පටුන

ඔයා දෙවිට පොරොන්දු කීයක් දීලා තියෙනවද? ඒවාට එකඟව ජීවත් වෙන්න ඔයා ලොකු වෑයමක් දරනවද? ඔයා කැප වෙද්දී නැත්නම් විවාහ වෙද්දී වුණ පොරොන්දුවලට එකඟව ජීවත් වෙනවද? දෙවිට වුණ පොරොන්දු ඒ විදිහටම ඉටු කරපු යෙප්තාගෙත් හන්නාගෙත් ආදර්ශ ගැන මේ ලිපියෙන් අපි බලනවා. අපි දෙවිට වුණ පොරොන්දු ඉටු කරන්න ඒ ආදර්ශ උදව් වෙයි.

මේ ලිපියෙන් අපි බලන්නේ මේ පොළොවෙන් දෙවි අයින් කරන දේවල් 4ක් ගැනයි. ඒවා අයින් කළාම පොළොව සාමකාමී, සතුට පිරුණ තැනක් වෙන්නේ කොහොමද කියලත් බලනවා. අපිට තියෙන විශ්වාසය, දිගටම විඳදරාගන්න අපිට තියෙන අධිෂ්ඨානය තව ශක්තිමත් කරගන්න ඒ තොරතුරු අපිට උදව් වෙයි.

අසාධාරණයක් වෙද්දී අපිට කොයි තරම් විශ්වාසයක් තියෙනවද, අපි කොයි තරම් නිහතමානීද, කොයි තරම් ළැදිද කියන දේ සෝදිසියට ලක් වෙන්න පුළුවන්. අතීතයේදී දෙවිගේ සෙනඟ අතරේ අසාධාරණකම් සිද්ධ වුණ අවස්ථා 3ක් ගැන අපි මේ ලිපි දෙකෙන් බලනවා. යෙහෝවා දෙවි වගේ යුක්තිගරුක කෙනෙක් වෙන්න ඒ උදාහරණ අපිට උදව් වෙයි.

යෙහෝවා දෙවිට අපෙන් කිසිම දෙයක් ඕනෙ නැහැ. ඒත් ඔහුගේ පාලනයට සහය වෙන්න අපි දරන වෑයම දකිද්දී ඔහු ඒ ගැන හුඟක් සතුටු වෙනවා. ඔහුට සේවය කරන්න අපි කැමැත්තෙන්ම ඉදිරිපත් වෙද්දී, ඔහුට කීකරු වෙද්දී දෙවි ඒක කොච්චර අගය කරනවද කියන දේ තේරුම්ගන්න උදව් වෙන සිද්ධියක් විනිශ්චයකරුවෝ 4වෙනි සහ 5වෙනි පරිච්ඡේදවලින් අපි බලනවා.