ප්‍රශ්න පෙට්ටිය

◼ නිතිපතා කරන පවුලේ පාඩමේදී මව සහ පියා යන දෙදෙනාටම කාලය වාර්තා කළ හැකිද?

‘යෙහෝවා දෙවිගේ හික්මවීමෙන්ද, ඔහු සිතන ආකාරයට සිතීමට ඉගැන්වීමෙන්ද’ දරුවන්ව ඇති දැඩි කිරීමේ මූලික වගකීම පියෙකු සතු වුවද මවද ඊට හවුල් වෙනවා. (එෆී. 6:4) “මාගේ පුත්‍රය, ඔබේ පියාගේ මඟ පෙන්වීම් පිළිගන්න. ඔබේ මවගේ උපදෙස්වලට පිටු නොපාන්න” කියා දරුවන්ට බයිබලයේ පවසා තිබීමෙන් ඒ බව පැහැදිලි වෙනවා. (හිතෝ. 1:8, NW) දෙමාපියන් දරුවන්ව පුහුණු කිරීමට යොදාගන්නා ප්‍රධාන ක්‍රමයක් නම් ඔවුන් සමඟ බයිබලය පාඩම් කිරීමයි.

බව්තීස්ම නොවූ දරුවෙක් සමඟ කරන පාඩමට දෙමව්පියන් දෙදෙනාම හවුල් වුණත් ඒ සඳහා වැය කරන කාලය මේ වන තෙක් වාර්තා කළේ එය පවත්වන පියා හෝ මව පමණයි. කෙසේවෙතත් මෙය දැන් වෙනස් කර තිබෙනවා. දරුවාට බයිබලය පාඩම් කිරීමට දෙමව්පියන් දෙදෙනාම හවුල් වෙනවා නම් සතියකට උපරිම කාලය පැයක් ලෙස දෙදෙනාටම වාර්තා කරන්න පුළුවන්. සාමාන්‍යයෙන් දෙමාපියන් දරුවන්ට ඉගැන්වීම සඳහා සතියකට පැයකට වඩා වැඩි කාලයක් ගත කරනවා. දරුවන්ව පුහුණු කිරීමට ඔවුන් දෙදෙනා දිගටම මහත් ප්‍රයත්නයක් දැරිය යුතුයි. (ද්වි. 6:6-9) කෙසේවෙතත් ඔබේ මාසික සේවා වාර්තාවේ වැඩියෙන්ම දකින්න තිබිය යුත්තේ ඔබ ක්ෂේත්‍රයේදී ගත කළ කාලයයි. ඒ නිසා දරුවන් සමඟ පැයකට වඩා වැඩි කාලයක් බයිබල් පාඩම පැවැත්වුවත් සතියකට කිහිප වතාවක් එසේ කළත් දරුවන් කිහිපදෙනෙකුට වෙන වෙනම පාඩම කළත් වාර්තා කළ යුත්තේ සතියකට පැයක් පමණයි. මෙම බයිබල් පාඩම එක පාඩමක් ලෙසද සෑම සතියකම එක නැවත බැලීමක් ලෙසද වාර්තා කළ හැකි වන්නේ දෙමාපියන් දෙදෙනාගෙන් එක් කෙනෙකුට පමණයි.