නිවේදන
◼ ජනවාරි මාසයේ ඉදිරිපත් කරන පොත් පත්: වර්ෂ 1987ට කලින් ප්‍රකාශයට පත් කරන ලද පිටු 192ක පොත් සභා පොත් පත් තොගයෙහි තිබේ නම්, ඒවා ඉදිරිපත් කළ හැකියි. Mankind’s Search for God නමැති පොත තිබෙනවා නම් එයද ඉදිරිපත් කළ හැකියි. පෙබරවාරි: එළිදරව්ව —එහි උදාර උච්චාවස්ථාව අත ළඟ ය! නමැති පොත හෝ සභා පොත් පත් තොගයේ තිබෙන පිටු 192ක ඕනෑම පැරණි පොතක්. මාර්තු: සදාකාල ජීවනයට මඟ පෙන්වන දැනුම. බයිබල් පාඩම් පටන්ගැනීමට විශේෂ වෑයමක් දරන්න. අප්‍රියෙල්: මුරටැඹ සහ පිබිදෙව්! සඟරා. නැවත බැලීම්වලදී උනන්දුව දක්වන අයට දායක ඉදිරිපත් කළ හැකියි. බයිබල් පාඩම් පටන්ගැනීමේ ඉලක්කය ඇතුව ඕනෑ කරන්නේ විවරණිකාව ඉදිරිපත් කරන්න.
◼ ජනවාරි 14න් පටන්ගන්නා සතියේ සේවා රැස්වීමට පැමිණ සිටින සියලුම බව්තීස්ම ලත් ප්‍රචාරකයන්ට පූර්ව වෛද්‍ය නියෝගය/මුදවා හැරීම නමැති කාඩ්පත් හා ඔවුන්ගේ දරුවන්ට හැඳුනුම්පත් ලබාගත හැකියි.
◼ මාර්තු 3වනදා පටන් චාරිකා අවේක්ෂක ඉදිරිපත් කරන ප්‍රසිද්ධ කතාවේ තේමාව වන්නේ “අන්තරාදායක ලෝකයක් තුළ සුරක්ෂිතභාවය සොයාගැනීම” යන්නයි.
◼ මේ අවුරුද්දේ මාර්තු 28වන බ්‍රහස්පතින්දා හිරු බැසයෑමෙන් පසුව සිහි කිරීමේ උත්සවය පැවැත්වීම සඳහා බාධාවකින් තොරව ක්‍රියාත්මක කළ හැකි විධිවිධාන සභාවන් යෙදිය යුතුයි. කතාව වේලාසනින් ආරම්භ කළ හැකි වුවත් සිහි කිරීමේ සංකේත අතිනත යැවීම හිරු බැස යන තෙක් සිදු නොකළ යුතුයි. ඔබේ ප්‍රදේශයේ හිරු බැස යන වේලාව දැනගැනීම සඳහා ඒ පිළිබඳව තොරතුරු සපයන ප්‍රාදේශීය මූලාශ්‍ර සෝදිසි කර බලන්න. සෑම සභාවක්ම සිහි කිරීමේ උත්සවය වෙන වෙනම පැවැත්වීම හොඳ දෙයක් වුවත් මෙය සැමවිටම කළ නොහැකි දෙයක් විය හැකියි. සභා කිහිපයක් එකම රාජ්‍ය ශාලාව පාවිච්චි කරන විට සභාවන් එකකට හෝ ඊට වැඩි ගණනකට සිහි කිරීමේ උත්සවය පැවැත්වීම සඳහා සමහරවිට වෙනත් ස්ථානයක් තෝරාගත හැකියි. එකම ශාලාවේ සිහි කිරීමේ උත්සව එකකට වැඩියෙන් පවත්වන විට හැකිකමක් තිබෙන ස්ථානවල වැඩසටහන් දෙක අතර අඩුම තරමින් විනාඩි 40කවත් කාල පරතරයක් තබාගන්න කියා යෝජනා කරන්න කැමැත්තෙමු. මෙසේ කිරීමෙන් අමුත්තන් සමඟ කතා බහ කිරීමට හා උනන්දුව දක්වන අලුත් අයව දිරිමත් කිරීමට කාලය ලැබේ. සිහි කිරීමට පැමිණෙන අයව ගෙන ඒම හා ආපසු ගෙන යෑම ඇතුළුව රථ වාහන හසුරුවන ආකාරය ගැනද සැලකිල්ල දැක්විය යුතුයි. තමන්ගේ සභාවට යෝග්‍යතම සැලසුම් මොනවාද කියා වැඩිමහල් මණ්ඩලය තීරණය කළ යුතුයි.
