අඳුර බිඳින ලන්තෑරුම

පුංචි කණාමැදිරියාට මෙතරම් ආලෝකයක් විහිදන්න පුළුවන් වෙලා තියෙන්නේ කොහොමද? එක් කණාමැදිරි විශේෂයකට (Photuris) දීප්තිමත් ආලෝකයක් විහිදන්න පුළුවන් වෙලා තියෙන්නේ උගේ යටිබඩේ තියෙන පහනේ ආවරණය හැදිලා තියෙන විදිහ නිසයි කියලා හොයාගෙන තියෙනවා.a

මේ ගැන සිතන්න: මේ කණාමැදිරියාගේ ආලෝකය නිකුත් වෙන ප්‍රදේශය හැදිලා තියෙන්නේ ඉතා කුඩා කොරපොතුවලින්. ඒවා පිහිටලා තියෙන්නේ වහලයක උළු අතුරා තියෙන විදිහටයි. ඒ වගේම ඒවා අපේ කෙස් ගසක ප්‍රමාණයෙන් විස්සෙන් එකක් තරම් සුළු ප්‍රමාණයකින් ඇල වෙලයි තියෙන්නේ. ඒ ඇලය නිසා කොරපොතු කෙළින් පිහිටලා තියෙද්දී ලැබෙන දීප්තියට වඩා සියයට 50ක වැඩි දීප්තියක් විහිදන්න ඌට පුළුවන් වෙලා තියෙනවා.

කණාමැදිරියාගේ පහනේ ආවරණය අනුකරණය කර LED බල්බවල දීප්තිය වැඩි කිරීමට හැකි වෙයිද කියා විද්‍යාඥයන් සොයා බැලුවා. ඒ සඳහා ඔවුන් කණාමැදිරියාගේ පහනේ ආවරණය හැදිලා තියෙන ආකාරයට LED බල්බයක පිටත ආවරණය සකස් කළා. එවිට සාමාන්‍යයට වඩා සියයට 55ක වැඩි දීප්තියක් එයින් ලැබුණා. ඒ ගැන භෞතික විද්‍යාඥවරියක් වන ඇනික් බේ පැවසුවේ “මේ සොයා ගැනීමෙන් පැහැදිලි වුණේ අවට පරිසරයෙන් අපිට ඉගෙනගන්න කොතරම් දේවල් තියෙනවාද” කියලයි.

ඔබේ නිගමනය කුමක්ද? කණාමැදිරියාට මේ දීප්තිමත් පහන ලැබුණේ අහම්බෙන්ද නැත්නම් එය නිර්මාණයක්ද?