ස්වාභාවික විපතකට මුහුණ දීමට ඔබ සූදානම්ද?
1. විපතකට මුහුණ දීමට සූදානම්ව සිටීම ඥානවන්ත දෙයක් වන්නේ ඇයි?
1 ලොව පුරාම සිටින අපගේ සහෝදර සහෝදරියන් ඇතුළු මිලියන ගණනක් ජනයා භූමිකම්පා, සුනාමි, සුළි සුළං, සැඩ කුණාටු සහ ගංවතුර වැනි ස්වාභාවික විපත්වලට මුහුණ දෙනවා. ඒවා සිදු වන්නේ අපි කවුරුත් නොසිතන අවස්ථාවලදී නිසාත් අපෙන් ඕනෑම කෙනෙකු ඊට ගොදුරු විය හැකි නිසාත් එවැනි තත්වයකට මුහුණ දීමට සූදානම්ව සිටිම ඥානවන්තම දෙයයි.—හිතෝ. 21:5.
2. අපි දැන් පදිංචි වී සිටින ස්ථානයේ ලිපිනය සහ දුරකථන අංකය වැඩිමහල්ලන්ට දැනුම් දිය යුත්තේ ඇයි?
2 කල් ඇතිව සූදානම් වන්න: විපතක් සිදුවීමට පෙර බලධාරීන් ඒ ගැන කල් ඇතිව අනතුරු ඇඟවිය හැකියි. ඒවාට හොඳින් අවධානය දීම ඉතා වැදගත්. (හිතෝ. 22:3) එවැනි අවස්ථාවලදී වැඩිමහල්ලන් තම සභාවේ සිටින සියලුම සාමාජිකයන්ව ඒ සඳහා සූදානම් කිරීමට අවශ්ය පියවර ගනියි. විපතෙන් පසුවත් තම සභාවේ සාමාජිකයන් ආරක්ෂිතව සිටිනවාද කියා දැනගැනීමටත් අවශ්ය වන්නේ කුමනාකාර උපකාරද කියා දැනගැනීමටත් වැඩිමහල්ලන් උත්සාහ කරනවා. නමුත් තම සාමාජිකයන් දැන් පදිංචි වී සිටින ස්ථාන ගැන හෝ ඔවුන්ව වහාම ඇමතිය හැකි ආකරය පිළිබඳ තොරතුරු වැඩිමහල්ලන් සතුව නැතිනම් වටිනා කාලය අපතේ යා හැකියි. එමනිසා තමන් දැනට පදිංචිව සිටින ස්ථානයේ ලිපිනය සහ දුරකථන අංකය තම සභාවේ ලේකම්ට සහ පොත් පාඩම් අවේක්ෂකට දැනුම් දී තිබීම ඉතා වැදගත්.
3. විපත්තිවලට මුහුණ දෙන ප්රදේශයක අප ජීවත් වෙනවා නම් ඒ වෙනුවෙන් වැඩිමහල්ලන්ගේ සැලසුම්වලට සහයෝගය දිය හැක්කේ කෙසේද?
3 තම සභාවේ සාමාජිකයන් ජීවත් වන්නේ විපත්වලට නිතර මුහුණ පාන ප්රදේශයකයයි සිතන්න. හදිසි අවස්ථාවකදී ඇමතීම සඳහා වෙනත් ප්රදේශයක සිටින ඔබගේ නෑදෑයෙකුගේ හෝ මිත්රයෙකුගේ ලිපිනය සහ දුරකථන අංක තමන්ට ලබා දෙන්න කියා වැඩිමහල්ලන් ඉල්ලා සිටිය හැකියි. එවිට ප්රදේශය අත්හැර ගිය ප්රචාරකයන් සිටින ස්ථානය නිවැරදිව දැනගැනීමට වැඩිමහල්ලන්ට හැකියි. තවදුරටත් හදිසි අවස්ථාවකදී කටයුතු කළ යුතු ආකාරය සම්බන්ධයෙන් යම් සැලැස්මක් ඇති කිරීමටද වැඩිමහල්ලන් කැමති විය හැකියි. උදාහරණයකට හදිසි අවස්ථාවකදී භාවිතයට ගැනීමට අවශ්ය දේවල් පිළිබඳ ලැයිස්තුවක්, විපත්තිය සිදු වූ ස්ථානයෙන් ඔවුන්ව ඉවත් කරගන්නා ආකාරය සහ විශේෂ උපකාර අවශ්ය අයට ඒවා ලබාදෙන්නේ කෙසේද යන්න පිළිබඳව කලින්ම සැලසුම් කිරීම අවශ්ය විය හැකියි. එම ප්රේමණීය සැලැස්මට අපගේ සහයෝගය දීම ඉතාමත් වැදගත්.—හෙබ්රෙ. 13:17.
4. අප ජීවත්වන ප්රදේශයේ විපත්තියක් ඇති වන විට අප කළ යුත්තේ කුමක්ද?
4 විපත්තියක් සිදු වූ පසුව: ඔබ ජීවත්වන ප්රදේශයේ ස්වාභාවික විපතක් සිදු වන විට ඔබ කළ යුත්තේ කුමක්ද? ඔබගේ පවුලේ අයට අවශ්ය මූලික දේවල් සැපයීමට වගබලා ගන්න. එමෙන්ම ඔබට හැකි පමණින් විපතට ගොදුරු වූවන්ට අවශ්ය උපකාර සපයන්න. ඔබට අනතුරක් සිදු වුණත් නැතත් හැකි ඉක්මනින් පොත් පාඩම් අවේක්ෂකව හෝ වැඩිමහල්ලෙකුව ඇමතිය යුතුයි. යම් උපකාරයක් ඔබට අවශ්ය වෙන විටදී සෙසු සහෝදරයන් ඒ වෙනුවෙන් ඔවුන්ගේ උපරිමය කරන බවට ස්ථිර වන්න. (1 කොරි. 13:4, 7) ඔබ සිටින තත්වය ගැන යෙහෝවා දෙවි සැලකිලිමත් වන නිසා ඔහු ඔබව රැකබලා ගන්නා බව විශ්වාස කරන්න. (ගීතා. 37:39; 62:8) එමෙන්ම දිරිගැන්වීම සහ ශක්තිය අවශ්ය අය ගැනද අවධානයෙන් සිටින්න. (2 කොරි. 1:3, 4) ඔබ කලින් කරමින් සිටි ක්රිස්තියානි ක්රියාකාරකම් නැවතත් හැකි ඉක්මනින් ආරම්භ කරන්න.—මතෙ. 6:33.
5. ස්වාභාවික විපත් පැමිණෙන විට ක්රිස්තියානීන්ට එය බලපාන්නේ කෙසේද?
5 ස්වාභාවික විපත් මගින් ඇති වන තර්ජන නිසා ලොව පුරාම මිනිසුන් සිටින්නේ හරිම කනස්සල්ලෙන්. නමුත් ඉතා ඉක්මනින්ම ඒ සියල්ල අවසන් වීමට නියමිත නිසා අපිට අනාගතය ගැන එවැනි බියක් නැහැ. (එළි. 21:4) ඒ කාලය එන තෙක් පැමිණෙන විපත්වලට මුහුණ දීමට හොඳින් සූදානම් වෙමින් දිගටම උද්යෝගයෙන් අන් අයට ශුභාරංචිය දන්වමු.