යෝබ්

 4 ඔයා මේ දේවල් කියන්න හදන්නේ කාටද?

ඒ දේවල් කියන්න ඔයාව පෙලඹුවේ කවුද?

 5 කිසි දෙයක් කරකියාගන්න බැරි, මිය ගිහින් ඉන්න අය කැලඹෙයි.

ඒ හැමෝම ඉන්නේ සාගරයටත් ඒකේ ජීවීන්ටත් වඩා පහළිනුයි.

 6 මිනී වළේ තියෙන හැම දෙයක්ම දෙවියන්ට* පේනවා.+

හැම දේම දිරාපත් වෙන තැන* ඔහුගෙන් සැඟවිලා නැහැ.

 7 ඔහු උතුරු අහස්තලය* හිස් අවකාශයේ දිගහැරියා.+

පොළොවත් හිස් අවකාශයේ තැබුවා.*

 8 ඔහු ජල කඳ වලාකුළුවලින් ඔතනවා.+

ඒවා කොයි තරම් බර වුණත් බිඳී නොයන්නේ ඒ නිසයි.

 9 ඔහු තමන්ගේ සිංහාසනය සඟවයි.

වලාකුළුවලින් ඒක වහලා තියයි.+

10 ඔහු ජල කඳේ ඈත කෙළවරේ ක්ෂිතිජය* ලකුණු කළා.+

සීමාවක් දාලා අඳුරෙන් එළිය වෙන් කළා.

11 අහසේ කුලුනු දෙදරුම් කයි.

ඔහු තරවටු කරද්දී ඒවා තිගැස්සෙයි.

12 ඔහු තමන්ගේ බලයෙන් සාගරය කලඹයි.+

ඔහුගේ නුවණින් මුහුදේ දැවැන්තයාව* සුනුවිසුනු කරයි.+

13 ඔහු තමන්ගේ හුස්ම* පිට කරලා පැහැදිලි නිල්වන් අහස දිස් වෙන්න සලස්වයි.

තමන්ගේ අතින් වේගවත්* සර්පයාව මරා දමයි.

14 ඒත් අපි මේ දකින්නේ දෙවියන්ගේ ක්‍රියාවලින් අල්පමාත්‍රයක් විතරයි.+

ඔහුගේ බලය ගැන අපේ දෙසවනට වැටෙන්නේ සිහින් නාදයක්

විතරයි.