‘ඔබේ වැඩවලින් සමාජයට ප්‍රයෝජන ලැබෙන්නේ කොහොමද?’
මෙය ඉන්දියානු පත්‍ර කලාවේදියෙක් වූ චන්ද්‍රකාන්ත් පටෙල්, නියූ යෝක් බෘක්ලින්හි යෙහෝවාගේ සාක්ෂිකරුවන්ගේ ලෝක මූලස්ථානයේ කාර්යමණ්ඩලයේ සාමාජිකයෙකුගෙන් ඇසූ ප්‍රශ්නයයි. පටෙල් මහතා එම ගොඩනැඟිලි පහසුකම් බැලීමට පැමිණ තිබූ අතර, ඔහු ඇසූ දුටු දෙයින් ඔහුගේ සිත කෙතරම් පෙලඹී ගියාද කිවහොත් නැවත ඉන්දියාවට ගියායින් පසුව, ඔහු ගුජරාටි-භාෂා පුවත්පතකට ලිපියක් ලිව්වා.
පටෙල් මහතා, යෙහෝවාගේ සාක්ෂිකරුවන්ගේ විශ්වාසයන් හා ඉන්දියාවේ පල්ලි සංවිධානවල විශ්වාසයන් අතර වෙනස පෙන්නුවා. පල්ලිවල පොදුවේ උගන්වන ත්‍රිත්ව ධර්මයට වෙනස්ව යෙහෝවාගේ සාක්ෂිකරුවන් සර්වබලධාරි දෙවි වූ යෙහෝවා කෙරෙහි විශ්වාස කරන බවත්, නමස්කාරයේදී ඔවුන් රූප භාවිත නොකරන බවත් ඔහු ලිව්වා. කාමමිථ්‍යාචාරය, ගබ්සාව හා අසල්වැසියෙකුව මැරීම හෝ ඔහුට වෛර කිරීම සම්බන්ධයෙන් බයිබලයේ දී තිබෙන ක්‍රිස්තියානි සාරධර්මවලට ස්ථිරයෙන්ම ඇලී සිටින නිසා යෙහෝවාගේ සාක්ෂිකරුවන්ට උසස් ප්‍රතිපත්ති තිබෙන බව ඔහු ප්‍රකාශ කළා. සාක්ෂිකරුවන් සාමකාමී, ප්‍රේමනීය, බොහෝ ඉවසිලිවන්ත මෙන්ම වැඩ කිරීමට කැමති, එමෙන්ම අන්‍යයන් වෙත බයිබලයේ පණිවිඩය පැතිරවීමට නිර්භීත මෙන්ම ජ්වලිත අය කියා ඔහු විස්තර කළා.
‘ඔබේ වැඩවලින් සමාජයට ප්‍රයෝජන ලැබෙන්නේ කොහොමද?’ කියා ඉන්දියාවේ පත්‍ර කලාවේදියා නැඟූ ප්‍රශ්නයට ඔහුට ලැබුණේ කුමන උත්තරයක්ද? ඔහු මෙසේ ලිව්වා: ‘ජීවිතයේ හැම පැත්තකදීම බයිබල් අධ්‍යාපනය ප්‍රයෝජනවත් කියන එකයි උත්තරය වුණේ.’ පටෙල් මහතාට විශේෂයෙන්ම දැනගැනීමට වුවමනා වුණේ සනීපාරක්ෂාව හා රැකියා ක්ෂේත්‍රයන් සම්බන්ධයෙනුයි. ඔහුට කළ පැහැදිලි කිරීමෙන් කොටසක් සඳහන් කරමින් ඔහු මෙසේ වාර්තා කළා: ‘පුද්ගලයෙක් දුම්පානය හා මත්ද්‍රව්‍ය වැනි හානිකර ද්‍රව්‍යවලින් වැළකීමට දී ඇති ශුද්ධ ලියවිලිමය අවවාදය අනුගමනය කරමින්, පිරිසිදු ජීවිතයක් ගත කරනවා නම්, ඔහුට නොයෙක් රෝග වැළඳීමෙන් ආරක්ෂා විය හැකියි. එමෙන්ම වෙහෙසී වැඩ කරන, පවිත්‍ර ජීවිතයක් ගත කරන, අවංක පුද්ගලයන්ට රැකියා ලැබීමට තිබෙන ඉඩ කඩ වැඩියි. එපමණක් නොව, කරුණාවන්ත හා ප්‍රේමනීය ආකාරයකින් ගැටලු විසඳාගැනීමෙන් අන්‍යයන් සමඟ සාමකාමී සබඳතාවන් පවත්වාගැනීමට හැකි වෙනවා. ඒ නිසා බයිබලයේ පවසන දේ ජනයාට ඉගැන්වීම, සමාජයේ ප්‍රයෝජනය සඳහා වැඩ කරයි.’
යෙහෝවාගේ සාක්ෂිකරුවන්ගේ ලෝක මූලස්ථානයෙහි බයිබල් ඉගැන්වීම් ක්‍රියාත්මක වෙනවා මෙම පත්‍ර කලාවේදියා දැක්කා. ආත්මික ක්‍රියාකාරකමේ මධ්‍යස්ථානයෙහි කැප වූ ස්වේච්ඡා සේවකයන්ගේ පවිත්‍රකම හා ප්‍රීතිමත්භාවය සම්බන්ධයෙන් ඔහුගේ ලිපිය සතුට පළ කළා. බයිබල් ඉගැන්වීම්වලින් ඔබටත් ප්‍රයෝජන ගත හැකියි. කෙසේද කියා පෙන්වීමට යෙහෝවාගේ සාක්ෂිකරුවන් සතුටු වනු ඇත.
[31වන පිටුවේ පින්තූරයේ හිමිකම් විස්තර]
පුවත්පත් පසුබිම: Courtesy Naya Padkar, Gujarati Daily published from Anand, India