නෙහෙමියා

11 ඒ වෙද්දී ජනයා අතරේ හිටිය අධිපතීන් ජීවත් වුණේ ශුද්ධ නුවර වන යෙරුසලමේ.+ එයාලා ඇරෙන්න ඒ නුවරේ පදිංචි වෙන්න ඕනෙ කවුද කියලා තීරණය කරන්න දාදු දැම්මා.+ ඒ විදිහට සෙනඟ අතරේ හිටිය පවුල් දහයකින් එක පවුලක් ගාණේ යෙරුසලමේ පදිංචියට ආවා. ඉතුරු පවුල් නමය ජීවත් වුණේ වෙනත් නගරවල. 2 ඒ වගේම යෙරුසලමේ පදිංචි වෙන්න කැමැත්තෙන්ම ඉදිරිපත් වුණ පුරුෂයන් හැමෝටම සෙනඟ ප්‍රශංසා කළා.

3 යෙරුසලමේ පදිංචි වෙලා හිටපු යූදා පළාතේ ප්‍රධානීන් මේ අයයි. (ඊශ්‍රායෙල්වරුන් අතරින් ඉතුරු අය, පූජකයන්, ලෙවීවරුන්, දේවමාලිගාවේ සේවකයන්*+ සහ සලමොන්ගේ සේවකයන්ගේ පුතුන්+ පදිංචි වෙලා හිටියේ යූදා පළාතේ වෙනත් නගරවලයි. එයාලා තම තමන්ගේ නගරවල තමන්ට අයිති ඉඩම්වල පදිංචි වෙලා හිටියා.+

4 යූදා ගෝත්‍රයට අයිති සමහරදෙනෙකුත් බෙන්ජමින් ගෝත්‍රයට අයිති සමහරදෙනෙකුත් යෙරුසලමේ පදිංචි වෙලා හිටියා.) එහේ පදිංචි වෙලා හිටපු යූදා ගෝත්‍රයට අයිති අයගෙන් කෙනෙක් තමයි අතායා. අතායාගේ පියා උසියා. උසියාගේ පියා සෙකරියා. සෙකරියාගේ පියා අමරියා. අමරියාගේ පියා ෂෙපටියා. ෂෙපටියාගේ පියා පේරෙස්ගේ+ පෙළපතින් ආපු මහලලෙල්. 5 මයසේයාත් එහේ පදිංචි වෙලා හිටියා. මයසේයාගේ පියා බාරුක්. බාරුක්ගේ පියා කොල්හෝසෙ. කොල්හෝසෙගේ පියා හසායා. හසායාගේ පියා අදායා. අදායාගේ පියා යෝයාරීබ්. යෝයාරීබ්ගේ පියා ෂේලාගේ පෙළපතින් ආපු සෙකරියා. 6 මේ අනුව යෙරුසලමේ පදිංචි වෙලා හිටපු පේරෙස්ගෙන් පැවත ආපු පුරුෂයන්ගේ ගාණ 468යි. එයාලා හැමෝම සටනට දක්ෂ පුරුෂයන්.

7 බෙන්ජමින් ගෝත්‍රයට අයිති පවුල්වල අයගේ විස්තර මේවායි. සල්ලු+ එහේ හිටපු අයගෙන් කෙනෙක්. සල්ලුගේ පියා මෙෂල්ලම්. මෙෂල්ලම්ගේ පියා යෝවෙද්. යෝවෙද්ගේ පියා පෙදායා. පෙදායාගේ පියා කොලායා. කොලායාගේ පියා මයසේයා. මයසේයාගේ පියා ඉතියෙල්. ඉතියෙල්ගේ පියා යෙෂායා. 8 ඒ වගේම ගබ්බයි සහ සල්ලයි එහේ හිටියා. එහේ හිටපු පුරුෂයන්ගේ ගාණ 928යි. 9 එයාලාගේ ප්‍රධානියා විදිහට වැඩ කළේ ෂික්රීගේ පුතා වුණ යෝවෙල්. එයාගේ දෙවෙනියා විදිහට හිටියේ හස්සෙනුවාගේ පුතා වුණ යූදා.

