ප්‍රේමයට සහ යහපත් ක්‍රියාවලට පොලඹවන පිණිස රැස්වීම්
පළමු ක්‍රිස්තියානිහු උපදෙස් ලබනු පිණිසත්, ගොඩනංවන සුලු හවුල්කාරත්වය භුක්ති විඳිනු පිණිසත් පෞද්ගලික ගෘහයන්හි එක් රැස් වූහ. අද දින යෙහෝවඃ වහන්සේගේ සාක්ෂිකරුවෝ සතියකට තුන්වරක් එක් රැස් වෙති. මෙම රැස්වීම්වලින් ඕනෑ ම එකකට සහභාගි වීමට ඔබට ආරාධනය කෙරේ. ඔවුන්ගේ රැස්වීම් චාරිත්‍රමය නොවන නමුත් ඔවුහු දිව්‍ය අධ්‍යාපනය කෙරෙහි යොමු වෙති. සභා රැස්වීම් ආරම්භ සහ අවසාන කරන්නේ ගීතිකාවක් සහ යාච්ඤාවක් සමඟිනි. සහභාගි වීම නොමිලයේ වන අතර, සම්මාදම් එක්කාසු කිරීම කරනු නොලැබේ.—ක්‍රියා 4:23-31; 14:22; 15:32, 35; රෝම 16:5; කොලොස්සි 4:15.
සමහර විට ඔබ සහභාගි වන පළමු රැස්වීම, බයිබල් ඉගැන්වීම්, අනාවැකි හෝ ක්‍රිස්තියානි පැවැත්ම අලළා කෙරෙන මිනිත්තු 45ක ප්‍රසිද්ධ කථාව වනු ඇත. මෙම කථාවෙන් පසු, සභා අධ්‍යයනය සඳහා විශේෂයෙන් සැලසුම් කෙරුණු මුරටැඹ ලිපියක් යොදාගනිමින් බයිබල් අධ්‍යයනයක් තිබෙනු ඇත. අධ්‍යයනය මෙම බාහිර රූපය අනුගමනය කරයි: මුරටැඹ ඡේදයක් කියවනු ලබයි, රැස්වීමෙහි සිටින අයට අත එසවීම මගින් ස්වේච්ඡාවෙන් පිළිතුරු දිය හැකි ප්‍රශ්න, විෂය කරුණු මත, මෙහෙයවන්නා විසින් ඉදිරිපත් කරනු ලබයි. සාමාන්‍යයෙන් එක ඡේදයක් මත පිළිතුරු කිහිපයක් දෙනු ලබයි. රැස්වීම පැයක් පුරා පැවැත්වෙයි.
සතියේ පසු කාලයක වෙනත් මිනිත්තු 45හේ රැස්වීම් දෙකක් පැවැත්වෙයි. එකක් නම් දිව්‍ය ආණ්ඩු සේවා පාසලයි. එය බයිබල් විෂයන් මත කරුණු එක් රැස් කරන ආකාරය සහ එය බලපෑමෙන් යුක්ත ව ඉගැන්වීමට පුහුණුව සපයා දෙයි. මිනිත්තු 21ක විශේෂ උපදෙස්වලින් පසු, කලින් පැවරුම් ලද ශිෂ්‍යයෝ කෙටි ඉදිරිපත් කිරීම් දෙති. සෑම ඉදිරිපත් කිරීමකින් පසු, පාසල් උපදේශක විසින් ශිෂ්‍යයාට දියුණු විය හැකි ආකාරය පෙන්වමින් ගුරූපදේශයන් දෙයි. මෙම පාසලේ පාවිච්චිය සඳහා ගුරු අත්පොත් කිහිපයක් ම පිළියෙල කර ඇත. ක්‍රිස්තියානි ප්‍රතිපත්තිවලට අනුකූල ව ඔවුහු ජීවත් වන්නහු නම්, අඛණ්ඩ ලෙස රැස්වීම්වලට සහභාගිවන්නන් හට ඊට ඇතුළත් විය හැක.
ඉන් පසු පැවැත්වෙන රැස්වීම, සේවා රැස්වීම නමින් හැඳින්වේ. සේවයේ වෙනත් අංග මෙන් ම ගෙයින්-ගෙට ශුභාරංචිය ඉදිරිපත් කිරීම පිළිබඳ ව වූ තුන් හෝ සතර කොටසකින් සමන්විත වෙයි. මෙම කොටස්, කථා, සාකච්ඡා හෝ තරමක සබයේ සහභාගිත්වයක් සහිත නිරූපන ලෙස ඉදිරිපත් කෙරෙයි. වැඩ සටහනෙහි වැඩි කොටසක් පදනම් වී ඇත්තේ, වොච්ටවර් සමිතිය මගින් මාස්පතා පළ කරනු ලබන, පිටු සතරක අපගේ රාජ්‍යය සේවාව නැමැති පත්‍රිකාවෙහි හමුවන කරුණු මත ය.
