ඇතැම් යුරෝපීය රටවල ගොඩනඟන ජාත්‍යන්තර රාජ්‍ය ශාලා
1 මෑත දශකවලදී, නැඟෙනහිර යුරෝපය ඇතුළු, යුරෝපයේ රටවල් ගණනාවක යෙහෝවාගේ සාක්ෂිකරුවන්ගේ වැඩකටයුතුවලට තහංචි පනවා තිබිණි. මෙහි, අවස්ථා බොහොමයකදීම දමන ලද තහංචි ඉතා දැඩි ඒවා විය. ප්‍රසිද්ධියේ රැස්වීම් පැවැත්වීම දුෂ්කර කටයුත්තක් වූ අතර, රාජ්‍ය ශාලාවක් පාවිච්චි කිරීම මුළුමනින්ම පාහේ කළ නොහැක්කක් විණි. කෙසේවෙතත්, මෑත වර්ෂවලදී, “යෙහෝවා අප උදෙසා මහත් දේ කළේය. එබැවින් අපි සන්තෝෂ වෙමු.”—ගීතා. 126:3.
2 වර්ෂ 1983 පටන්, යෙහෝවාගේ සාක්ෂිකරුවන් මත දමා තිබූ පීඩාකාරී හස්තය ලිහිල් වන්නට පටන්ගති. වර්ෂ 1989 වන විට, පෝලන්තයේ සහ හංගේරියාවේ යෙහෝවාගේ සාක්ෂිකරුවන්ට නෛතික පිළිගැනීම ලැබිණි. වර්ෂ 1991දී, රුසියාවේ යෙහෝවාගේ සාක්ෂිකරුවන්ගේ නෛතික ලියාපදිංචි කිරීම සිදු විණි. එතැන් පටන්, රුසියාවේ සහ කලින් හැඳින්වූ සෝවියට් සමූහාණ්ඩුවේ වැඩකටයුතු සමෘද්ධිමත් වී තිබේ. වර්ෂ 1996 මාර්තු මාසයේ සිට 1998 ඔක්තෝබර් මාසය දක්වා කාලය අතරතුර, යුරෝපීය රටවල් 11ක් අධීක්ෂණය කරන ශාඛා කාර්යාලවලින් කෙරෙන රාජ්‍ය ශාලා ණය ඉල්ලීම් 359කට පාලක මණ්ඩලය අනුමැතිය දුන්නේය.
3 ඔබ මෙම අතිරේකයේ පින්තූරු දෙස බලන විට, යෙහෝවා තම ජනයා වෙනුවෙන් කර ඇති මහත් වූද පුදුමාකාර වූද දේවල් ගැන හොඳින් කල්පනා කර බලන්න. (ගීතා. 136:4) ලෝක ව්‍යාප්ත සහෝදරත්වයේ සම්මාදම් ඉතා ඉහළ අන්දමින් පාවිච්චි කරනු ලබන බව දැනගැනීමට ඔබ සතුටු වෙනවා ඇති. මෙය යොහන් 13:35හි [NW] වාර්තා වී ඇති යේසුස් කී දේ පෙන්නුම් කරයි. “ඔබ අතරේ ප්‍රේමය ඇත්නම්, ඔබ මාගේ ගෝලයන් බව සියල්ලන් දැනගන්නවා ඇත.”
4 සම්පත් සීමිත වූ රටවල රාජ්‍ය ශාලා ඉදි කිරීමට උපකාර කරන මෙම විධිවිධානයෙන් ප්‍රයෝජන ලබමින් සිටින යුරෝපීය රටවල් අතුරින් එක් රටකි, රුමේනියාව. එහි 2000 ජූලි මාසයේ පටන්, රාජ්‍ය ශාලා 36ක් ඉදි කර තිබේ. තම රාජ්‍ය ශාලා සියල්ලටම පාහේ යම් සම්මත සැලැස්මක් යොදාගනිමින්, යුක්‍රේනය 2001දී ශාලා 61ක් ගොඩනැඟූ අතර 2002දී තවත් 76ක් ඉදි කළේය. රාජ්‍ය ශාලා අරමුදලට සම්මාදම් කරනු ලැබූ මුදල්වල උපකාරයෙන්, ක්‍රොඒෂියාව, බල්ගේරියාව, මැසිඩෝනියාව, මොල්ඩෝවා, යුගෝස්ලාවියාව සහ රුසියාව යන රටවල රාජ්‍ය ශාලා ඉදි කර තිබේ.