10 පූජකයන් අතරේ යෝයාරීබ්ගේ පුතා වුණ යෙදායා සහ යාකින්+ හිටියා. 11 සැබෑ දෙවියන්ගේ ගෘහයේ* අධිපතියෙක් වුණ අහිතුබ්ගේ+ පෙළපතින් ආපු හිල්කියාගේ පුත් සෙරායාත් හිටියා. හිල්කියා මෙෂල්ලම්ගේ පුතා. මෙෂල්ලම් සාදොක්ගේ පුතා. සාදොක් මෙරායොත්ගේ පුතා. මෙරායොත් අහිතුබ්ගේ පුතා. 12 දෙවියන්ගේ ගෘහයේ සේවය කරමින් හිටපු එයාලාගේ සහෝදරයොත් එහේ හිටියා. ඒ අයගේ මුළු ගාණ 822යි. යෙරොහාම්ගේ පුතා වුණ අදායාත් එහේ හිටියා. යෙරොහාම් පෙලලියාගේ පුතා. පෙලලියා අම්ෂීගේ පුතා. අම්ෂී සෙකරියාගේ පුතා. සෙකරියා පෂ්හූර්ගේ+ පුතා. පෂ්හූර් මල්කියාගේ පුතා. 13 පෙළපත්වල ප්‍රධානීන් වුණ අදායාගේ සහෝදරයොත් එහේ හිටියා. ඒ අයගේ මුළු ගාණ 242යි. අෂරෙල්ගේ පුතෙක් වුණ අමෂ්සායිත් එහේ හිටියා. අෂරෙල් ආසයිගේ පුතා. ආසයි මෙෂිල්ලෙමොත්ගේ පුතා. මෙෂිල්ලෙමොත් ඉම්මේර්ගේ පුතා. 14 එඩිතර, බලසම්පන්න පුරුෂයන් වුණ එයාලාගේ සහෝදරයොත් එහේ හිටියා. ඒ අයගේ මුළු ගාණ 128යි. එයාලාගේ ප්‍රධානියා විදිහට වැඩ කළේ ප්‍රසිද්ධ පවුලක කෙනෙක් වුණ සබ්දියෙල්.

15 ලෙවීවරුන් අතරින් බුන්නීගේ පෙළපතින් ආපු ෂෙමායාත්+ එහේ හිටියා. ෂෙමායාගේ පියා හෂ්ෂුබ්. හෂ්ෂුබ්ගේ පියා අෂ්‍රිකාම්. අෂ්‍රිකාම්ගේ පියා හෂබියා. හෂබියාගේ පියා බුන්නී. 16 ඒ වගේම ලෙවීවරුන් අතරේ ප්‍රධානීන් වුණ ෂබ්බෙතයි+ සහ යෝෂාබාද්+ එහේ හිටියා. සැබෑ දෙවියන්ගේ ගෘහය අවට කරන වැඩ භාරව හිටියේ එයාලා. 17 ආසාෆ්ගේ පෙළපතින් ආපු මත්තනියාත්+ එහේ හිටියා. ආසාෆ්ගේ+ පුතෙක් වුණ සබ්දීගේ පුත් මීකා මත්තනියාගේ පියා. ප්‍රශංසා ගී ගයන කණ්ඩායම මෙහෙයවපු මත්තනියා යාච්ඤා කරන අවස්ථාවලදී පෙරමුණ අරන් ප්‍රශංසා ගී ගායනා කළා.+ එයාගේ දෙවෙනියා විදිහට වැඩ කරපු බක්බුකියා සහ යෙදූතුන්ගේ පෙළපතින් ආපු අබ්දාත් එහේ හිටියා. අබ්දා ෂම්මුවාගේ පුතා. ෂම්මුවා ගාලාල්ගේ පුතා. ගාලාල් යෙදූතුන්ගේ+ පුතා. 18 ශුද්ධ නුවරේ පදිංචි වුණ ලෙවීවරුන්ගේ මුළු ගාණ 284යි.

19 දොරටු පාලකයන් වුණ අක්කුබ්, ටල්මොන්+ සහ දොරටුවල මුර සේවය සඳහා යොදවපු එයාලාගේ සහෝදරයොත් එහේ හිටියා. ඒ අයගේ මුළු ගාණ 172යි.

