අපේ කාලය සඳහා අනතුරු අඟවන ආදර්ශ ඊට අවනත වන්නට උණුසුම් ආයාචනයක්
අපේ කාලය සඳහා අනතුරු අඟවන ආදර්ශ යන තේමාවෙන් යුත් වීඩියෝ පටයේ අඩංගු බයිබල් නාට්‍යය මගින් අප ඉගෙනගත් පාඩම් සිතට ගැනීමෙන් අපේ අඛණ්ඩතාව දිගටම පවත්වාගැනීම සඳහා අප ගෙන තිබෙන අධිෂ්ඨානය තව තවත් ශක්තිමත් කරගැනීමට අප සියලුදෙනාටම හැකියි. මෙම වීඩියෝ පටය නැරඹීමට කලින් ගණන් කථාව 25වන පරිච්ඡේදය කියවාගන්න. එමෙන්ම වීඩියෝ පටයේ තොරතුරුවල පසුබිම දැනගැනීම සඳහා ශුද්ධ ලියවිලි පිළිබඳ තීක්ෂ්ණ බුද්ධිය (it, සිංහලෙන් නැත) නමැති ප්‍රකාශනයේ දෙවන වෙළුමේ 419වන පිටුවේ තිබෙන 3-5 දක්වා ඡේදද කියවන්න. ඉන්පසු මෙම ප්‍රශ්නවලට උත්තර සපයන්න. මෝවබ්වරු කියන්නේ කාටද? ඔවුන් සමඟ යුද්ධ කරන්න එපා කියා යෙහෝවා මෝසෙස්ට පැවසුවේ ඇයි? (ද්වි. 2:9) ඊශ්‍රායෙල් ජාතිය විනාශ කිරීම සඳහා මෝවබ්වරුන්ව යොදාගැනීමට බාලාම් කුමන්ත්‍රණය කෙරුවේ කෙසේද? ඊශ්‍රායෙල්වරුන් බොහෝදෙනෙක් පොරොන්දු දේශයට ඇතුල් වීමට ආසන්නව තිබියදී තීරණාත්මක පරීක්ෂණයකින් අසමත් වූ බව අප අමතක නොකළ යුත්තේ මන්ද?—1 කොරි. 10:11, 12.
අනතුරු අඟවන ආදර්ශ නමැති වීඩියෝ පටය නරඹද්දී අපේ ජීවිත හා සම්බන්ධ පහත සඳහන් පැති හතර ගැන සිතන්න. අපේ විශ්වාසවන්තකම ඔප්පු කරමින් දෙවිගේ අනුමැතිය භුක්ති විඳීමට නම් අපි මෙම පැති හතරට දැඩි අවධානයක් දිය යුතුයි. (1) ආකල්ප: සමහර ඊශ්‍රායෙල්වරුන් යෙහෝවා දෙවි සහ ඔහුගේ විධිවිධානය කෙරෙහි වැරදි ආකල්පයක් දැරුවේ කෙසේද? අප දැඩි පරිශ්‍රමයක් දරා ඇති කරගත යුතු ආකල්පය කුමක්ද? (2) ආශ්‍රිතයන්: ඊශ්‍රායෙල්වරුන් මෝවබ්වරුන්ගේ මිතුරන් වනවා දැකීමට යෙහෝවා අකමැති වූයේ මන්ද? (නික්. 34:12; හිතෝ. 13:20) අපේ මිතුරන් වන අයව අප නැණවත් ලෙස තෝරාගත යුත්තේ මන්ද? (3) සදාචාර ප්‍රමිති: නරක ආශ්‍රය නිසා ඊශ්‍රායෙල්වරුන් 23,000දෙනෙකු පමණ කළ බරපතළ පාපය කුමක්ද? (1 කොරි. 10:8) අදදින දෙවිගේ සෙනඟ අතර සිටින සමහරදෙනෙකුව දුරාචාරය සඳහා පොලඹවා තිබෙන මලපත කුමක්ද? නමුත් අපව ආරක්ෂා කරගැනීමට අපට හැක්කේ කෙසේද? (4) නමස්කාරය: නමස්කාරයේ පවිත්‍රතාව සම්බන්ධයෙන් ඊශ්‍රායෙල්වරුන්ව පරීක්ෂණයට ලක් වූයේ කෙසේද? අදදින සමහරුන් හසු විය හැක්කේ කුමන ආකාරයේ පිළිම නමස්කාරයකටද? නමුත් අපට එයින් වැළකී සිටිය හැක්කේ කෙසේද?—කොලො. 3:5.
නාට්‍යයේ සිටි යාමීන් ඔහුගේ සදාචාර ප්‍රමිති රැකගැනීම නිසා ආශීර්වාද ලැබුවේ කෙසේද? මේ වීඩියෝ පටය මගින් පාලක මණ්ඩලය සියලුම සැබෑ ක්‍රිස්තියානීන්ට කරන උණුසුම් ආයාචනය කුමක්ද? ඔබ පවුලේ මූලිකයා නම් මේ වීඩියෝ පටය නැවත නැවත ඔබේ පවුලේ අයට පෙන්වීම නැණවත් දෙයක් කියා ඔබට හැඟෙන්නේ මන්ද?