ද්විතීය කතාව
30 “ආශීර්වාද සහ ශාප ගැන අද මං ඔයාලට කියපු මේ හැම දෙයක්ම+ ඒ විදිහටම ඉටු වෙයි. ඔයාලාගේ දෙවි වන යෙහෝවා ඔයාලව විසුරුවාහරින දේශවල ඉද්දී+ ඒ හැම දෙයක්ම ඔයාලට මතක් වෙයි.+ 2 එතකොට ඔයාලා ඔයාලාගේ දෙවි වන යෙහෝවා ළඟට ආපහු හැරිලා එයි.+ ඔයාලයි, ඔයාලාගේ පුතාලයි මුළු හදවතින්ම ඔහුගේ හඬට සවන් දීලා අද මං ඔයාලට කියලා දෙන දේවල් පිළිපදියි. ඒ දේවල් කරන්න ඔයාලා පුළුවන් හැම දේම කරයි.*+ 3 එතකොට ඔයාලාගේ දෙවි වන යෙහෝවා ඔයාලව වහල්කමින් නිදහස් කරගෙන එයි.+ යෙහෝවා ඔයාලට දයාව පෙන්නලා+ ඔහු ඔයාලව විසුරුවාහැරිය ජාතීන් අතරින් ඔයාලව ආපහු එකතු කරගෙන එයි.+ 4 පොළොවේ ඈත කෙළවරක හිටියත් ඔයාලාගේ දෙවි වන යෙහෝවා ඔයාලව එකතු කරගෙන එයි.+ 5 ඔයාලාගේ පියවරුන් අයිති කරගත්ත දේශයට ඔයාලාගේ දෙවි වන යෙහෝවා ඔයාලව ආපහු අරගෙන එයි. ඔයාලා ඒ දේශය අයිති කරගනියි. ඔහු ඔයාලට ආශීර්වාද කරලා ඔයාලාගේ පියවරුන්ගේ කාලෙට වැඩිය ඔයාලාගේ ගාණ ගොඩක් වැඩි කරයි.+ 6 ඔයාලාගේ දෙවි වන යෙහෝවා ඔයාලාගෙයි, ඔයාලාගේ දරුවන්ගෙයි හිත් පවිත්‍ර කරයි.*+ එතකොට ඔයාලට මුළු හදවතින්ම ඔයාලාගේ දෙවි වන යෙහෝවාට ආදරේ කරන්න පුළුවන් වෙයි. ඒ ආදරේ ඔයාලාගේ මුළු ජීවිතෙන්ම* දකින්න තියෙයි. ඔයාලාගේ ජීවිතත් ආරක්ෂා වෙයි.+ 7 ඔයාලට අද්දකින්න වුණ හැම ශාපයක්ම ඔයාලාගේ දෙවි වන යෙහෝවා ඔයාලට වෛර කරපු, ඔයාලට පීඩා කරපු ඔයාලාගේ සතුරන් පිටට ගෙනෙයි.+
8 “ඔයාලා ආපහු ඔයාලාගේ දෙවි වන යෙහෝවාගේ හඬට සවන් දෙන්න පටන්ගනියි. අද මං ඔයාලට කියලා දෙන හැම ආඥාවක්ම පිළිපදින්නත් පෙලඹෙයි. 9 ඔයාලාගේ දෙවි වන යෙහෝවාගේ ආශීර්වාද ඔයාලට ලැබෙන නිසා ඔයාලා කරන හැම දෙයක්ම ඔයාලා හිතනවාටත් වඩා සාර්ථක වෙයි.+ ඔයාලට ගොඩක් දරු සම්පත් ලැබෙයි. ඔයාලා ඇති කරන සත්තු බෝ වෙලා උන්ගේ ගාණ වැඩි වෙයි. ඔයාලා වගා කරන දේවලින් ලොකු පලදාවක් ලැබෙයි. යෙහෝවා ඔයාලාගේ මුතුන්මිත්තන් ගැන සතුටු වුණ විදිහටම ආයෙත් ඔයාලා ගැනත් සතුටු වෙයි.+ ඒ නිසා ඔහු ඔයාලට ආශීර්වාද කරයි. 10 ඒ කාලේදී ඔයාලා ඔයාලාගේ දෙවි වන යෙහෝවාගේ හඬට සවන් දීලා නීතිය ඇතුළත් මේ ලියවිල්ලේ තියෙන අණපනත් පිළිපදියි. ඔයාලා මුළු හදවතින්ම ඔයාලාගේ දෙවි වන යෙහෝවා ළඟට ආපහු හැරිලා එයි. ආපහු ඔහු ළඟට එන්න කරන්න පුළුවන් හැම දේම ඔයාලා කරයි.*+
