යෙරෙමියා
5 යෙරුසලමේ පාරවල්වල ඇවිදලා බලන්න.
වටපිට තියෙන හැම දෙයක්ම බලන්න.
ඇගේ ප්‍රධාන හන්දිවලට ගිහින් බලන්න.
යුක්තිගරුක මනුස්සයෙක් ඉන්නවාද කියලා බලන්න.+
විශ්වාසවන්තව වැඩ කරන්න උත්සාහ කරන කෙනෙක් ඉන්නවාද කියලා බලන්න.
එහෙම කෙනෙක් ඉන්නවා නම් මම ඇයට සමාව දෙනවා.
2 ඔවුන් ‘යෙහෝවා ජීවමානයි කියන දේ ස්ථිරයි’ කියලා කිව්වත්
ඔවුන් දිවුරන්නේ බොරුවටයි.+
3 යෙහෝවා දෙවියනි, ඔබ විශ්වාසවන්තව වැඩ කරන අයව හොයන්නේ නැද්ද?+
ඔබ ඔබේ සෙනඟට පහර දුන්නත් ඔවුන් ඒක ගණන් ගත්තේ නැහැ.
ඔබ ඔවුන්ව පොඩි කරලා දැම්මත් ඔවුන් ඒකෙන් පාඩමක් ඉගෙනගත්තේ නැහැ.+
4 ඒත් මං මටම මෙහෙම කියාගත්තා. “ඔවුන් නූගත් පිරිසක් වෙන්න ඕනේ.
ඔවුන් මෝඩ විදිහට හැසිරෙන්නේ
යෙහෝවා කැමති දේ, ඔවුන්ගේ දෙවියන් ඔවුන්ට කරන්න කියන දේ ගැන දන්නේ නැති නිසා වෙන්න ඕනේ.
5 මම ප්‍රසිද්ධ අය ළඟට ගිහින් ඔවුන් එක්ක කතා කරනවා.
මොකද ඔවුන් නම් යෙහෝවා කැමති දේ,
ඔවුන්ගේ දෙවියන් ඔවුන්ට කරන්න කියන දේ ගැන හොඳට දන්නවා ඇති.+
ඒත් ඒ හැමෝම කීකරුකම කියන වියගහ කඩලා දාලා.
ඒකේ පටි ඉරලා දාලා.”
6 කැලෑවෙන් එන සිංහයෙක් ඔවුන්ට පහර දෙන්නෙත්
පාළුකරයෙන් එන වෘකයෙක් ඔවුන්ව නැති නාස්ති කරලා දාන්නෙත් ඒ නිසයි.
දිවියෙක් ඔවුන්ගේ නගරවලට කුරුමානම් අල්ලන්නෙත් ඒ නිසයි.
ඌ ඒ නගරවලින් එළියට යන හැමෝවම කෑලිවලට ඉරලා දානවා.
මොකද ඔවුන් ගොඩක් වැරදි කළා.
ඔවුන් ආයේ ආයේ අවිශ්වාසවන්තව වැඩ කළා.+
7 ඔබ කළ මේ දේවල්වලට මං සමාව දෙන්නේ කොහොමද?
ඔබේ පුතුන් මාව අතහැරලා දැම්මා.
ඔවුන් කිසි වැඩකට නැති දෙවියෙක්ගේ නමින් දිවුරනවා.+
මම ඔවුන්ට අවශ්‍ය දේ ලබා දුන්නත්
ඔවුන් දිගටම අනාචාරයේ යෙදෙනවා.
ඔවුන් රංචු පිටින් ගණිකාවකගේ නිවසට යනවා.
9 “ඔවුන් කරන ඒ දේවලට ඔවුන් මට වග කියන්න ඕනෙ නැද්ද” කියලා යෙහෝවා අහනවා.
“ඒ වගේ ජාතියකට මං දඬුවම් නොකර ඉන්නේ කොහොමද?”+
ඇගේ අලුත් දලු කපලා දාන්න.
මොකද ඒවා යෙහෝවාට අයිති නැහැ.
අපිට කිසි කරදරයක් වෙන්නේ නෑ.
යුද්ධයකටවත් සාගතයකටවත් මුහුණ දෙන්න අපිට වෙන්නේ නෑ.’+
13 අනාගතවක්තෘවරු කතා කරන්නේ හිස් වචන විතරයි.
දෙවියන්ගේ වචනය ඔවුන්ගේ හිත්වල නැහැ.
ඔවුන් කියන වචන වගේ ඔවුනුත් නැති වෙලා යනවා.”
14 ඉතින් ස්වර්ගයේ සේනාවල දෙවියන් වන යෙහෝවා මෙහෙම කියනවා.
“මේ මිනිස්සු ඒ විදිහට කියන නිසා
මගේ වචන මං ඔයාගේ කටේ ඇවිළෙන ගින්නක් වගේ කරනවා.+
දරවලට සමාන මේ මිනිස්සුන්ව
ඒ ගින්නෙන් පුච්චලා දානවා.”+
15 “ඊශ්‍රායෙල්වරුනි, දුර ඈත ඉන්න ජාතියක් මම ඔබට විරුද්ධව එවනවා”+ කියලා යෙහෝවා කියනවා.
“ඔවුන් කාලයක් තිස්සේ ඉන්න ජාතියක්.
16 ඔවුන්ගේ ඊකොපුව ඇරිලා තියෙන මිනී වළක් වගෙයි.