20 පූජකයෝ, ලෙවීවරු සහ ඊශ්‍රායෙල්වරුන් අතරින් ඉතුරු අය යූදා දේශයේ අනිත් නගරවල තම තමන්ට උරුම වුණ ඉඩම්වල පදිංචි වෙලා හිටියා. 21 දේවමාලිගාවේ සේවකයන්*+ පදිංචි වෙලා හිටියේ ඕෆෙල්වල.+ එයාලාගේ අධිපතීන් විදිහට වැඩ කළේ ෂීහා සහ ගිෂ්පා.

22 යෙරුසලමේ ජීවත් වුණ ලෙවීවරුන් හිටියේ උස්සිගේ යටතේ. උස්සිගේ පියා බානි. බානිගේ පියා හෂබියා. හෂබියාගේ පියා මත්තනියා.+ මත්තනියාගේ පියා මිකා. උස්සි ආවේ ගායකයන් වුණ ආසාෆ්ගේ පෙළපතින්. සැබෑ දෙවියන්ගේ ගෘහයේ කරන සේවාවන් භාරව හිටියේ උස්සි. 23 ගායකයන්ට එදිනෙදා ඕනෙ කරන දේවල් සපයන්න නිශ්චිත සැලසුමක් යොදන්න කියලා රජුගෙන් නියෝගයක්+ නිකුත් වෙලා තිබුණා. 24 පෙතහියා සේවය කළේ රජුගේ උපදේශකයෙක් විදිහට. එයා ජනයාට ඇති වුණ ප්‍රශ්න විසඳන්න රජුට උදව් කළා. යූදාගේ පුතා වුණ සේරාගේ පුතෙක් වුණ මෙෂෙෂබෙල් පෙතහියාගේ පියා.

25 කෙත්වතු අවට තිබුණ ගම්මානවල පදිංචි වුණ අයගේ විස්තර මේවායි. යූදා ගෝත්‍රයේ සමහරදෙනෙක් කිර්යත්අර්බා+ සහ ඒ අවට තියෙන කුඩා නගරවලත් දීබොන් සහ ඒ අවට තියෙන කුඩා නගරවලත් යෙකබ්සෙයෙල්+ සහ ඒ අවට තියෙන ගම්මානවලත් ජීවත් වුණා. 26 එයාලා යේෂුවා, මොලාදා,+ බෙත්පෙලෙත්,+ 27 හෂර්ෂුවාල්,+ බෙයර්ෂෙබා සහ ඒ අවට තියෙන කුඩා නගරවලත් ජීවත් වුණා. 28 එයාලා ෂික්ලග්,+ මෙකොනා සහ ඒ අවට තියෙන කුඩා නගරවලත් 29 ඒන්රිම්මෝන්,+ ෂොරා+ සහ යාමුත් කියන නගරවලත් 30 ෂානොවා,+ අදුල්ලාම් සහ ඒ අවට තියෙන ගම්මානවලත් ලාකිෂ්+ සහ ඒ අවට තියෙන කෙත්වතුවලත් අෂේකා+ සහ ඒ අවට තියෙන කුඩා නගරවලත් ජීවත් වුණා. එයාලා බෙයර්ෂෙබා ඉඳන් හින්නොම් නිම්නය+ වෙන කල් තියෙන ප්‍රදේශයෙත් පදිංචි වුණා.*

31 බෙන්ජමින් ගෝත්‍රයේ අය ගෙබා,+ මික්මාෂ්, අයියා, බෙතෙල්+ සහ ඒ අවට තියෙන කුඩා නගරවලත් 32 අනාතොත්,+ නොබ්,+ අනනියා, 33 හාෂොර්, රාමා,+ ගිත්තායිම්, 34 හාදිද්, ෂෙබෝයිම්, නෙබල්ලට් සහ 35 ලොද් කියන නගරවලත් කර්මාන්තකරුවන් ජීවත් වුණ ඕනෝ+ කියන නිම්නයෙත්* පදිංචි වුණා. 36 යූදා ගෝත්‍රයට අයිති වෙලා තිබුණ ප්‍රදේශයේ ජීවත් වුණ ලෙවීවරුන්ගෙන් කීපදෙනෙක්ට බෙන්ජමින් ගෝත්‍රයට අයිති ප්‍රදේශයට ගිහින් පදිංචි වෙන්න කියලා කිව්වා.