තවදුරටත් ශුභාරංචිය ගැන දැනගැනීමට ඔවුන්ට උපකාර කරන්න
1 අපි ශුභාරංචිය බෙදාහරින විට අපේ බලප්‍රදේශයේ නොසිටින හෝ සංඥා භාෂාව ඇතුළු වෙනත් භාෂා කතා කරන ජනයාව අපිට බොහෝවිට හමු වෙනවා. ඒ වගේම අප සමඟ සෑහෙන දුරකට බයිබලය ගැන සාකච්ඡා කර තිබෙන ඇතැම් අය වෙනත් බලප්‍රදේශයක පදිංචියට යෑමට ඉඩ තිබෙනවා. එවැනි අයට තවදුරටත් ශුභාරංචිය ගැන දැනගැනීම සඳහා සැලසුම් යෙදීමට අපට හැක්කේ කෙසේද? නැවත ගොස් බලන්න (S-43) පත්‍රිකාව යොදාගැනීමෙන් එසේ කළ හැකියි.
2 මව් භාෂාවෙන් ශුභාරංචිය අසන්න ලැබෙන විට ජනයා හොඳින් සවන් දෙනවා. (ක්‍රියා 22:1, 2) මේ නිසා බොහෝ අවස්ථාවලදී, වෙනත් භාෂාවක් කතා කරන කෙනෙක් අපිට හමු වන විට එම පුද්ගලයා රාජ්‍ය පණිවිඩය කෙරෙහි උනන්දුවක් නොදැක්වුවත් අප එම පත්‍රිකාව පිරවිය යුතුයි. කොහොමවුණත්, වෙනත් භාෂාවක් කතා කරන බොහෝ පිරිසක් සිටින ප්‍රදේශවල අයට ඔවුන්ගේම භාෂාවෙන් සාක්ෂි දරනවිට කවරෙකු හෝ උනන්දුවක් දැක්වුවොත් මිසක නැත්නම් එය පිරවීමට අවශ්‍ය නැහැ.
3 පත්‍රිකාව පිරවීම: පුද්ගලයාගේ නම, ලිපිනය සහ දුරකථන අංකය උපායශීලීව ලබාගැනීමට වෑයම් කරන්න. එම තැනැත්තා උනන්දුව දැක්වුවේ කෙතරම් දුරකටද, හමු විය හැකි වෙලාව, තැබූ හෝ ඉල්ලුම් කළ පොත් පත් සහ වැඩියෙන්ම තේරෙන භාෂාව සඳහන් කරන්න. පත්‍රිකාව පිරවූ පසු නොපමාව එය සභා ලේකම්ට භාර දෙන්න. ඔහු එය යෝග්‍ය සභාවට හෝ කණ්ඩායමට ලබා දෙයි.
4 පත්‍රිකාව භාර දීම: පත්‍රිකාව යැවිය යුත්තේ කුමන සභාවටද නැතහොත් කුමන කණ්ඩායමටද කියා ලේකම් දන්නේ නැත්නම් හෝ ලිපිනය නොදන්නේ නම් හෝ අවශ්‍ය තොරතුරු ලබාගැනීමට ශාඛා කාර්යාලයට දුරකථන ඇමතුමක් දෙන්න ඔහුට හැකියි.
5 සම්පූර්ණ කරන ලද නැවත ගොස් බලන්න පත්‍රිකාව සභාවකට හෝ කණ්ඩායමකට ලැබුණ විගස එම තැනැත්තාව හමුවීමට සැලසුම් යෙදිය යුතුයි. අපි අපේ කොටස උනන්දුවෙන් කරන විට යෙහෝවා “සදාකාල ජීවනය සඳහා නිසි නැඹුරුවාවක්” තිබෙන අයගේ හදවත් විවෘත කරනු ඇතැයි කියා අපට නිසැකකමක් තබාගත හැකියි.—ක්‍රියා 13:48.