5 ඇතැම් රටවල රාජ්‍ය ශාලා ඉදි කිරීම පහසු වී නැති අතර, ඉදි කිරීමේ කටයුතු පටන්ගැනීමට පෙර ඒ සඳහා බොහෝ වෑයම් දැරීමට සිදු වී තිබේ. බොහෝ අවස්ථාවලදී ඉදි කිරීමට පෙරාතුව කළ යුතු දේවල් සඳහා බොහෝ කල් ගත වෙයි. තව දෙයක් නම්, අප්‍රිකාවේ සහ දකුණු අමෙරිකාවේ බොහෝ ප්‍රදේශවලට වඩා යුරෝපයේ යම් යම් ප්‍රදේශවල රාජ්‍ය ශාලා ඉදි කිරීම් සඳහා වැය වන වියදම් ඉතා අධික වීමයි. කෙසේවෙතත්, යෙහෝවාට නමස්කාර කරන සංඛ්‍යාව ඉතා විශාල ලෙස වැඩිවීම නිසා, සීමිත සම්පත් ඇති යුරෝපීය රටවලට දැනටත් රාජ්‍ය ශාලා සිය ගණනක් අවශ්‍ය වී තිබේ!
6 මෙම රාජ්‍ය ශාලා ඉදි කිරීමේදී ඉතා වේගයෙන් සිදු වන වර්ධනය දැකීම කොතරම් සතුටට හේතුවක්ද! බොහෝ අද්දැකීම්වලින් පෙන්නුම් කරන්නාක් මෙන්, රාජ්‍ය ශාලා ඉදි කර ඇති යාබද ප්‍රදේශවල ඉතා කදිම සාක්ෂියක් දී ඇත. ගොඩනැඟීමේ කටයුතු පිළිබඳ මාර්ගෝපදේශකයන් අනුගමනය කිරීමට සහෝදරයන් දක්වා ඇති සහයෝගය ප්‍රාදේශීය අධිකාරීන්ගේ සිත්වලට තදින් කා වැදී තිබේ.
7 මේ කාලයේදී සැබෑ නමස්කාරය තුළ සිදු වන වර්ධනය ගැන යෙසායා පුරෝකථනය කළේ ඉතා යෝග්‍ය ලෙසයි. ප්‍රොපේතවරයා තුළින් දෙවි පුරෝකථනය කළේ මෙසේයි. “යෙහෝවා වන මම ඒකේ නියම කලට ඒක ඉක්මන් කරන්නෙමි.” (යෙසා. 60:22) පැහැදිලිවම, පසුගිය දශකය නැඟෙනහිර යුරෝපයේ වර්ධනය සඳහා යෙහෝවාට නියම කාලය වූ බවට ඔප්පු වී තිබේ. රාජ්‍ය ශාලා අරමුදලට තව තවත් අනුබල දීම මගින් බොහෝ රටවල රාජ්‍ය ශාලා ගොඩනැඟීමේ වැඩ වේගවත් කිරීමට අප ගන්නා ප්‍රයත්නවලට යෙහෝවා සිය මහඟු ආශීර්වාද දිගටම වගුරුවත්වා! මෙහි ප්‍රතිඵලය වනු ඇත්තේ සීමිත සම්පත් ඇති රටවල තව තවත් රාජ්‍ය ශාලා ඉදි කරනු ලැබීමයි. එය යුරෝපයේ බොහෝ ප්‍රදේශවල නිර්මල නමස්කාරයේ වර්ධනයට දායක වනු ඇති අතර, “පොළොවේ කෙළවර දක්වාම” ඉමහත් සාක්ෂියක් දෙනු ලබනවා ඇත.—ක්‍රියා 13:47, NW.
[Pictures on page 3]
රාජ්‍ය ශාලා සංකීර්ණය මොස්කව්, රුසියාව
[Pictures on page 4-6]
මැසිඩෝනියාවේ ස්ටෲමිට්සා නගරය
ක්‍රොඒෂියාවේ ඩාරූවාර් නගරය
යුක්‍රේනයේ ලවොෆ් දිස්ත්‍රික්කයේ, සෝකල් නගරය
මැසිඩෝනියාවේ බිටෝලා නගරය
බල්ගේරියාවේ සොෆියා නගරය
බල්ගේරියාවේ ප්ලොව්ඩිෆ් ප්‍රදේශය
රුසියාවේ, කූර්ඩ්සිස්කොයාහි මේකොප් නගරය
යුගෝස්ලාවියාවේ, බට්ච්කා පෙට්‍රෝවාට්ස් නගරය
නැඟෙනහිර යුරෝපයේ
නව රාජ්‍ය ශාලා
යුක්‍රේනයේ, ඉවානො-ග්‍රාන්කිව්ස්ක් දිස්ත්‍රික්කයේ ට්ලුමාක්
යුක්‍රේනයේ ලවොෆ් දිස්ත්‍රික්කයේ රාවා-රුස්කා
යුගෝස්ලාවියාවේ ස්ටාරාහි පාසෝවා නගරය
බොස්නියාවේ සහ හර්සගොවිනාවේ සෙනීට්සා නගරය
යුක්‍රේනයේ ලවොෆ් දිස්ත්‍රික්කයේ සෝකල්
යුක්‍රේනයේ ලවොෆ් දිස්ත්‍රික්කයේ ෂීඩාචිවල්