යෙහෝවඃවහන්සේගේ සාක්ෂිකරුවන්ගේ දිස්ත්‍රික් සමුළුව “ප්‍රීතිමත් ප්‍රශංසාකරන්නෝ”
බයිබල් උපදෙස්වලින් යුත් විපාකදායී දින තුනක් ඔබ දෙස බලා සිටී. ශ්‍රී ලංකාව පුරා මෙම සමුළු හයක් පැවැත්වීමට සැලසුම් කරනු ලැබ ඇති බැවින්, ඔබ ජීවත්වන ස්ථානයට නුදුරින් මෙම එක් සමුළුවක් පැවැත්වීමට ඉඩ කඩ තිබේ. සිකුරාදා දින පෙ.ව. 9:40ට සංගීතය සමඟින් මෙම වැඩසටහන ආරම්භ වන විට එහි පැමිණ සිටින්න.
සිකුරාදා උදෑසන වැඩසටහනෙහි, පිළිගැනීම සහ “ලෝක ව්‍යාප්ත ප්‍රීතිමත් ප්‍රශංසාකරුවන් ලෙස වෙන් වී සිටින්න” යන තේමාවෙන් යුත් මූලික කතාව කැපීපෙනෙනවා ඇත. පස්වරු වැඩසටහන, යෞවනයන්, දෙමාපියන් සහ අධ්‍යාපනය කෙරෙහි අවධානය යොමු කෙරෙනු ඇත. “මා විවාහ වීමට සූදානම්ද?” යන්න, යෞවනයන්ට අතපසු කිරීමට වුවමනා නොවන කතාවක් වනු ඇත. “තම දරුවන් තුළ සතුට ලබන දෙමාපියෝ” යන මැයෙන් යුත් කතාවට දෙමාපියන් සාවධානව සවන් දිය යුතුය. පස්වරු වැඩසටහන අවසන් වනු ඇත්තේ, “අධ්‍යාපනය—යෙහෝවඃවහන්සේට ප්‍රශංසා කිරීමට එය යොදාගන්න” යන කතාව සමඟින්ය. සාකච්ඡා කරනු ලබන දෙය, යෞවනයන්ට සාර්ථකව පාසැලේදී ක්‍රියා කිරීමට උපකාර කළ යුතුය.
සෙනසුරාදා වැඩසටහනේ බව්තීස්මය විශේෂාංගයක් වනු ඇති අතර, බව්තීස්මය සඳහා සුදුසුකම් ලැබ සිටින අයට මින් ප්‍රස්තාවක් උදා කරනවා ඇත. මුල් කාලවල පටන් ජනයා උගුලට දැමීමට, සාතන් විසින් ලිංගික තෘෂ්ණාව යොදා ගෙන තිබෙන ආකාරය පිළිබඳව ඍජු සාකච්ඡාවක් තිබෙනු ඇත. “යක්ෂයාගේ මලපත්වලින් වැළකෙන්න” යන මැයෙන් ප්‍රබල අනුශාසනාවක්ද තිබෙනවා ඇත. මෙම දවසේ වැඩසටහන අවසන් වනු ඇත්තේ, “මිනිස්වර්ගයාට දෙවියන්වහන්සේ පිළිබඳ දැනුම අවශ්‍ය වීමට හේතුව” යන වැදගත් කතාවත් සමඟය.
ඉරිදා උදෑසන, “මෙම පිළිවෙළේ අවසානය තුළ ප්‍රීතිමත් ප්‍රශංසාකරන්නෝ” යන මැයෙන් යුත් කතා මාලාව, අප ඉදිරියේ කෙළින්ම තිබෙන, ලෝකය කම්පනය කරවන සිදුවීම්වලට අවධානය යොමු කරවනවා ඇත. මතෙව් 24:21හි වාර්තා වී ඇති අන්දමට, යේසුස් ක්‍රිස්තුස්වහන්සේ කතා කළ, ‘මහත් පීඩාවේ’ ආරම්භය ඉදිරිපිටින්, ආරක්ෂා සහිතව පලා යෑමේ හදිසිතාව කාවද්දවනු ඇත.
ඉරිදා උදෑසන වැඩසටහන, අවසන් වනු ඇත්තේ, “මහළුවියේ සුදුස්සන්ට ගෞරව කිරීම”යන වැදගත් නාට්‍යයත් සමඟය. අනතුරුව, “සදාකාල රාජාණන්ට ප්‍රශංසාකරන්න!” යන ප්‍රසිද්ධ කථාව ඉදිරිපත් කෙරෙනවා ඇත. එය සමුළුවේ ප්‍රධාන උච්චාවස්ථාව වනවා ඇත.
පැමිණීමට දැන්ම සැලසුම් කරන්න. ඔබගේ නිවසට ළඟම ස්ථානය දැනගැනීම සඳහා, යෙහෝවඃවහන්සේගේ සාක්ෂිකරුවන්ගේ ප්‍රාදේශීය රාජ්‍ය ශාලාවට යන්න, නැතහොත්, මෙම සඟරාවේ ප්‍රකාශකයන්ට ලියන්න. වර්ෂ 1995 පෙබරවාරි 15 දා මුරටැඹ කලාපයේ, ශ්‍රී ලංකාවේ මෙම සමුළු පැවැත්වෙන ස්ථාන සඳහන් වේ.