’+
17 “හැබැයි ඔයාගේ සෙනඟ කියනවා ‘යෙහෝවා වැඩ කරන විදිහ සාධාරණ නැහැ’ කියලා. ඒත් ඇත්තටම අසාධාරණ විදිහට වැඩ කරන්නේ එයාලයි.
18 “ධර්මිෂ්ඨ කෙනෙක් හරි දේ කරන එක අතහැරලා වැරදි දේ කළොත් එයා කරන වැරදි නිසා එයා අනිවාර්යයෙන්ම මැරෙනවා.+ 19 අනිත් අතට දුෂ්ට කෙනෙක් තමන් කරපු දුෂ්ට වැඩ අතහැරලා යුක්තිය, සාධාරණය ඉටු කරනවා නම් එයා කරන හොඳ දේවල් නිසා තමන්ගේ ජීවිතේ රැකගන්න එයාට පුළුවන් වෙනවා.+
20 “ඒත් ඔබ කියනවා ‘යෙහෝවා වැඩ කරන විදිහ සාධාරණ නැහැ’+ කියලා. ඊශ්‍රායෙල් සෙනඟෙනි, ඔබ එක් එක් කෙනා කරන දේවල්වලට අනුව මම ඔබව විනිශ්චය කරනවා.”
21 ටික කාලෙකට පස්සේ ඒ කියන්නේ අපි වහලුන් විදිහට හිටපු 12වෙනි අවුරුද්දේ දහවෙනි මාසයේ පස්වෙනිදා යෙරුසලමෙන් බේරිලා ආපු කෙනෙක් මං ළඟට ඇවිත්+ මෙහෙම කිව්වා. “සතුරෝ නගරේ අල්ලගත්තා!”+
22 ඒ කෙනා මං ළඟට ආවේ උදේ වරුවේ. ඊට කලින් දවසේ හවස යෙහෝවාගේ බලය මට ලැබුණ නිසා කලින් කතා කරන්න බැරුව හිටිය මට ආයෙත් කතා කරන්න පුළුවන් වුණා.+
23 එතකොට යෙහෝවා මට මේ පණිවිඩය දුන්නා. 24 “මනුෂ්‍ය පුත්‍රය, විනාශ වුණ නගරවල ඉන්න සෙනඟ+ ඊශ්‍රායෙල් දේශය ගැන මෙහෙම කියනවා. ‘තනි කෙනෙක් වුණ ආබ්‍රහම්ට මේ දේශය අයිති වුණා නම්+ මෙච්චර ලොකු සෙනඟක් ඉන්න අපිට මේක අයිති වෙන්නේ නැතුව තියෙන්න බැහැ.’
25 “ඉතින් එයාලට මෙහෙම කියන්න. ‘ශ්‍රේෂ්ඨතම පාලකයාණන් වන යෙහෝවා කියන්නේ මෙහෙමයි. “ඔබ ලේ එක්ක කෑම කනවා.+ ඔබ විශ්වාසය තියන්නේ ඔබේ පිළිකුල්සහගත රූප* ගැනයි. ඔබ ලේ හලනවා.+ ඒ දේවල් කරන ගමන් දේශය ඔබට අයිති වෙයි කියලා හිතන්නේ කොහොමද? 26 ඔබ විශ්වාසය තිබ්බේ ඔබේ කඩුව ගැනයි.+ ඔබ කරන්නෙම පිළිකුල් දේවල්. හැමෝම තමන්ගේ අසල්වැසියාගේ බිරිඳ එක්ක අනාචාරයේ යෙදෙනවා.+ ඉතින් දේශය ඔබට අයිති වෙයි කියලා හිතන්නේ කොහොමද?”’+
27 “ඔයා එයාලට මෙහෙම කියන්න. ‘ශ්‍රේෂ්ඨතම පාලකයාණන් වන යෙහෝවා කියන්නේ මේකයි. “ජීවමාන දෙවි වන මම මං ගැනම දිවුරලා මේ දේ කියනවා. විනාශ වුණ නගරවල ඉන්න අය කඩුවෙන් මැරුම් කනවා. එළිමහනේ ඉන්න අයව මම වනසතුන්ට කන්න දෙනවා. බලකොටුවලයි, ගුහාවලයි ඉන්න අය වසංගතවලින් මැරෙනවා.+ 28 මම මේ දේශය විනාශ කරලා පාළු තැනක් කරනවා.+ ඒකට ආයේ උඩඟු වෙන්න, ආඩම්බර වෙන්න දෙයක් ඉතුරු වෙන්නේ නැහැ. ඊශ්‍රායෙල්වල කඳුකරය පාළු වෙලා යනවා.+ කිසිම කෙනෙක් ඒ හරහා යන්නේ නැහැ. 29 ඔවුන් කරපු පිළිකුල්සහගත දේවල් නිසා+ මම මේ දේශය විනාශ කරලා පාළු තැනක් කළාම+ මම යෙහෝවා කියලා පිළිගන්න ඔවුන්ට සිද්ධ වෙනවා.”’
30 “මනුෂ්‍ය පුත්‍රය, ඔයාගේ සෙනඟ දොරකඩ ළඟ හිටගෙන, බිත්ති අයින්වලට වෙලා ඔයා ගැන කතා වෙනවා.+ එයාලා එක් එක් කෙනා අතරේ මෙහෙම කතා වෙනවා. ‘යං, අපි ගිහින් අහමු යෙහෝවාගෙන් හම්බ වුණ පණිවිඩේ මොකක්ද කියලා.’ 31 සාමාන්‍යයෙන් මගේ සෙනඟ කරනවා වගේ එයාලත් කට්ටිය පිටින්ම ඇවිත් ඔයා ඉස්සරහා ඉඳගනියි. ඔයා කියන දේවල් අහගෙනත් ඉඳියි. ඒත් ඒවා පිළිපදින්නේ නැහැ.+ එයාලා ඔයාව වර්ණනා කරයි.* හැබැයි එයාලාගේ හිත් වංචාවෙන් පිරිලා. 32 එයාලා ඔයාව දකින්නේ දක්ෂ විදිහට වීණාව වාදනය කරකර, ලස්සන කටහඬකින් පෙම් ගීත කියන කෙනෙක් විදිහට. ඔයා කියන දේවල් එයාලා අහගෙන හිටියාට එයාලා ඒවා කනකටවත් ගන්නේ නැහැ. 33 ඒත් කියපු දේවල් ඉටු වෙද්දී එයාලා අතරේ අනාගතවක්තෘවරයෙක් හිටියා කියලා පිළිගන්න එයාලට සිද්ධ වෙනවා.+ මොකද කියපු දේවල් අනිවාර්යයෙන්ම ඉටු වෙනවා.”