පාදසටහන
a රුධිර පීඩනය මනිනු ලබන්නේ, රසදිය මට්ටම ඉහළ දැමිය හැකි මිලිමීටර් සංඛ්‍යාවෙනි. වම් හෘද කෝෂිකාව සංකෝචනයෙන් මහා ධමනිය වෙත තෙරපීමේදී ඇති වන පීඩනය ආකුඤ්ච පීඩනය ලෙසද, රුධිරය පොම්ප කිරීමෙන් පසු සම්පූර්ණ හෘද විස්තාරයක් ඇති වූ විට සහ හෘදය විරාමයකට භාජන වූ විට ධමනි තුළ ඇති වන පීඩනය විස්තාර පීඩනය ලෙසද හැඳින්වේ. රුධිර පීඩනය පුද්ගලයෙකුගේ වයස, ස්ත්‍රී පුරුෂභාවය, මානසික සහ ශාරීරික විඩාව අනුව වෙනස් වේ. පුරුෂයන්ට වඩා ස්ත්‍රීන්ගේද, දරුවන්ගේද රුධිර පීඩනය අඩු බව දක්නට ලැබෙන අතර, වයෝවෘද්ධ අය තුළ සාමාන්‍යයෙන් වැඩි රුධිර පීඩනයක් දක්නට ලැබේ. සාමාන්‍යයෙන් සෞඛ්‍ය සම්පන්න යෞවනයෙකුගේ ආකුඤ්ච පීඩනය රසදිය මිලිමීටර් 100 සිට 140 දක්වාද, විස්තාර පීඩනය රසදිය මිලිමීටර් 60 සිට 90 දක්වාද විය හැක.