11 “මං අද කියලා දෙන මේ ආඥා ඔයාලට පිළිපදින්න බැරි තරම් අමාරු ඒවා නෙමෙයි. ඒවා දැනගන්න ගොඩක් දුර යන්න ඕනෙ නැහැ.+ 12 ඉහළ අහසට නඟින්න ඕනෙත් නැහැ. ඒ නිසා ‘කවුරු හරි ඉහළ අහසට නැඟලා ඒ නීති දැනගෙන අපිට කියලා දෙන්න. එතකොට අපි ඒවා පිළිපදින්නම්’ කියලා කියන්න අවශ්‍ය නැහැ.+ 13 ඒ වගේම ඒවා හොයාගන්න මහ මුහුද තරණය කරන්න ඕනෙත් නැහැ. ඒ නිසා ‘කවුරු හරි මහ මුහුද තරණය කරලා ගිහින් ඒ නීති හොයාගෙන ඇවිත් අපිට කියලා දෙන්න. එතකොට අපි ඒවා පිළිපදින්නම්’ කියලා කියන්න අවශ්‍යත් නැහැ. 14 මොකද දෙවියන්ගේ වදන් ඔයාලා ළඟම තියෙනවා. ඒවා ඔයාලාගේ හිතෙත් දිව අගත් තියෙනවා.+ ඒ නිසා ඒවා පිළිපදින්න ඔයාලට පුළුවන්.+
15 “අද මං ඔයාලා ඉස්සරහා තේරීම් දෙකක් තියනවා. එක්කෝ ඔයාලට පුළුවන් හොඳ ප්‍රතිඵල ලැබෙන ජීවනයට යන මාර්ගය තෝරගන්න, නැත්නම් නරක ප්‍රතිඵල ලැබෙන මරණයට යන මාර්ගය තෝරගන්න.+ 16 ඔයාලාගේ දෙවි වන යෙහෝවාට ආදරේ කරලා+ ඔහුගේ මඟ පෙන්වීම්වලට අනුව ජීවත් වෙන්න. ඔහුගේ අණපනත් සහ තීන්දු පිළිපදින්න. ඒ විදිහට ඔයාලා අද මං කියලා දෙන ඔයාලාගේ දෙවි වන යෙහෝවාගේ ආඥාවලට සවන් දෙනවා නම් ඔයාලාගේ ජීවිත ආරක්ෂා වෙයි.+ ඔයාලාගේ ගාණ ගොඩක් වැඩි වෙයි. ඒ වගේම ඔයාලට අයිති වෙන දේශයේදී ඔයාලාගේ දෙවි වන යෙහෝවා ඔයාලට අනිවාර්යයෙන්ම ආශීර්වාද කරයි.+
17 “ඒත් ඔයාලාගේ හිත් දෙවියන්ගෙන් ඈත් වෙලා ගියොත්+ ඔයාලා ඔහුට සවන් දෙනවා වෙනුවට වෙනත් දෙවිවරුන් ඉස්සරහා වැඳ වැටිලා එයාලට නමස්කාර කරන්න පෙලඹුණොත්+ 18 ඔයාලා නැත්තටම නැති වෙලා යනවා කියලා අද මම ස්ථිරවම කියනවා.+ යොර්දාන් ගඟෙන් එගොඩ වෙලා ගිහින් ඔයාලා අයිති කරගන්න දේශයේ වැඩි කාලයක් ජීවත් වෙන්න නම් ඔයාලට ලැබෙන්නේ නැහැ. 19 මං අද ඔයාලා ඉස්සරහා තියෙන තේරීම් දෙකට ස්වර්ගයේ සහ පොළොවේ ඉන්න හැමෝම සාක්ෂිකරුවන් වෙයි. ඔයාලා ඉස්සරහා ජීවනයට යන මාර්ගය සහ මරණයට යන මාර්ගය තියෙනවා. ඔයාලාගේ තේරීමට අනුව එක්කෝ ඔයාලට ආශීර්වාද ලැබෙයි. නැත්නම් ශාප අද්දකින්න වෙයි.+ ඔයාලාගෙයි, ඔයාලාගෙන් පැවතෙන අයගෙයි+ ජීවිත රැකගන්න නම් ජීවනයට යන මාර්ගය තෝරගන්න.+ 20 ඉතින් ඔයාලාගේ දෙවි වන යෙහෝවාට ආදරේ කරන්න.+ ඔහුගේ හඬට සවන් දෙන්න. ඔහුව අත්හරින්නේ නැතුව ඔහුට ළං වෙලා ඉන්න.+ මොකද ඔයාලට ජීවිතයත් ගොඩක් කල් ජීවත් වෙන්න අවස්ථාවත් දෙන්නේ ඔහුයි. ඒ අවස්ථාව ඔයාලාගේ මුතුන්මිත්තන් වුණ ආබ්‍රහම්, ඊසාක් සහ යාකොබ්ට+ යෙහෝවා පොරොන්දු වුණ දේශයේදී ඔයාලට ලැබෙයි.”