“දේවවචනය කෙරෙහි ඇදහිල්ල” දිස්ත්‍රික් සමුළුවට එන්න!
ලොව පුරා ස්ථාන සිය ගණනකට මිලියන සංඛ්‍යාත ජනකායක් පැමිණ සිටීවි. එක්සත් ජනපදයේ විතරක්, සමුළු 193ක් පවත්වන්න සැලසුම් යොදලා තියෙනවා. මුල්ම එක මැයි 23-25 සහ අන්තිම එක සැප්තැම්බර් 12-14. සිකුරාදා සිට ඉරිදා දක්වා පැවැත්වෙන මේ දවස් තුනේ එක්රැස්වීම්වලින් එකක් ඔබේ නිවසට නුදුරු ස්ථානයක පවත්වන්න ඉඩ තිබෙනවා.
ඉදිරිපත් කෙරෙන ප්‍රායෝගික බයිබල් උපදෙස් නිධානයකින් ඔබ ප්‍රයෝජනය ලබාගනීවි. ස්ථානවලින් වැඩිහරියක හැම දවසකම උදේ 9:30ට වැඩසටහන ඇරඹෙයි. දේවවචනය කෙරෙහි ඇදහිල්ල තැබීමෙන් තමන්ගේ ජීවිතවලට විශාල බලපෑමක් ඇති වී තිබෙන අය සමඟ සිකුරාදා උදේ විනාඩි 25කට සම්මුඛ සාකච්ඡා පැවැත්වෙයි. ඒ මුල් සැසිවාරය අවසන් වෙන්නේ “පෙනීමෙන් නොව ඇදහිල්ලෙන් ගමන් කිරීම” නමැති මූලික ඇමතුමෙන්.
සිකුරාදා දවල් මුල්ම කතාවේදී, යෞවනයන්ට ක්‍රිස්තියානි සභාවේ තිබෙන අතිවැදගත් කොටස සම්බන්ධයෙන් සලකා බලයි. ඉන්පසු කොටස්-තුනකින් යුත් කතා මාලාව, කතාවේදී සහ ආචාර විධිවලදී මෙන්ම පෞද්ගලික පෙනුමේදී ක්‍රිස්තියානි හැසිරීමට බයිබල් ප්‍රමිති සම්බන්ධ වෙන ආකාරය සාකච්ඡා කරයි. “ඇදහිල්ලේ ඌනතාවට එරෙහිව පරෙස්සම් වන්න” සහ “දේවවචනය ජීවමානය” යන ඊළඟ කතා හෙබ්‍රෙව් 3 සහ 4වන පරිච්ඡේදවල කදිම උපදෙස් වෙත යොමු දක්වයි. “සියලුම ජනයා සඳහා පොතක්” යන අනුශාසනාවෙන් සිකුරාදා වැඩසටහන අවසන් වෙයි.
සෙනසුරාදා උදෑසන මුල්ම කතාව “ක්‍රියා නැති ඇදහිල්ල මැරිලාය” යන්නයි. එම උදෑසන තිබෙන්න යන “සත්‍යයෙහි මුල් ඇද ස්ථිර වන්න” යන තවත් වැදගත් අනුශාසනාවක් ආත්මික ප්‍රවර්ධනය ඉටු කරගත හැකි ආකාරය විස්තර කරයි. “දේවවචනය කෙරෙහි ඇදහිල්ල බව්තීස්මයට මඟ පාදයි” යන සාමාන්‍ය සමුළු අංගයකින් සැසිවාරය අවසන් කළායින් පසු, අලුත් ගෝලයන්ට බව්තීස්මය සඳහා ප්‍රස්තාව උදා වෙයි.
සෙනසුරාදා උදෑසන “ඇදහිල්ල උදෙසා දැඩි සටනක යෙදී සිටින්න” යන ආරම්භක කථාව බයිබලයේ යූද් පොතේ උපදෙස සාකච්ඡා කරයි. “යමු අපි යෙහෝවාගේ ගෘහයට” යන මැයෙන් යුත් පැයක කතා මාලාව ක්‍රිස්තියානි රැස්වීම්වල ප්‍රයෝජන සලකා බලයි. “ඔබේ ඇදහිල්ලේ ගුණය—දැන් පරීක්ෂා කෙරේ” යන අනුශාසනාවෙන් එදින වැඩසටහන අවසන් වෙයි.
ඉරිදා උදෑසන වැඩසටහන, අපේ කාලයට බයිබලයේ යෝවෙල් පොතේ අදාළ වීම ඇතුළත්ව, එම පොත විස්තර කෙරෙන කොටස්-තුනකින් යුත් කතා මාලාවක් ඉදිරිපත් කරයි. ඉන්පසුව තිබෙන්නේ “ඔබේ ඇස සරලව තබාගන්න” යන මැයෙන් යුත් බයිබල් නාට්‍යයක්. සමුළුවේ විශේෂාංගයක් වන්නේ “ඇදහිල්ල සහ ඔබේ අනාගතය” යන දිවා ප්‍රසිද්ධ ඇමතුමයි.
පැමිණී සිටීමෙන් ඔබ ආත්මිකව සඵල වන බවට නිසැකයි. හැම සැසිවාරයකටම ඔබව සාදරයෙන් පිළිගනු ලබයි. පැමිණීමට දැන්මම සැලසුම් යොදන්න. ඔබේ නිවසට ළඟම ස්ථානය දැනගන්න, ප්‍රදේශයේ තිබෙන යෙහෝවාගේ සාක්ෂිකරුවන්ගේ රාජ්‍ය ශාලාවෙන් විමසන්න; නැතහොත් මේ සඟරාවේ ප්‍රකාශකයන්ට ලියන්න.