අදටත් ගැළපෙන පැරණි පොතක්

බයිබලය කියවලා ඒ තොරතුරු අදාළ කරගත්ත නිසා ප්‍රයෝජන ලබපු කීපදෙනෙක් කියපු දේවල් බලන්න.

“මං හිතන විදිහ දැන් ගොඩක් වෙනස්. මං ඉන්නේ සතුටින්. හිතට ලොකු සහනයක් දැනෙනවා.”—ෆියෝනා.

“බයිබලය ගැන ඉගෙනගද්දී මගේ ජීවිතේ නියම අරමුණ මොකක්ද කියලා මං දැනගත්තා.”—නිට්කෝ.

“ජීවිතේ සරල කරගත්ත නිසා පවුලේ අයත් එක්ක වැඩි කාලයක් ගත කරන්න දැන් මට පුළුවන්. මං ඉන්නේ හුඟක් සතුටින්.”—ඇන්ඩෲ.

ලෝකේ පුරාම ඉන්න තවත් හුඟක් අය බයිබලයේ තියෙන මඟ පෙන්වීම් ජීවිතේට කොයි තරම් වටිනවාද කියලා තේරුම් අරන් තියෙනවා.

පහත සඳහන් කාරණාවලදී බයිබලයේ තියෙන තොරතුරු ප්‍රයෝජනවත් වෙන්නේ කොහොමද කියලා අපි බලමු.

• ශරීර සෞඛ්‍යය

• මානසික සෞඛ්‍යය

• පවුල් බැඳීම් සහ මිතුදම්

• මුදල් පාලනය

• දෙවියන් එක්ක බැඳීමක් ඇති කරගැනීම

බයිබලය කියන්නේ දෙවියන්ගෙන් ලැබුණු පොතක් කියලත් ඒකේ තියෙන තොරතුරු එදිනෙදා ජීවිතයට හුඟක් ප්‍රයෝජනවත් කියලත් ඊළඟ ලිපිවලින් පැහැදිලි වෙනවා.