දේව රාජ්‍යය දේශනාකිරීම සඳහා සභාවන් සංවිධානය කෙරේ
යේසුස් වහන්සේ පොළොව මත සිටිය දී, නගරයෙන් නගරයටත්, ගමින් ගමටත් යමින්, දේව රාජ්‍යය ප්‍රකාශ කළ සේක. උන් වහන්සේ තම ගෝලයිනුත් පුහුණු කර, එම කාර්යය ම කිරීම සඳහා ඔවුන් යැවූ සේක. සියලු ම ජාතීන්ගෙන් ජනයා ගෝලයින් කරන ලෙස, උන් වහන්සේ ස්වර්ගයට නැගීමට පෙර තම ගෝලයිනට අණ කළ සේක. එහි මූලාරම්භයේ සිට ම, පළමු ක්‍රිස්තියානි සභාව සංවිධානය කරන ලද්දේ ශුභාරංචිය දේශනා කිරීම සඳහා ය. ගෝලයින් ගිය සැමතැන ම, ඔවුන් දේව රාජ්‍යය දේශනා කරමින් සිටිනු ඇත.—මතෙව් 4:17, 23; 10:1-16; 28:19, 20; ලූක් 4:43, 44; 8:1; 10:1-9; ක්‍රියා 1:8; 4:31; 5:42; 8:12; 19:8; 28:23, 30, 31; රෝම 10:9, 10, 14.
දේවල පිළිවෙළේ අවසානය පිළිබඳ යේසුස් වහන්සේගේ අනාවැකියෙහි උන් වහන්සේ මෙසේ ප්‍රකාශ කළ සේක: “රාජ්‍යයේ මේ ශුභාරංචිය සියලු ජාතීන්ට සාක්ෂියක් පිණිස ජනාවාස පොළොවේ ප්‍රකාශකරනු ලබන්නේ ය; එවිට අන්තිමය පැමිණෙන්නේ ය.” මෙම දේශනා කිරීම අද දින ක්‍රිස්තියානි සභාවේ මූලික වගකීමක් වෙයි.—මතෙව් 24:14, NW; මාර්ක් 13:10.
ලෝක ව්‍යාප්ත ව, යෙහෝවඃ වහන්සේගේ සාක්ෂිකරුවන්ගේ සියලු ම සභාවන් සංවිධානය කර ඇත්තේ තම ප්‍රදේශයන් ක්‍රමවත් ලෙස දේව රාජ්‍යය දේශනා කිරීම මගින් පියවාලීමට ය. එය පිළිවෙළක් ඇති අන්දමකට කිරීම පිණිස, සෑම රටක් තුළ ම වොච්ටවර් සමිතියේ ශාඛා කාර්යාලය මගින් එකිනෙක සභාවනට සාක්ෂි දැරීම සඳහා ප්‍රදේශයක් පවරා දෙනු ලබන්නේ ය. සභාව තමන්ට පැවරි ප්‍රදේශය කුඩා කොටස්වලට බෙදා ජනයා හමු වීමට වගකීම භාර ගන්නා අය හට පවරාදෙන්නේ ය.—1 කොරින්ති 14:33, 40.
සාක්ෂිකරුවන් සාමාන්‍ය වශයෙන් ජනයා හමුවන්නේ ගෙයින් ගෙට යාම මගිනි. තම බයිබලයන් පාවිච්චි කරමින් දොරකඩ දී රාජ්‍යය පණිවුඩය කෙටියෙන් ඉදිරිපත් කිරීම සඳහා යෙහෝවඃ වහන්සේගේ සාක්ෂිකරුවන් පුහුණු කරනු ලැබ ඇත. දේව වචනය පිළිබඳ වැඩි දැනුමක් ලබා ගැනීමට කැමති ගෙවැසියන් වෙත තබා යාම පිණිස සාක්ෂිකරුවෝ බයිබල් පොත් පත් රැගෙන යති.
