මාමාගේ ජීවිතය බේරපු පුතෙක්

අපි දැන් නිර්භීත කෙනෙක් ගැන ඉගෙනගමු. අපි එයාගේ නම දන්නේ නැහැ. ඒත් එයා එයාගේ මාමාගේ ඒ කියන්නේ පාවුල්ගේ ජීවිතය බේරගන්න බය නැතුව වැඩ කරපු කෙනෙක් කියලා නම් අපි දන්නවා. එයා මොනවද කළේ කියලා දැනගන්න ඔයා කැමතිද?—

ඒ වෙනකොට පාවුල් හිටියේ හිරගෙදරක. එයාව හිරේ දාලා තිබුණේ එයා යේසුස් ගැන අනිත් අයට කියලා දුන්න නිසයි. පාවුල් එක්ක තරහෙන් හිටපු නරක මිනිස්සු කට්ටියකට ඕන වුණා එයාව මරන්න. ඒ නිසා ඒගොල්ලො කපටි විදිහට මෙහෙම කතා වුණා. ‘අපි හමුදාපති ළඟට ගිහින් කියමු පාවුල්ව හමුදාවේ අයත් එක්ක අපි ඉන්න තැනට එවන්න කියලා. එයා එද්දී අපි පාරේ හැංගිලා ඉඳලා එයාව මරමු.’

පාවුල්ගේ සහෝදරියගේ පුතාට ඒ ගැන දැනගන්න ලැබුණා. එයා මොකද කළේ? එයා හිරගෙදරට ගිහින් ඒ ගැන පාවුල්ට කිව්වා. එතකොට පාවුල් කිව්වා ඉක්මනට ගිහින් ඒ ගැන හමුදාපතිට කියන්න කියලා. හමුදාපති ළඟට ගිහින් ඒක කියන එක ලේසි දෙයක් කියලා ඔයා හිතනවද?— හමුදාපති කියන්නේ හමුදාවේ නායකයා නිසා ඒක ලේසි වුණේ නැහැ. ඒත් එයා බය නැතුව ගිහින් ඒ ගැන හමුදාපතිට කිව්වා.

හමුදාපති ඒක අහලා හමුදාවේ හිටපු 500දෙනෙක් එක්ක එදා රෑම පාවුල්ව සිසේරියට යැව්වා. පාවුල්ව මරන්න අර නරක මිනිසුන්ට පුළුවන් වුණාද?— නැහැ. ඒගොල්ලන්ට ඒක කරන්න බැරි වුණා. ඒ පුතා නිසා පාවුල්ගේ ජීවිතේ බේරුණා.

ඒ කතාවෙන් ඔයාට මොනවද ඉගෙනගන්න පුළුවන්?— ඒ පුතා වගේ ඔයාටත් නිර්භීත කෙනෙක් වෙන්න පුළුවන්. යෙහෝවා දෙවි ගැන අනිත් අයට කියන්න අපි පොඩ්ඩක්වත් බය වෙන්න ඕනෙ නැහැ. ඔයාත් බය නැතුව දෙවි ගැන අනිත් අයට කියනවද?— එහෙම කළොත් ඔයාටත් පුළුවන් අනිත් අයගේ ජීවිත බේරගන්න.