◼ වසර 2003 සිහි කිරීම පැවැත්වෙන්නේ අප්‍රියෙල් 16වන බදාදා හිරු බැසයෑමෙන් පසු බව කරුණාවෙන් සලකන්න. මෙය කල්තියාම දැනුම් දෙන්නේ, එකම රාජ්‍ය ශාලාව සභා කිහිපයක් භාවිත කරන විට වෙනත් ශාලා සොයාගැනීමටත්, ලබාගත හැකි ශාලාවන් සඳහා අවශ්‍ය වෙන් කරගැනීම් හෝ විමසා බැලීම් කිරීමටත් අවශ්‍ය නිසයි. සිහි කිරීමේ උත්සවය සාමකාමීව හා නිසි පිළිවෙළකට පවත්වාගෙන යෑමට හැකි වන පරිදි, වෙන් කරගනු ලබන ගොඩනැඟිල්ලේ සිදු වන වෙනත් කටයුතුවලින් කිසිම බාධාවක් ඇති නොවන බවට සහතික කරගැනීම සඳහා වැඩිමහල්ලන් කළමනාකාරිත්වය සමඟ එකඟත්වයකට පැමිණිය යුතුයි. මෙය ඉතා වැදගත් අවස්ථාවක් වන නිසා, සිහි කිරීමේ කතාව ඉදිරිපත් කිරීමට කථිකයෙකුව තෝරාගැනීමේදී සෑම වැඩිමහල්ලෙකුටම අවස්ථාවක් දීම අවශ්‍ය නැත. එමෙන්ම සෑම අවුරුද්දකම එකම සහෝදරයාව යොදාගැනීමත් අවශ්‍ය නැත. ඒ වෙනුවට වඩාත් සුදුසුකම් ලත් වැඩිමහල්ලෙකුව වැඩිමහල් මණ්ඩලය තෝරාගත යුතුයි. කතාව දීමට සමර්ථ ආලේප ලත් වැඩිමහල්ලෙක් සිටී නම්, කලින් සඳහන් යෝජනාව අදාළ වන්නේ නැත.
◼ වැඩිමහල්ලන්, සභා සේවකයන්, පුරෝගාමීන් හා ප්‍රචාරකයන්ගේ අවශ්‍යතාව වැඩි ප්‍රදේශ බොහොමයක් ශ්‍රී ලංකාවේ තිබේ. වෙනත් ප්‍රදේශයක පදිංචියට යා හැකි ආත්මිකව ශක්තිමත් අයට මේ ගැන තමන්ගේ සභාවේ වැඩිමහල්ලන් සමඟ සාකච්ඡා කර, තමන්ගේ කැමැත්ත ලිඛිතව සමිතියට දැන්විය හැකියි.
◼ යෙහෝවාගේ සාක්ෂිකරුවන් ගැනත් අපේ සංවිධානය ගැනත් කරුණු සොයන පර්යේෂකයන් හෝ වෙනත් අය අපේ සහෝදරයන්ගෙන් කරුණු විමසිය හැකියි. අපේ විශ්වාසයන් සහ ඉගැන්වීම් හා සම්බන්ධ ප්‍රශ්නවලට උත්තර සපයමින් සමීක්ෂණ පෝරම පිරවීමට ඉල්ලා සිටින විට, සහෝදරයන් කළ යුත්තේ මුලසුනභාර අවේක්ෂකගේ නම ඔවුන්ට ලබා දීමයි. එසේ තොරතුරු විමසන විට සුදුසු පරිදි ඒවාට පිළිතුරු සපයන්න වැඩිමහල්ලන්ට හැකියි.
◼ සමිතියෙන් සෑම මාසයකම මුලසුනභාර අවේක්ෂක වෙත එවන ප්‍රකාශය [Statement] ලැබීමෙන් පසු, සමිතියේ රාජ්‍ය ශාලා අරමුදල හා ලෝක ව්‍යාප්ත වැඩය සඳහා යවන ලද සම්මාදම් සමිතිය පිළිගෙන තිබෙන බව ඊළඟ ගිණුම් වාර්තාව සමඟ සභාවට දැනුම් දීමට ඔහු සැලැස්විය යුතුයි.
◼ චීන හා සරල කරන ලද චීන භාෂාවලින් අර්ධ මාසිකව ප්‍රකාශයට පත් කරන පිබිදෙව්! සඟරා ඉදිරියේදී ලබාගත හැක්කේ මාසික සඟරා ලෙසය.
◼ සිබෙම්බා භාෂාවෙන් මාසිකව ප්‍රකාශයට පත් කරන ලද පිබිදෙව්! ඉදිරියේදී ලබාගත හැක්කේ ත්‍රෛයිමාසික සඟරාවක් ලෙසය.
◼ ආමේනියන් භාෂාවෙන් අර්ධ මාසිකව ප්‍රකාශයට පත් කරන ලද මුරටැඹ ඉදිරියේදී ලබාගත හැක්කේ මාසිකවයි.
◼ වසර 2002 ජනවාරි කලාපවල පටන් මුරටැඹ (අර්ධ මාසිකව) හා පිබිදෙව්! (මාසිකව) පපියමෙන්ටෝ (කුරසියෝ) හා පපියමෙන්ටෝ (අරූබ) යන භාෂාවලින් ලබාගත හැකියි.
◼ වසර 2002 ජනවාරි කලාපයේ පටන් මුරටැඹ මාසික සඟරාවක් ලෙස මුරිෂන් භාෂාවෙන් ලබාගත හැකියි.
◼ 2002 ජනවාරි 1වනදා පටන් ක්‍රොඒෂන් හා නෝවීජියානු භාෂාවලින් මුරටැඹ සඟරාවේ ලොකු අකුරෙන් මුද්‍රිත සංස්කරණය ලබාගත හැකියි.
◼ සූලු භාෂාවෙන් ප්‍රකාශයට පත් කරන පිබිදෙව්! සඟරාව ඉදිරියේදී ලබාගත හැක්කේ මාසිකවයි.
◼ අලුතින් ලබාගත හැකි ප්‍රකාශන:
ශුද්ධ ලියවිලිවල නව ලෝක පරිවර්තනය —අෆ්‍රිකාන්ස්, චීන, සරල කරන ලද චීන