ශුභාරංචිය දේශනා කරලා සතුටක් ලබන්න

දේශනා කරන එක අමාරුයි කියලා ඔයාට හිතෙනවාද? උදාසීන ප්‍රතිචාර, විරුද්ධවාදිකම්, අමුත්තන්ට කතා කරන්න තියෙන බය වගේ හේතු නිසා හුඟාක් අයට එහෙම හිතෙනවා. ඒ දේවලින් අපේ සතුට නැති වෙනවා තමයි. ඒත් අපි සේවය කරන ප්‍රීතිමත් දෙවි කැමති අපිත් සතුටින් සේවය කරනවාටයි. (ගීතා 100:2; 1තිමෝ 1:11) සතුටින් සේවය කරන්න තියෙන හේතු තුනක් බලමු.

පළවෙනි හේතුව, අපි කියන්නේ බලාපොරොත්තුවේ පණිවිඩයක්. අද හුඟාක් අය බලාපොරොත්තු අත්හැරියත් “යහපත් කාලයක් ගැන ශුභාරංචිය” කියලා මිනිසුන්ට බලාපොරොත්තුවක් දෙන්න අපිට පුළුවන්. (යෙසා 52:7) ඒකෙන් අපිටත් සතුටක් ලැබෙනවා. ඒ නිසා සේවයේ යන්න කලින් දේවරාජ්‍යයෙන් ලැබෙන ආශීර්වාද ගැන හිතන්න.

දෙවෙනි හේතුව, ශුභාරංචිය නිසා මිනිසුන්ට නරක පුරුදු අත්හරින්නත් දෙවිගේ යාළුවෙක් වෙලා සදහටම ජීවත් වෙන්නත් අවස්ථාව ලැබෙනවා. (යෙසා 48:17, 18; රෝම 1:16) හිතන්න, විපතකට පත් වුණු අයව බේරාගන්න මෙහෙයුමක ඔයාත් ඉන්නවා කියලා. සමහරු උදව් ගන්න අකමැති වුණත් ඔයා ඒ වැඩේ අතහරිනවාද? නැහැ. බේරෙන්න කැමති අයව ඔයා දිගටම හොයනවා.—මතෙ 10:11-14.

වැදගත්ම හේතුව තමයි දේශනා සේවයෙන් යෙහෝවා දෙවිට ප්‍රශංසාව ලැබෙන එක. අපේ සේවය දෙවි සලකන්නේ වටිනා එකක් විදිහට. (යෙසා 43:10; හෙබ්‍රෙ 6:10) ඒක කරන්න දෙවිගේ බලයත් අපිට දෙනවා. ඒ නිසා දෙවිගේ බලය ක්‍රියාත්මක වෙද්දී ඇති වෙන ප්‍රීතිය ඔයා තුළත් ඇති කරන්න කියලා යාච්ඤා කරන්න. (ගලා 5:22) කනස්සල්ල නැති කරගෙන දේශනා කරන්න දෙවි අපිට උදව් කරයි. (ක්‍රියා 4:31) එතකොට මිනිසුන්ගේ ප්‍රතිචාරය මොකක් වුණත් දේශනා කරලා සතුටක් ලබන්න අපිට පුළුවන්.—එස 3:3.

‘අධ්‍යයනය සහ ගැඹුරින් සිතා බැලීමෙන් සතුට යළි ලබාගන්න’ වීඩියෝ එක බලලා මේ ප්‍රශ්නවලට උත්තර දෙන්න:

• අපි හැම මාසෙකම දේශනා සේවයට වැඩිපුර කාලයක් යෙදෙව්වත් පෞද්ගලික අධ්‍යයනයට මුල් තැන දෙන්න ඕනෙ ඇයි?

• අපිට මරියාව ආදර්ශයට ගන්න පුළුවන් කොහොමද?

• ඔයා දෙවිගේ වචනය කියවලා ඒ ගැන හොඳට හිතන්න වෙන් කරලා තියෙන්නේ කොයි වෙලාවද?

• දේශනා සේවයේ යද්දී ඔයා සතුටක් ලබන්නේ මොන දේවලින්ද?