ප්‍රදේශයේ සෑම අයෙකුට ම වැදගත් වන රාජ්‍යය පණිවුඩයට සවන් දීමේ අවස්ථාවක් ලබා දීම සඳහා, ජනයා ගෙයි නොසිටියේ කොතැනදැයි හෝ වෙන යම් හේතුවක් නිසා බලවත් සාක්ෂියක් දීමට නොහැකි වූයේ කොතැනදැයි දක්වමින්, සාක්ෂිකරුවෝ ගෙයින්-ගෙට යන විට විස්තරාත්මක වාර්තාවක් තබා ගනිති. හමු වීමක් වෙනත් වේලාවක කරනු ලබනවා ඇත. උනන්දු දැක්වූයේ කොතැන ද, එය සටහන් කරගන්නා අතර, අතිරේක ශුද්ධ ලියවිලිමය තොරතුරු සැපයීම සඳහා සාක්ෂිකරුවෙක් නැවත පැමිණෙයි. ආශාවක් දැක්වූයේ නම්, විධිමත් බයිබල් අධ්‍යයනයක් පවත්වනු ලැබේ. මේ සියල්ල ම කරනු ලබන්නේ අය කිරීමකින් තොර ව ය.
යෙහෝවඃ වහන්සේගේ සාක්ෂිකරුවෝ වීථිවල ගමන් කරන්නවුනට සඟරාත් ඉදිරිපත් කරති. මෙමගින් ඔවුනට ගෙවල දී හමු වීමට නොහැකි වන බොහෝ ජනයා මුණගැසීමට හැකි වේ. සවන් දෙන සෑම අයෙකු වෙත ම ළඟා වීමට සැබෑ පරිශ්‍රමයක් දරනු ලැබේ.—ක්‍රියා 17:17; එළිදරව් 14:6, 7; 22:17.
බහුතරය කිසි උනන්දුවක් නොදක්වන විට සාක්ෂිකරුවෝ නොනවත්වා පැමිණෙමින් සිටින්නේ මක්නිසා ද? පුද්ගලයින්ගේ තත්ත්වයන් නිතර වෙනස් වන බව, ඔවුන් වෙනත් බැහැදකින අවස්ථාවක දී යහපත් ප්‍රතිචාරයක් දක්වන බව හෝ උනන්දුව පෙන්වන ගෙයි නිවැසි වෙන යම් පුද්ගලයෙකු හමු විය හැකි බව හෝ සොයා ගනු ලැබ ඇත.
යේසුස් වහන්සේ තම ගෝලයිනට වදාළේ: “පළමුවෙන් ම උන් වහන්සේගේ රාජ්‍යය ද, ධර්මිෂ්ඨකම ද සෙවීම පවත්වා ගෙන යන්න, එවිට අනෙකුත් සියලු දේ ඔබට එකතු කරනු ලැබේ.” දේව රාජ්‍යය දේශනා කිරීම, අපගේ රාජ්‍යය සෙවීමෙහි පළමු අත්‍යවශ්‍ය කොටසක් ඉටු කරන අතර, යෙහෝවඃ වහන්සේගේ සාක්ෂිකරුවෝ මෙය තම ජීවිතයේ ඉතා වැදගත් අරමුණක් බවට පත් කර ගනිති.—මතෙව් 6:33, NW; 2 තිමෝති 4:2.
• යේසුස් වහන්සේගේ සහ පළමු ක්‍රිස්තියානින්ගේ කුමන කාර්යයක් අපගේ දවසේදීත් කරන බවට පුරෝකථනය කර ඇත් ද?
• යෙහෝවඃ වහන්සේගේ සාක්ෂිකරුවන්ගේ දේශනා කටයුතු සංවිධානය කර ඇත්තේ කෙසේ ද?
• බහුතරය උනන්දුවක් නොපෙන්වන විට සාක්ෂිකරුවන් නොනවත්වා පැමිණෙමින් සිටින්නේ මක්නිසා ද?
[16-17වන පිටුවල පින්තූර]
යෙහෝවඃ වහන්සේගේ සාක්ෂිකරුවන් විවිධ රටවල දේව රාජ්‍යය දේශනා කරමින්
තායිලන්තය
මෙක්සිකෝව
නෙදර්ලන්තය
කොරියාව
කුරසවුව
ඝානාව
බ්‍රිතාන්‍යය
ඕස්ට්‍රේලියාව