Left: Hurricane Ian, Florida, USA, September 2022 (Sean Rayford/Getty Images); center: Mother evacuating with her son, Donetsk, Ukraine, July 2022 (Alex Chan Tsz Yuk/SOPA Images/LightRocket via Getty Images); right: Mass COVID testing, Beijing, China, April 2022 (Kevin Frayer/Getty Images)
සෝදිසියෙන් ඉන්න!
2022: ලොවම ගිනිගත් වසරක්! - ඒ ගැන බයිබලයේ කියන්නේ මොකක්ද?
ලොවක් කැලඹූ යුද්ධ. මිනිස්සුන්ව අසරණ කළ ආර්ථික අර්බුද. අහිංසක ජීවිත බිලිගත් දේශගුණික විපර්යාස. 2022 අවුරුද්ද පුරාම අපි වැඩිපුරම ඇහුවේ ඒ දේවල්. ඒත් ඇයි ඒවා වෙන්නේ? ඒකට ඇත්තම හේතුව පැහැදිලි කරලා තියෙන්නේ බයිබලේ විතරයි.
ඇත්තම හේතුව
බයිබලේ කියනවා අපි මේ ජීවත් වෙන්නේ “අවසාන කාලයේ” කියලා. (2 තිමෝති 3:1) ඒ කාලය පටන්ගත්තේ 1914දී. ඒත් අපි ඇත්තටම ඉන්නේ අවසාන කාලයේ කියලා 2022 අවුරුද්දේ වුණ දේවල්වලින් තහවුරු වෙන්නේ කොහොමද?
“යුද්ධ.”—මතෙව් 24:6.
“2022 වර්ෂය පුරාම යුද්ධයේ බිහිසුණු සෙවණැලි ආයෙත් යුරෝපය වෙළාගත්තා.”a
“රුසියාව යුක්රේනය ආක්‍රමණය කරයි” කියන ලිපිය බලන්න.
“ආහාර හිඟකම්.”—මතෙව් 24:7.
“2022: ලොවම කුසගින්නෙන් දවා දැමූ වසරක්!”b
“යුක්රේන යුද්ධය කුසගින්න අවුළුවයි!” කියන ලිපිය බලන්න.
“වසංගත.”—ලූක් 21:11.
“පෝලියෝ යළි හිස ඔසවයි. වඳුරු උණ (monkeypox) තර්ජනයක් වෙයි. කොරෝනා තව තවත් ජීවිත වනසයි. ඒවායින් ආයේ ආයේ පැහැදිලි වෙන්නේ වසංගත කොච්චර බලවත්ද, ඒවා ඉස්සරහා මිනිස්සු කොච්චර දුර්වලද කියලයි.”c
“මිලියන හයක් බිලිගත් කොරෝනා” කියන ලිපිය බලන්න.
“බිහිසුණු දේවල්.”—ලූක් 21:11.
“2022 අවුරුද්දේ ගොඩක් දේශගුණික විපර්යාස සිද්ධ වුණා. අසාමාන්‍ය විදිහට උෂ්ණත්වය ඉහළ ගියා. දරුණු නියඟයන් ඇති වුණා. ලැව් ගිනි ඇති වුණා. ගංවතුර ගැලුවා. ඒ හැම දේකින්ම දහස් ගාණකට ජීවිත නැති වුණා. මිලියන ගාණක් දෙනා පාරට වැටුණා.”d
“වැඩි වෙන උණුසුමෙන් ගිනියම් වූ ලෝකය” කියන ලිපිය බලන්න.
“කෝලහල [නොසන්සුන්කාරී දේවල්].”—ලූක් 21:9.
“ආර්ථික බිඳ වැටීම, විශේෂයෙන්ම මුළු ලෝකෙටම බලපාපු උද්ධමනය නිසා මිනිස්සු ඉන්නේ කේන්තියෙන්. ඒ නිසා එයාලා 2022 වසර පුරාම ආණ්ඩුවලට විරුද්ධව කැරලිගැහුවා.”e
“දමනය කරගන්න බැරි උද්ධමනය” කියන ලිපිය බලන්න.
ලබන අවුරුද්දේ මොනවා වෙයිද?
2023 අවුරුද්දේ මොනවා වෙයිද කියලා කවුරුත් හරියටම දන්නේ නැහැ. හැබැයි අපි එක දෙයක් දන්නවා. ඒ තමයි ස්වර්ගයේ පිහිටුවලා තියෙන දෙවියන්ගේ රාජ්‍යය ඉක්මන්ටම ඇවිත් මේ පොළොවේ ලොකු වෙනසක් කරනවා කියන එක. (දානියෙල් 2:44) මිනිස්සුන්ගේ දුකට හේතු වෙන හැම දෙයක්ම නැති කරලා ඒ රාජ්‍යයෙන් දෙවියන්ගේ කැමැත්ත මේ පොළොවේ ඉටු කරනවා.—මතෙව් 6:9, 10.
යේසුස් කිව්වා මේ සිද්ධ වෙන දේවල්වලින් බයිබල් අනාවැකි ඉටු වෙන විදිහ ගැන “සෝදිසියෙන් ඉන්න” කියලා. (මාක් 13:37) යේසුස් දුන්න ඒ දේ අහක දාන්න එපා කියලා අපි ඔයාලාගෙන් ආදරෙන් ඉල්ලනවා. ඒත් බයිබලේ තියෙන මඟ පෙන්වීම් අද කාලෙට උදව් වෙන්නේ කොහොමද? ඔයාටත්, ඔයාගේ පවුලේ අයටත් බයිබලේ දීලා තියෙන්නේ මොන වගේ බලාපොරොත්තුවක්ද? ඒ ගැන දැනගන්න ඔයාට උදව් කරන්න යෙහෝවා දෙවිගේ සාක්ෂිකරුවන් ලෑස්තියි!
a “2022 වර්ෂය පුරාම යුද්ධයේ බිහිසුණු සෙවණැලි ආයෙත් යුරෝපය වෙළාගත්තා.”—ජිල් ලෝලස්, AP ප්‍රවෘත්ති සේවය, 2022 දෙසැම්බර් 8.
b “ලෝකෙටම බලපාපු ආහාර හිඟයක්!”—ලෝක ආහාර වැඩසටහන.
c “කොරෝනා, වඳුරු උණ, පෝලියෝ සහ ඩිසීස් X වසංගතය හිස ඔසවපු කාලෙක ජීවිතය.”—JAMA සෞඛ්‍ය සංසදය, ලෝරන්ස් ඕ. ගොස්ටින්, JD, 2022 සැප්තැම්බර් 22.
d “2022 ග්‍රීෂ්ම සෘතුව මෙතරම් දරුණු වෙන්න හේතුව මොකක්ද?”—Earth.Org, මාටිනා ඉජිනි, 2022 ඔක්තෝබර් 24.
e “2022 වසරේ ආර්ථික බිඳ වැටීමෙන් උමතු වූ මිනිසුන් ආණ්ඩුවලට විරුද්ධව පාරට බසියි!”—ජාත්‍යන්තර සාමය උදෙසා වූ කාර්නේජි උපපාදනය, තෝමස් කුරදර්ස් සහ බෙන්ජමින් ෆෙල්ඩ්මන්, 2022 දෙසැම්බර් 8.