යහපත් ක්‍රිස්තියානීන් වෙමු
සඟරා දෙන එක නවත්වන්න එපා
2018 ඉඳන් මුරටැඹ පොදු කලාපයේ සහ පිබිදෙව්! සඟරාවේ වෙනසක් වුණා. දැන් එක සඟරාවක පළ වෙන්නේ එක විෂයක් ගැන තොරතුරු විතරයි. අපේ ඉගැන්වීම් කට්ටලයට ඒ හැම සඟරාවක්ම ඇතුළත් වෙනවා. ඒ නිසා ඒවා සේවයේදී පාවිච්චි කරන්න අපිට පුළුවන්. ගමන්බිමන් යද්දී, මොනා හරි දෙයක් ගන්න යද්දී සඟරා කිහිපයක් අරන් යන්න අපිට පුළුවන්. මේ සඟරා සකස් කරලා තියෙන්නේ බයිබල් පාඩම් පවත්වන්න නෙවෙයි. ඒත් කෙනෙක්ට දෙවියන් ගැන තවත් දැනගන්න ආසාවක් ඇති කරන්න ඒ සඟරා යොදාගන්න පුළුවන්.
සාකච්ඡාවක් පටන්ගත්තාට පස්සේ බයිබල් පදයක් පෙන්වලා අපේ සඟරාවක තියෙන ඒ කෙනාට ගැළපෙයි කියලා හිතන විෂයක් ගැන කියන්න. උදාහරණයකට එයා දරුවන් ඉන්න කෙනෙක් නම්, මොකක් හරි ප්‍රශ්නයක් නිසා කනස්සල්ලෙන් ඉන්න කෙනෙක් නම් ඔයාට මෙහෙම කියන්න පුළුවන්. “ඒ විෂය ගැන තියෙන හොඳ සඟරාවක් ළඟදී මං කියෙව්වා. ඔයාට ඒක පෙන්නන්නද?” ඒ කෙනා උනන්දුවක් දක්වනවා නම් මුල් හමු වීමේදීම වුණත් එයාට සඟරාවක් දෙන්න හරි ඉලෙක්ට්‍රෝනික මාධ්‍යයෙන් සඟරාවක් යවන්න හරි ඔයාට පුළුවන්. අපි සේවයේ යන්නේ සඟරා බෙදන අරමුණෙන් නොවුණත් ඉගෙනගන්න දේවලට අනුව ජීවිතේ වෙනස් කරගන්න කැමති අයව හොයාගන්න සඟරා පාවිච්චි කරන්න අපිට පුළුවන්.—ක්‍රියා 13:48.
2018
2019
2020
ඔයා සේවය කරන ප්‍රදේශයේ ඉන්න අය උනන්දු වෙන්නේ මොන වගේ විෂයන් ගැනද?