යෙහෝවා දෙවියන් ආදරේ පිරිසිදුව ඉන්න අයටයි

“අත් සෝදන්න. කාමරේ සුද්ද කරන්න. අතුගාන්න. කුණු විසි කරන්න.” දරුවන් පොඩි කාලේදීම දෙමාපියන් ඒ දේවල් උගන්වනවා. හැබැයි පවිත්‍රව ඉන්න ඕනෙ කියලා මුලින්ම උගන්වලා තියෙන්නේ යෙහෝවා දෙවියන්. (නික් 30:18-20; ද්වි 23:14; 2කොරි 7:1) අපේ ශරීරයත් අපිට අයිති දේවලුත් පිරිසිදුව තියාගද්දී යෙහෝවා දෙවියන්ව ගෞරවයට පත් වෙනවා. (1පේතෘ 1:14-16) අපේ ගෙදර, වටපිටාව කොයි වගේද? පාරවල, උද්‍යානවල කුණු දදා යන මිනිසුන්ට වඩා අපි වෙනස් වෙන්න ඕනේ. පොළොව පවිත්‍රව තියාගන්න අපි උපරිමයෙන් වෑයම් කරන්න ඕනේ. (ගීතා 115:16; එළි 11:18) ටොපි කොළ, බීම බෝතල්, ටින්, චුවිංගම් වගේ දේවල් ඉවත් කරන විදිහෙන් වුණත් අපි පෙන්වනවා පවිත්‍රකම ගැන අපි කොච්චර සැලකිලිමත්ද කියලා. අපිට ඕනෙ අපේ ජීවිතේ හැම කාරණයකදීම අපි කටයුතු කරන විදිහෙන් ‘දෙවිගේ සේවකයන් වෙන්න අපිට සුදුසුකම්’ තියෙනවා කියලා ‘ඔප්පු කරන්නයි.’—2කොරි 6:3, 4.

‘දෙවියන් ආදරේ පිරිසිදුව ඉන්න අයටයි’ වීඩියෝ එක බලලා මේ ප්‍රශ්නවලට උත්තර දෙන්න.

• තමන්ගේ දේවල් පිරිසිදුව තියාගන්නේ නැති එක ගැන සමහරු නිදහසට කරුණු විදිහට කියන්නේ මොනවාද?

• යෙහෝවා දෙවියන් පිරිසිදුකම ගැන හිතන විදිහ මෝසෙස් මාර්ගයෙන් දීපු නීතියෙන් පැහැදිලි වෙන්නේ කොහොමද?

• කිසිම දෙයක් නොකියා වුණත් යෙහෝවා දෙවියන්ට ප්‍රශංසා කරන්න අපිට පුළුවන් කොහොමද?