අනෙක් රැස්වීම වනුයේ, සභා බලප්‍රදේශය පුරා සාමාන්‍යයෙන් පෞද්ගලික ගෘහයන්හි, කුඩා කණ්ඩායම්වලින් පවත්වනු ලබන සතිපතා රැස්වීම ය. අධ්‍යයනය පදනම් කරගෙන ඇත්තේ බයිබලය සහ සමිතිය විසින් මෑත දී පළ කරනු ලැබූ පොතක් මත ය. කණ්ඩායම කුඩා නිසා, සැමට ම සාකච්ඡාවට සහභාගි වීමට වඩා හොඳ ප්‍රස්තාවක් ලබා දෙන අතර, සහභාගිවන්නන් හට එකිනෙකා වඩාත් හොඳින් දැන හඳුනා ගැනීමෙහි කදිම අවස්ථාවක් ඇතිවේ.
බොහෝ සභාවන් ඔවුන්ගේ රැස්වීම් පවත්වනු ලබන්නේ යෙහෝවඃ වහන්සේගේ සාක්ෂිකරුවන් විසින් ගොඩනැගූ රාජ්‍යය ශාලාවක් තුළ ය. වියදම් පියවනු ලබන්නේ සාක්ෂිකරුවන් ඔවුන්ගෙන් ම වූ ස්වේච්ඡා සම්මාදම්වලිනි. බොහෝ අවස්ථාවල වැඩ කරනු ලබන්නේ ස්වේච්ඡා සේවකයින් විසින් නොමිලයේ ය. සම්මාදම් දීමට කැමති අයගේ ප්‍රයෝජනය පිණිස සියලු ම රැස්වීම්වල සම්මාදම් පෙට්ටි තිබෙනු ඇත.
සභා රැස්වීම්, යෙහෝවඃ වහන්සේගේ සාක්ෂිකරුවන් හට හෙබ්‍රෙව් 10:24, 25හි ඇති උපදේශය අනුගමනය කිරීමට ආධාර වෙයි: “තවද ප්‍රේමයටද යහපත් ක්‍රියාවලටද පොලඹවන පිණිස, එකිනෙකා ගැන සිතේ තබා ගනිමු. සමහරුන්ගේ පුරුද්ද ලෙස අපේම රැස්වීම් අත් නෑර, ඒ දවස ළංවන බව නුඹලාට පෙනෙන ප්‍රකාරයට වඩ වඩා එකිනෙකාට අවවාදකරමු.”
• යෙහෝවඃ වහන්සේගේ සාක්ෂිකරුවන්ගේ රැස්වීම් තුළ දක්නට ඇත්තේ මුල් ක්‍රිස්තියානි රැස්වීම්වල කුමන අංගයන් ද?
• සාක්ෂිකරුවන් විසින් විධිමත් ව පවත්වනු ලබන රැස්වීම් පහේ දී ඉදිරිපත් කරනු ලබන්නේ කුමක්දැයි කෙටියෙන් දක්වන්න.
• රැස්වීම් ශාලා ලබා ගෙන ඇත්තේ කෙසේ ද?
[14වන පිටුවේ පින්තූර]
වැඩිමහල්ලෙකු මුරටැඹ පාඩම පවත්වමින්, එක්සත් ජනපදයේ
දිව්‍ය ආණ්ඩු සේවා පාසලක දර්ශනයක්, ෆැරෝ දූපත්
පුද්ගලික නිවසක සමූහ අධ්‍යයනයක්, යැප්
යෙහෝවඃ වහන්සේගේ සාක්ෂිකරුවන් විසින් දින දෙකකින් ගොඩනැගූ රාජ්‍යය ශාලාව, න්‍යූ බ්‍රොන්ෆෙල්ස්, ටෙක්සස්, ඇ. එ. ජ.
[15වන පිටුවේ පින්තූර]
විවිධ රටවල රාජ්‍යය ශාලා
ජපානය
ඕස්ට්‍රේලියාව
ඔස්ට්‍රියාව
ස්පාඤ්ඤය