යෙහෝවා දෙවියන්ට ආදරේ කරන අයව ඇසුරු කරන්න

යෙහෝවා දෙවියන්ට ආදරේ කරන අයව අපි ඇසුරු කරන්න ඕනෙ ඇයි? මොකද අපි ඇසුරු කරන අය අපේ හොඳට හරි නරකට හරි බලපානවා. (හිතෝ 13:20) උදාහරණෙකට උත්තම පූජක යෙහෝයාදාව ඇසුරු කරපු කාලය පුරාවටම යෙහෝයාෂ් රජ යෙහෝවා දෙවියන් කැමති දේ කළා. (2ලේක 24:2) ඒත් යෙහෝයාදා මැරුණාට පස්සේ යෙහෝයාෂ් නරක අයව ඇසුරු කරපු නිසා යෙහෝවා දෙවියන්ව අත්හැරියා.—2ලේක 24:17-19.

ක්‍රි.ව. පළමුවෙනි සියවසේදී පාවුල් ක්‍රිස්තියානි සභාව ‘විශාල නිවසකටත්’ සභාවේ සාමාජිකයන්ව ‘බඳුන්වලටත්’ සමාන කළා. දෙවියන් අකමැති දේවල් කරන අයව කිට්ටුවෙන් ඇසුරු කරන එකෙන් අපි වළකිනවා නම් දිගටම “ගෞරවනීය අරමුණක් උදෙසා” භාවිත කරන බඳුනක් වෙන්න අපිට පුළුවන්. දෙවියන් අකමැති දේවල් කරන අය අපේම පවුල තුළ වුණත් සභාව තුළ වුණත් ඉන්න පුළුවන්. (2තිමෝ 2:20, 21) ඒ නිසා යෙහෝවා දෙවියන්ට ආදරේ කරන, ඔහුට සේවය කරන්න අපිව දිරිගන්වන අයව හොයලා බලලා එයාලව විතරක් අපේ යාළුවන් කරගන්න අදිටන් කරගමු.

‘නරක ආශ්‍රයෙන් වැළකිලා ඉන්න පුරුදු වෙන්න’ කියන වීඩියෝ එක බලලා මේ ප්‍රශ්නවලට උත්තර දෙන්න.

• අපි නරක ආශ්‍රයට වැටෙන්න පුළුවන් කොහොමද?

• වීඩියෝ එකේ හිටිය අයට නරක ආශ්‍රයෙන් සම්පූර්ණයෙන්ම ඉවත් වෙන්න උදව් වුණේ මොනවාද?

• හොඳ යාළුවන්ව තෝරගන්න උදව් වෙන බයිබල් ප්‍රතිපත්ති මොනවාද?