ඔවුන් හැමෝම යුධ දක්ෂයෝ.
17 ඔවුන් ඔබේ අස්වැන්නත් ඔබේ රොටිත් කාලා දානවා.+
ඔබේ දූපුතුන්ව මරලා දානවා.
ඔබේ එළු බැටළු සහ ගව රැළවල් විනාශ කරලා දානවා.
ඔබේ මිදිවැල් සහ අත්තික්කා ගස් නාස්ති කරලා දානවා.
ඔබ විශ්වාසය තියපු, පවුරුවලින් වට වුණ නගර ඔවුන් කඩුවෙන් විනාශ කරලා දානවා.”
18 “ඒත් ඒ කාලේදී පවා මම ඔබව සම්පූර්ණයෙන්ම විනාශ කරන්නේ නැහැ”+ කියලා යෙහෝවා කියනවා. 19 “‘අපේ දෙවි වන යෙහෝවා මේ හැම දෙයක්ම අපිට කළේ ඇයි’ කියලා ඔවුන් ඇහුවාම ඔයා ඔවුන්ට මෙහෙම උත්තර දෙන්න. ‘ඔබේ දේශයේ ඉද්දී වෙනත් දෙවිවරුන්ට සේවය කරන්න ඔබ මාව අතහැරලා ගියා. ඒ නිසයි ඔබට අයිති නැති දේශයකදී විදේශිකයන්ට සේවය කරන්න ඔබට සිද්ධ වෙන්නේ.’”+
20 යාකොබ්ගෙන් පැවතෙන අයට මේ ගැන දැනුම් දෙන්න.
යූදාවලදී මේ ගැන ප්‍රකාශ කරන්න.
21 “කිසි දෙයක් තේරුම්ගන්නේ නැති, මෝඩ සෙනඟෙනි,*+ ඇහුම්කන් දෙන්න.
22 ‘ඔබට මං ගැන ගරුබියක් නැද්ද’ කියලා යෙහෝවා අහනවා.
‘ඔබ මං ඉස්සරහා බයෙන් වෙවුලන්න ඕනෙ නැද්ද?
මම තමයි මුහුදට මායිමක් විදිහට වෙරළ තිබ්බේ.
ඒ මායිම පහු කරගෙන යන්න මුහුදට අවසර නැහැ.
මුහුදු රළ කොච්චර දරුණු වුණත්
කොච්චර ඝෝෂාවක් නැඟුවත් ඒ මායිම පහු කරගෙන යන්න ඒකට බැහැ.+
23 ඒත් මේ සෙනඟ හරිම මුරණ්ඩුයි. ඔවුන්ට තියෙන්නේ කැරලිකාර හිතක්.
ඔවුන් මගෙන් ඈත් වෙලා ගිහින් ඔවුන්ට කැමති කැමති දේ කරනවා.+
24 “නියම කාලෙට වැසි ලබා දෙන,
සරත් කාලේදී වගේම වසන්ත කාලේදී වැසි ලබා දෙන තැනැත්තාට,
අස්වැන්න නෙළන්න කාලය* නියම කරන තැනැත්තාට,+
අපේ දෙවි වන යෙහෝවාට දැන් අපි ගරුබිය පෙන්නමු”
කියලා ඔවුන්ට හිතුණෙවත් නැහැ.
25 මේ ආශීර්වාද ඔබට ලැබෙන්නේ නැත්තේ ඔබේම වැරදි නිසයි.
ඔබට හොඳ දේවල් අහිමි වුණේ ඔබේම පව්කාර වැඩ නිසයි.+
26 මගේ සෙනඟ අතරේ දුෂ්ට මිනිස්සු ඉන්නවා.
ඔවුන් හැංගිලා බලාගෙන ඉන්න කුරුලු දඩයක්කරුවන් වගෙයි.
ඔවුන් අටවන්නේ මර උගුල්.
ඔවුන් අල්ලගන්නේ මිනිස්සුන්වයි.
27 කුරුලු කූඩුවක් කුරුල්ලන්ගෙන් පිරිලා තියෙනවා වගේ,
ඔවුන්ගේ ගෙවල් වංචාවෙන් ලබාගත්ත දේවලින් පිරිලා තියෙනවා.+
ඔවුන් බලපුළුවන්කාර, පොහොසත් අය වෙලා තියෙන්නේ ඒ නිසයි.
28 ඔවුන් හොඳට මහත් වෙලා. හමත් පැහැපත් වෙලා.
ඔවුන් දුෂ්ටකමින් පිරිලා ඉතිරිලා ගිහින්.
ඔවුන්ගේ වාසියට
ඔවුන් පියා නැති දරුවන්ගේ නඩුව පැත්තකට දානවා.+
දුප්පත් අයට යුක්තිය ඉටු කරන්නෙත් නැහැ.’”+
29 “ඔවුන් කරන ඒ දේවලට ඔවුන් මට වග කියන්න ඕනෙ නැද්ද” කියලා යෙහෝවා අහනවා.
“ඒ වගේ ජාතියකට මං දඬුවම් නොකර ඉන්නේ කොහොමද?
30 දේශයේ හරිම පහත්, පිළිකුල් දෙයක් වෙලා තියෙනවා.
මගේ සෙනඟ ඒ දේවලට හරිම කැමතියි.+
ඒත් අවසානය ආවාම ඔබ මොනවාද කරන්න යන්නේ?”