නිර්මාණයක්ද?

හූනාගේ පාදවල අරුමය

◼ හූනාට ඉතාමත් සුමට පෘෂ්ඨයක නොලිස්සා යටිකුරුව එල්ලී සිටීමටත් සිවිලිමක් වැනි පෘෂ්ඨයක යටිකුරුව ඉතාමත් ඉක්මනින් ගමන් කිරීමටත් හැකියි. ඌට තිබෙන මේ හැකියාව ගැන විද්‍යාඥයන් පුදුම වෙනවා. මේ පුංචි හූනා මෙපමණ හපන්කමක් කරන්නේ කෙසේද?

“හූනා දෑත්වලින් එල්ලීගෙන” සිටියි කියා බයිබලයේද පවසා තිබෙනවා. (හිතෝපදේශ 30:28, නව ලොව පරිවර්තනය) උගේ පාදයේ ඇඟිලිවල යටි පැත්තේ ඉතාමත් සියුම් කෙඳි රාශියක් තිබෙනවා. මේ සියුම් කෙඳි තවත් කුඩා කෙඳි සිය ගණනකට බෙදී යනවා. මේවා පියවි ඇසට දැකගන්න බැහැ. කෙසේවෙතත් උන්ගේ පාදයේ ඇඟිලිවල යටි පැත්තේ ඇති කෙඳිවල තිබෙන අණුක ආකර්ෂණය නිසා ඌට යම් පෘෂ්ඨයක යටිකුරුව එල්ලී සිටිය හැකියි.

හූනාගේ පාදයේ මෙම ඇලෙනසුලු ස්වභාවයට අනුකූලව ඇලෙනසුලු ද්‍රව්‍යයන් නිපදවීමට පර්යේෂකයන් බලාපොරොත්තු වෙනවා.a එක් සඟරාවක සඳහන් වූ ආකාරයට මෙය “බොහෝ වෛද්‍යමය කටයුතුවලදී ප්‍රයෝජනවත් වෙයි. තෙත් සහිත ස්වභාවයක් තිබියදී පවා එක තැන රැඳ විය හැකි වෙළුම් පටි ලෙසත් ශල්‍යකර්මයකදී මැහුම් දැමීම වෙනුවට භාවිත කළ හැකි ප්ලාස්ටරයක් ලෙසත් මේවා භාවිත කළ හැකි වෙයි.”—එම සඟරාව Science News.

හූනාට තිබෙන මේ පුදුමාකාර හැකියාව ගැන ඔබ සිතන්නේ කුමක්ද? එම හැකියාව අහම්බෙන් ලැබුණු දෙයක්ද? නැත්නම් එය නිර්මාණයක ප්‍රතිඵලයක්ද?

[පාදසටහන]

[26වන පිටුවේ පින්තූරය]

ටෝකේ වර්ගයේ හූනෙක්

[26වන පිටුවේ පින්තූරය]

හූනාගේ පාදයේ ඇති සියුම් කෙඳි අන්වීක්ෂයකින් බැලූ විට

[26වන පිටුවේ පින්තූරයේ හිමිකම් විස්තර]

Gecko: Breck P. Kent; close-up: © Susumu Nishinaga/​Photo Researchers, Inc.